କନକ ବ୍ୟୁରୋ : ଆଜିଠାରୁ ପୁଣି ଶ୍ରୀମନ୍ଦିର ସେବାୟତଙ୍କ କୋଭିଡ ଟେଷ୍ଟ ଆରମ୍ଭ ହୋଇଛି । ଫେବ୍ରୁଆରୀ ୨୭ ପର୍ଯ୍ୟନ୍ତ ଏହା ଚାଲିବ । ପ୍ରତିଦିନ ୫୦ ଜଣ ସେବାୟତଙ୍କ ଆରଟିପିସିଆର ଟେଷ୍ଟ ହେବ । ଏଥର ପ୍ରାୟ ୩ ହଜାର ସେବାୟତଙ୍କର କୋଭିଡ ଟେଷ୍ଟ କରାଯିବ । ଜାନୁଆରୀ ୨୧ ତାରିଖରୁ କଟକଣା ମୁକ୍ତ ଜଗା ଦର୍ଶନ ଆରମ୍ଭ ହୋଇଛି ।

Advertisment

ଫଳରେ ହଜାର ହାଜର ଭକ୍ତଙ୍କ ସୁଅ ଛୁଟୁଛି । ଭକ୍ତଙ୍କ ସଂସ୍ପର୍ଶରେ ସେବାୟତମାନେ ଆସୁଥିବାରୁ କରୋନା ସଂକ୍ରମିତ ହେବା ସମ୍ଭାବନା ରହିଛି । ତେଣୁ ସେବାୟତଙ୍କ ଆଉ ଥରେ କୋଭିଡ ଟେଷ୍ଟ କରାଯାଉଛି । ସେପଟେ ସେବାୟତଙ୍କୁ ପ୍ରାଥମିକତା ଭିତ୍ତିରେ ମାଗଣା ଟିକାକରଣ ପାଇଁ ମଧ୍ୟ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗକୁ ଚିଠି ଲେଖି ଅନୁରୋଧ କରିଥିଲେ ଶ୍ରୀମନ୍ଦିର ପ୍ରଶାସନ ।