କନକ ବ୍ୟୁରୋ : କରୋନା ମୁକିବିଲା ପାଇଁ ମୁଖ୍ୟମନ୍ତ୍ରୀଙ୍କ ରିଲିଫ ଫଣ୍ଡକୁ ୫୦୦ କୋଟି ଟଙ୍କାର ସହାୟତା ଦେଇଛି ଓଡିଶା ଖଣି ନିଗମ । ଲୋକସେବା ଭବନରେ ମୁଖ୍ୟ ସଚିବ ସୁରେଶ ଚନ୍ଦ୍ର ମହାପାତ୍ରଙ୍କୁ ୫୦୦ କୋଟି ଟଙ୍କାର ଚେକ୍ ଦେଇଛନ୍ତି ଓଡିଶା ଖଣି ନିଗମ ଚେୟାରମ୍ୟାନ ଆଇଏଏସ ସୁରେନ୍ଦ୍ର କୁମାର । ଏହି ସହାୟତା ରାଶି ଦେବା ବେଳେ ମୁଖ୍ୟମନ୍ତ୍ରୀ ଭିଡିଓ କନଫରେନ୍ସିଂରେ ଉପସ୍ଥିତ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଫାଇବ ଟି ସଚିବ ଭିକେ ପାଣ୍ଡିଆନ, ଓଏମସିର ପରିଚାଳନା ନିର୍ଦ୍ଦେଶକ ବଳବନ୍ତ ସିଂ ଏବଂ ଓଏମସିର ଅନ୍ୟ ଅଧିକାରୀମାନେ ଉପସ୍ଥିତ ଥିଲେ । ଜନସ୍ୱାର୍ଥ ସମ୍ବଳିତ କାର୍ଯ୍ୟରେ ରାଜ୍ୟ ସରକାରଙ୍କୁ ଏକ ଦାୟିତ୍ୱବାନ ସରକାରୀ ଉଦ୍ୟୋଗ ଭାବେ ସହାୟତା ଯୋଗାଇ ଆସୁଛି ଓଡିଶା ଖଣି ନିଗମ । ରାଜ୍ୟ ସରକାରଙ୍କୁ ୨୦୨୦-୨୧ ଆର୍ଥିକ ବର୍ଷରେ ଓଏମସି ୧୯୮୨ କୋଟି ୧୦ ଲକ୍ଷ ଟଙ୍କାର ଆର୍ଥିକ ସହୟାତା ଦେଇଛି । ଏହାଛଡା ରାଜ୍ୟର ୮ଟି ଜିଲ୍ଲାରେ ୧୦ଟି କୋଭିଡ ହସ୍ପିଟାଲ ପାଇଁ ଆର୍ଥିକ ଅନୁଦାନ ଯୋଗାଇଛି ।