ରାଜ୍ୟରେ ୧୪ ଦିନିଆ ଲକଡାଉନର ପ୍ରଭାବ : ବଢ଼ୁଛି ଟେଷ୍ଟିଂ କମୁଛି ସଂକ୍ରମଣ; ଆଉ ୧୪ ଦିନ ଲକଡାଉନ ଘୋଷଣା ନେଇ ବଢ଼ିଲା ଚର୍ଚ୍ଚା
କନକ ବ୍ୟୁରୋ : ରାଜ୍ୟରେ ଆହୁରି ୧୪ ଦିନ ବଢିପାରେ ଲକଡାଉନ୍ । ସହରାଂଚଳରେ ଜାରି ହୋଇଥିବା ୧୪ ଦିନିଆ ଲକଡାଉନ କଟକଣା ୧୯ ତାରିଖରେ ଶେଷ ହେଉଥିବାବେଳେ ସରକାର ଏହାକୁ ପୁଣି ୧୪ ଦିନ ବଢାଇ ପାରନ୍ତି ବୋଲି ଆଶଙ୍କା କରାଯାଉଛି । ଏଥର କଟକଣାକୁ ଅଧିକ କଡାକଡି କରାଯାଇପାରେ ।
Kanak News is now on WhatsApp
Join and get latest news updates delivered to you via WhatsApp
ଅନୁମାନ କରାଯାଉଛି, ଅତ୍ୟାବଶ୍ୟକ ସାମଗ୍ରୀର କାରବାର ପାଇଁ ବର୍ତ୍ତମାନ ସକାଳ ୬ଟାରୁ ୧୨ଟା ଯାଏଁ ଅନୁମତି ଦିଆଯାଇଥିବାବେଳେ ଏହି ସମୟ ଅବଧିକୁ କମାଇ ଦେଇପାରନ୍ତି ସରକାର । ସେହିପରି ଗ୍ରାମାଂଚଳକୁ କରୋନା ବ୍ୟାପିବାରେ ଲାଗିଥିବାରୁ ଲକଡାଉନ କଟକଣା ଗାଁରେ ମଧ୍ୟ ଲାଗିପାରେ ବୋଲି ଅନୁମାନ କରାଯାଉଛି । ମେ’ ୫ରୁ ରାଜ୍ୟର ସହରାଂଚଳରେ ଲକଡାଉନ କଟକଣା ଲଗାଯିବା ପରେ ସଂକ୍ରମଣ ପ୍ଲାଟ୍ୟୁ ସ୍ଥିତିରେ ରହିଛି । ତେଣୁ ଲକଡାଉନକୁ ବଢାଇ ସରକାର କରୋନାକୁ ନିୟନ୍ତ୍ରଣକୁ ଆଣିବା ଲାଗି ପ୍ରୟାସ କରିପାରନ୍ତି ।
ଗତକାଲି ସର୍ବଦଳୀୟ ବୈଠକରେ ମଧ୍ୟ ବିରୋଧୀ ଦଳଗୁଡିକ ଲକଡାଉନ ବୃଦ୍ଧି ସପକ୍ଷରେ ମତ ରଖିଥିଲେ । ଲକଡାଉନକୁ ବଢାଇ ଟେଷ୍ଟିଂ ଓ ଟ୍ରିଟମେଂଟକୁ ଜୋରଦାର କରିବା ପାଇଁ ବିରୋଧୀ ଦାବି କରୁଛନ୍ତି । କାରଣ ଗ୍ରାମାଂଚଳରେ ସ୍ୱାସ୍ଥ୍ୟ ଭିତିଭୂମି ଦୁର୍ବଳ ଥିବାରୁ ଗାଁରେ କରୋନା ନିୟନ୍ତ୍ରଣ ବାହାରକୁ ଚାଲିଗଲେ ପରିସ୍ଥିତି ଭୟାବହ ହୋଇପଡିବ ।