ଭାରତକୁ ସତର୍କ କଲେ ଡବ୍ଲୁଏଚଓ ମୁଖ୍ୟ ବୈଜ୍ଞାନିକ : କହିଲେ, କରୋନାରୁ ଶୀଘ୍ର ମିଳିବନି ମୁକ୍ତି; ଏଣିକି ଭୂତାଣୁ ସହ ବଞ୍ଚିବାକୁ ପଡିବ
ତୃତୀୟ ଲହରରେ ଛୋଟ ପିଲାଙ୍କ ପାଇଁ ଆତଙ୍କିତ ନେହେବାକୁ ଦେଲେ ପରାମର୍ଶ
କନକ ବ୍ୟୁରୋ : କରୋନାରୁ ଭାରତକୁ ଶୀଘ୍ର ମିଳିବ ନାହିଁ ମୁକ୍ତି । ହୁଏତ କରୋନା ସହ ହିଁ ଆଗକୁ ବଞ୍ଚିବାକୁ ହେବ । ଏମିତି ସତର୍କ କରାଇଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ହୁ’ର ମୁଖ୍ୟ ବୈଜ୍ଞାନିକ ଡକ୍ଟର ସୌମ୍ୟା ସ୍ୱାମୀନାଥନ କହିଛନ୍ତି ଯେ, ଭାରତରେ କରୋନା ଏବେ ଏକ ବିଶେଷ ସ୍ଥିତିରେ ପହଞ୍ଚିଛି । ଏହି ସ୍ଥିତି ମହାମାରୀ ଠାରୁ ଅଲଗା । ଏହି ସମୟରେ କମ୍ ଓ ମଧ୍ୟମ ଧରଣର ସଂକ୍ରମଣ ଲାଗି ରହିଥାଏ । ଆଉ ଏହି ସ୍ଥିତିରେ ଲୋକଙ୍କୁ ଭୂତାଣୁ ସହ ବଞ୍ଚିବାକୁ ଶିଖିବାକୁ ପଡ଼ିବ ।
Kanak News is now on WhatsApp
Join and get latest news updates delivered to you via WhatsApp
ଏକ ଗଣମାଧ୍ୟମକୁ ସାକ୍ଷାତକାର ଦେଇ ଡକ୍ଟର ସୌମ୍ୟା ସ୍ୱାମୀନାଥନ କହିଛନ୍ତି ଯେ, ଦେଶର ବିଶାଳ ଜନସଂଖ୍ୟା, ଭିନ୍ନ ଭିନ୍ନ ଅଞ୍ଚଳରେ ରୋଗ ପ୍ରତିରୋଧକ ଶକ୍ତିରେ ଅସମାନତା ରହିଥିବାରୁ କରୋନାରୁ ଭାରତକୁ ସମ୍ପୂର୍ଣ୍ଣ ମୁକ୍ତି ମିଳିଯିବ କୁହାଯାଇନପାରେ । ବରଂ କରୋନା ଭୂତାଣୁ ସହ ଆମକୁ ବଞ୍ଚିବାକୁ ପଡ଼ିବ । ସଂକ୍ରମଣ ସ୍ତର କେବେ କମ୍, କେବେ ବେଶୀ ହୋଇପାରେ । ଅନ୍ୟପଟେ ତୃତୀୟ ଲହରରେ ଅଧିକ ଛୋଟ ପିଲାଙ୍କୁ ସଂକ୍ରମଣ ହେବା ନେଇ ଯେଉଁ ଆକଳନ କରାଯାଉଛି ସେଥିପାଇଁ ଆତଙ୍କିତ ନହେବାକୁ ଅଭିଭାବକଙ୍କୁ ପରାମର୍ଶ ଦେଇଛନ୍ତି ।
ସେ କହିଛନ୍ତି ବିଶ୍ୱର ବିଭିନ୍ନ ରାଷ୍ଟ୍ରର କରାଯାଇଥିବା ଅଧ୍ୟୟନରୁ ଜଣାପଡିଛି, ସୌଭାଗ୍ୟବଶତଃ ଶିଶୁ ମାନଙ୍କ ନିକଟରେ ଅଧିକ ରୋଗ ପ୍ରତିରୋଧକ ଶକ୍ତି ରହିଛି । ଯେଉଁମାନେ ସଂକ୍ରମିତ ହେଉଛନ୍ତି, ସେମାନେ କମ କିମ୍ବା ମଧ୍ୟମ ଧରଣର ଲକ୍ଷଣ ଦେଖାଯାଉଛି । ଆଉ ସେମାନଙ୍କ ମଧ୍ୟରୁ ଅଳ୍ପ କିଛି ଗୁରୁତ୍ୱର ହେଉଛନ୍ତି । ତେବେ ଟିକାକରଣ ଉପରେ ସେ ଗୁରୁତ୍ୱ ଦେବାକୁ ସେ ପରାମର୍ଶ ଦେଇଛନ୍ତି । କହିଛନ୍ତି, ଦେଶରେ ଯେତେ ଅଧିକରୁ ଅଧିକ ଟିକାକରଣ କରାଯିବ ସେତେ ଭଲ ।