ଦେଶୀ ଟିକା କୋଭାକ୍ସିନର ଚମତ୍କାରୀତାକୁ ନେଇ ଆସିଲା ଭଲ ଖବର : ନୂଆ ଅଧ୍ୟୟନରେ ଦାବି ଭାରତ ଓ ବ୍ରିଟେନ ଷ୍ଟ୍ରେନ ବିରୋଧରେ ପ୍ରଭାବୀ ହେଉଛି ଟିକା
କନକ ବ୍ୟୁରୋ : କରୋନା ଭୂତାଣୁର ବ୍ରିଟେନ ଏବଂ ଭାରତ ପ୍ରଜାତି ବିରୋଧରେ କୋଭାକ୍ସିନ ଟିକା ବେଶ୍ ଫଳପ୍ରଦ ସାବ୍ୟସ୍ତ ହୋଇଛି । ଏନେଇ ଭାରତ ବାୟୋଟେକ ପକ୍ଷରୁ ଜାରି ବିବୃତିରେ କୁହାଯାଇଛି । କୋଭାକ୍ସିନ ଶରୀରର ଏଭଳି ଆଣ୍ଟିବଡି ସୃଷ୍ଟି କରୁଛି ଯାହା କରୋନା ଭାଇରାସର ସମସ୍ତ ପ୍ରଜାତିକୁ ମୁକାବିଲା କରିବାରେ ସକ୍ଷମ ହୋଇପାରୁଛି ।
Kanak News is now on WhatsApp
Join and get latest news updates delivered to you via WhatsApp
କୋଭାକ୍ସିନ ଟିକା ନିର୍ମାତା ଭାରତ ବାୟୋଟେକ କହିଛି ଯେ ଏହି ଟିକା ଭାରତରେ ଅତି କ୍ଷୀପ୍ର ସଂକ୍ରମଣଶୀଳ ପ୍ରଜାତି ବି.୧.୧୬୭ ବିରୋଧରେ ଆଶାନୁରୂପ ପ୍ରଭାବୀ ରହିଛି । ବ୍ରିଟେନ୍ରେ କରୋନାର ବିପଜ୍ଜନକ ପ୍ରଜାତିକୁ ମଧ୍ୟ ନିଷ୍କ୍ରିୟ କରିବାରେ କୋଭାକ୍ସିନ ସଫଳ ପ୍ରମାଣିତ ହୋଇଥିବା କୁହାଯାଇଛି । କ୍ଲିନିକାଲ ସଂକ୍ରାମକ ରୋଗ ଜର୍ଣ୍ଣାଲରେ ଏ ବାବଦରେ ଅଧିକ ତଥ୍ୟ ପ୍ରକାଶିତ ହୋଇଛି । ଆଜି ଡିଆରଡିଓ ଦ୍ୱାରା ବିକଶିତ କୋଭିଡ ଔଷଧ ୨ ଡିଜି ଉପଲବ୍ଧ ହେବ । ଦିଲ୍ଲୀର ବିଭିନ୍ନ ହସ୍ପିଟାଲରେ ଏହି ଔଷଧର ୧୦ ହଜାର ମାତ୍ରା ବିତରଣ କରାଯିବ ।