କରୋନାକୁ ଫୁ କରି ଉଡ଼ାଇଦେଉଥିବା କଂଗ୍ରେସ ବିଧାୟକଙ୍କ ଭିତରେ ପଶିଲା ଛନକା : ଶେଷରେ ଜଟଣୀ ବିଧାୟକ ସୁର ରାଉତରାୟ ପିନ୍ଧିଲେ ମାସ୍କ
ପୂର୍ବରୁ କହୁଥିଲେ ଦରକାର ନାହିଁ ମାସ୍କ ପିନ୍ଧିବା, ହେବ ନାହିଁ କରୋନା
କନକ ବ୍ୟୁରୋ : କରୋନାକୁ ଫୁ କରି ଉଡାଇ ଦେଉଥିବା କଂଗ୍ରେସର ବରିଷ୍ଠ ବିଧାୟକ ସୁରେଶ ରାଉତରାଙ୍କ ଭିତରେ ପଶିଛି ଛନକା । ଶେଷରେ ମୁହଁରେ ମାସ୍କ ବାନ୍ଧିଛନ୍ତି କଂଗ୍ରେସ ବିଧାୟକ ସୁର ରାଉତରାୟ । କରୋନାର ଦ୍ୱିତୀୟ ଲହର ଯେଭଳି ଦ୍ରୁତ ବେଗରେ ସଂକ୍ରମିତ ହେଉଛି, ତାକୁ ଦେଖି ସୁର ସତର୍କ ହୋଇପଡିଥିବା ଅନୁମାନ କରାଯାଉଛି । କାରଣ ଅନେକ ସମୟରେ ସେ ମାସ୍କ ପିନ୍ଧୁନଥିବା ଦେଖିବାକୁ ମିଳୁଥିଲା ।
Kanak News is now on WhatsApp
Join and get latest news updates delivered to you via WhatsApp
ଏପରିକି ସାମ୍ବାଦିକମାନେ ପଚାରିଲେ, ମାସ୍କ ପିନ୍ଧିବେ ନାହିଁ କିମ୍ବା ସରକାରଙ୍କ ନିୟମକୁ ମାନିବେ ନାହିଁ ବୋଲି ଖୋଲାଖୋଲି ପ୍ରତିକ୍ରିୟା ଦେଉଥିଲେ । ଭିଡ ଭିତରେ ଥିଲେ ବି ତାଙ୍କ ମୁହଁରେ ମାସ୍କ ଥିବା କେହି କେବେ ଦେଖିନଥିଲେ । ତାଙ୍କ କହିବା ଥିଲା ସେ, ଭିଡକୁ ଯାଉ ନାହାନ୍ତି, ବାରମ୍ବାର ହାତ ଧୋଇବା ଭଳି ସତର୍କତା ଗ୍ରହଣ କରୁଛନ୍ତି । କିନ୍ତୁ ମାସ୍କ ପିନ୍ଧିଲେ ତାଙ୍କର ମନୋବଳ ଭାଙ୍ଗିଯିବ । ତେଣୁ ସେ ମାସ୍କ ପିନ୍ଧିବେ ନାହିଁ ବୋଲି ଯୁକ୍ତି ବାଢୁଥିଲେ ।
ହେଲେ ଏବେ କ’ଣ ହେଲା ଯେ, ସୁରଙ୍କ ମୁହଁରେ ମାସ୍କ ଲାଗିଗଲା । ଚର୍ଚ୍ଚା ହେଉଛି କରୋନାର ଭୟାବଗତାକୁ ଦେଖି ସୁରଙ୍କ ଭିତରେ ଭୟ ବଢିଯାଇଥାଇପାରେ । ଯାହାହେଉ ଏହା ଭଲକଥା । ଜନ ପ୍ରତିନିଧି ଭାବରେ ସରକାରଙ୍କ କଟକଣାକୁ ମାନିବା କରୋନା ମହାମାରୀଠାରୁ ନିଜକୁ ଅନ୍ୟମାନଙ୍କୁ ସୁରକ୍ଷା ଦେବା ତାଙ୍କର ଦାୟିତ୍ୱ ମଧ୍ୟ ।