କୋଭାକ୍ସିନ ସଫଳତା ହାରକୁ ନେଇ ଚୂଡାନ୍ତ ପରୀକ୍ଷା ପରେ ଭାରତ ବାୟୋଟେକର ସୂଚନା। ଟିକାର ସଫଳତା ହାର ୭୭.୮ ପ୍ରତିଶତ, ଡେଲଟା ଭାରିଆଣ୍ଟ ବିରୋଧରେ ୬୫.୨ ପ୍ରତିଶତ ସଫଳ ରହିଛି କୋଭାକ୍ସିନ ।
କନକ ବ୍ୟୁରୋ : ଦେଶୀ ଟିକାର ସଫଳତା ହାରକୁ ନେଇ ଆସିଲା ନୂଆ ତଥ୍ୟ । ୭୭ ପ୍ରତିଶତରୁ ଅଧିକ ସଫଳ କୋଭାକ୍ସିନ ଟିକା । ଏହାରି ଭିତରେ ତୃତୀୟ ପର୍ଯ୍ୟାୟ ପରୀକ୍ଷଣର ଫଳାଫଳ ଆସିଛି ଏବଂ ଏହା କରୋନା ବିରୋଧରେ ୭୭ ଦଶମିକ ୮ ପ୍ରତିଶତ ସଫଳ ବୋଲି ଦାବି କରିଛି ଟିକା ନିର୍ମାତା ଭାରତ ବାୟୋଟେକ୍ ।
Kanak News is now on WhatsApp
Join and get latest news updates delivered to you via WhatsApp
କରୋନା ସଂକ୍ରମଣର ବିଭିନ୍ନ ସ୍ତର ବିରୋଧରେ ଏହା କେତେ ଫଳପ୍ରଦ ସେନେଇ ମଧ୍ୟ ବିସ୍ତୃତ ତଥ୍ୟ ରଖିଛି ଭାରତ ବାୟୋଟେକ୍ । ଲକ୍ଷଣ ଥିବା କରୋନା ଆକ୍ରାନ୍ତଙ୍କ ବିରୋଧରେ ଏହି ଟିକା ୭୭ ଦଶମିକ ୮ ପ୍ରତିଶତ ପ୍ରଭାବୀ । କିନ୍ତୁ ଗୁରୁତର ଆକ୍ରାନ୍ତଙ୍କ ବିରୋଧରେ ଏହାର ପ୍ରଭାବ ୯୩ ଦଶମିକ ୪ ପ୍ରତିଶତ । ସେହିପରି ଡେଲ୍ଟା ଷ୍ଟ୍ରେନ ବିରୋଧରେ କୋଭାକ୍ସିନ ଟିକା ୬୫ ଦଶମିକ ୨ ପ୍ରତିଶତ ପ୍ରଭାବୀ ବୋଲି ଟିକାର ତୃତୀୟ ପର୍ଯ୍ୟାୟ ପରୀକ୍ଷଣରୁ ମିଲିଥିବା ତଥ୍ୟରୁ ଜଣାପଡିଛି । ସେହିପରି ଲକ୍ଷଣ ଦେଖାଯାଉନଥିବା କରୋନା ଆକ୍ରାନ୍ତଙ୍କ ବିରୋଧରେ ଟିକା ୬୩ ଦଶମିକ ୬ ପ୍ରତିଶତ ପ୍ରଭାବୀ ।