କରୋନାକୁ ନେଇ ଆସୁଛି ଭଲ ଖବର । ୮.୫ ପ୍ରତିଶତକୁ ଖସିଲା ଓଡ଼ିଶାର ସଂକ୍ରମଣ ହାର, ହେଲେ ମୃତ୍ୟୁ ସଂଖ୍ୟା ସର୍ବାଧିକ ୪୫ ।

183

କନକ ବ୍ୟୁରୋ : ଆଜି ପୁଣି ଓଡିଶାର ସଂକ୍ରମଣ ହାର ଖସିଛି । ୮ ଦଶମିକ ୫ରେ ପହଂଚିଛି ସଂକ୍ରମଣହାର । ଏହି ତଥ୍ୟ ଦର୍ଶାଉଛି, ସଂକ୍ରମଣ ଲଗାତାର ଭାବେ କମି ଚାଲିଛି । ଗତ ୨୪ ଘଂଟାରେ ୫ ହଜାର ୮୯୬ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେପଟେ ଦେଶରେ ୬୩ ଦିନ ପରେ ଲକ୍ଷେ ତଳେ ରହିଛି ଦୈନିକ ସଂକ୍ରମଣ । ଗୋଟିଏ ଦିନରେ ୮୬ ହଜାର ୪୯୮ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨ ହଜାର ୧୨୩ ଜଣଙ୍କ ମୃତ୍ୟୁ ହୋଇଛି ।

କରୋନା ସଂକ୍ରମଣର ତାଜା ସ୍ଥିତିକୁ ସୂଚାଉଥିବା ଓଡ଼ିଶାର ଏହି ମାନଚିତ୍ର ହୁଏତ ସମସ୍ତଙ୍କୁ ଆଶ୍ୱସ୍ତ କରିବ ନିଶ୍ଚୟ । କାରଣ ରାଜ୍ୟରେ ସଂକ୍ରମଣ ହାର ୮.୫୬%କୁ ଖସି ଆସିଛି । ଅନୁଗୁଳ, ବରଗଡ଼, ବଲାଙ୍ଗୀର, ବୌଦ୍ଧ, କଟକ, ଦେବଗଡ଼, ଯାଜପୁର ଝାରସୁଗୁଡ଼ା, କଳହାଣ୍ଡି ଆଦି ଜିଲ୍ଲାରେ ଆଜି ସଂକ୍ରମଣ ହାର ତଳମୁହାଁ ହୋଇଛି । କିନ୍ତୁ ଖୋର୍ଦ୍ଧା, ନୟାଗଡ଼, ନବରଙ୍ଗପୁର, ଭଦ୍ରକ, ବାଲେଶ୍ୱର ଆଦି ଜିଲ୍ଲାରେ କାଲି ତୁଳନାରେ ଆଜି ସଂକ୍ରମଣ ହାର ବଢ଼ିଛି ।

ରାଜ୍ୟରେ ସଂକ୍ରମଣର  ହାର କମୁଛି ସତ, କିନ୍ତୁ ମୃତ୍ୟୁ ସଂଖ୍ୟା ଚିନ୍ତା ବଢ଼ାଇଛି । ଗୋଟିଏ ଦିନରେ ସର୍ବାଧିକ ୪୫ ଜଣଙ୍କ ମୃତ୍ୟୁ ହୋଇଛି । ଚଳିତ ମାସର ପ୍ରଥମ ଆଠ ଦିନରେ ୬୦, ୧୧୩ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ମୋଟ୍ ୩୨୬ ଜଣଙ୍କ ମୃତ୍ୟୁ ହୋଇଛି । ଆଉ ଏସବୁ ଭିତରେ ୭ରୁ ୮ଦିନ ଭିତରେ ଓଡ଼ିଶା ଏକ ଭଲ ସ୍ଥିତିକୁ ପହଂଚିବାର ସମ୍ଭାବନା ରହିଛି ।

ଏପଟେ ଦେଶର କରୋନା ସ୍ଥିତି ସୁଧୁରିବାରେ ଲାଗିଛି । ୬୩ ଦିନ ପରେ ଦେଶରେ ଲକ୍ଷେ ତଳେ ରହିଛି ଦୈନିକ ସଂକ୍ରମଣ । ଗତ ୨୪ ଘଂଟାରେ ୮୬ ହଜାର ୪୯୮ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାରି ଭିତରେ ପିିଜିଟିଭି ହାର ବି କମିଛି ।

ତାରିଖ ସଂକ୍ରମଣ ସଂକ୍ରମଣ ହାର

୦୪-୦୬-୨୧ ୧, ୩୨, ୩୫୪ ୬.୩୭%

୦୫-୦୬-୨୧ ୧, ୨୦, ୫୨୯ ୫.୭୮%

୦୬-୦୬-୨୧ ୧, ୧୪, ୪୬୦ ୫.୬୨%

୦୭-୦୬-୨୧ ୧, ୦୦୬୩୬ ୬.୩୩%

୦୮-୦୬-୨୧ ୮୬, ୪୯୮         ୪.୬୧%

Comments are closed.