ଅନୁଗୁଳ ସାନ୍ତରାପୁର ଗାଁରେ କଙ୍ଗାରୁ କୋର୍ଟ : ଗାଁ ବୈଠକରେ ଯୋଗ ନଦେବାରୁ ହେଲେ ବାସନ୍ଦ ; ଋଣ କରିଥିବା ଟଙ୍କାର ସୁଧ ଦେଇନପାରିବାରୁ ନିଆଁ ପାଣି ବାସନ୍ଦ
କନକ ବ୍ୟୁରୋ : ଗାଁରେ ବସୁଛି କଙ୍ଗାରୁକୋର୍ଟ । ଗାଁରୁ ବାସନ୍ଦ ହୋଇ ଦଣ୍ଡ ଭୋଗୁଛନ୍ତି ଅନେକ ପରିବାର । ଅନୁଶାସନ ଆଳରେ ବାସନ୍ଦ ପରିବାରକୁ ଦିଆଯାଉଛି ଅକଥନୀୟ ଅତ୍ୟାଚାର । ଅନୁଗୁଳ ଜିଲ୍ଲାର ସାନ୍ତରାପୁର ଗାଁରେ ଦେଖିବାକୁ ମିଳିଛି ଏପରି ଘଟଣା । କଙ୍ଗାରୁକୋର୍ଟ ଦଣ୍ଡର ଶିକାର ହୋଇଛନ୍ତି ଗାଁର ପୂର୍ବତନ ସରପଂଚ କଳ୍ପତରୁ ଦାସ । ଗାଁରେ ବସୁଥିବା ବୈଠକରେ କଳ୍ପତରୁ ଯୋଗ ନଦେବାରୁ ତାଙ୍କୁ ଏବଂ ତାଙ୍କ ପୁଅଙ୍କୁ ଗାଁରୁ ବାସନ୍ଦ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଲୋକଙ୍କ ଠାରୁ ଋଣ କରିଥିବା ଟଙ୍କାର ମାତ୍ରାଧିକ ସୁଧ ନଦେଇ ପାରିବାରୁ ଗାଁରୁ ନିଆଁ ପାଣି ବାସନ୍ଦ କରାଯାଇଛି । ଏପରିକି ବାସନ୍ଦ ପରିବାରର କୁନି ଝିଅକୁ ମଧ୍ୟ ଟିଉସନରୁ ବାହାର କରି ଦିଆଯାଇଛି । ଖାଲି କଳ୍ପତରୁ ନୁହେଁ ବରଂ ଗାଁର ଅନେକ ପରିବାର ଏହି ବାସନ୍ଦର ଶିକାର ହୋଇଛନ୍ତି । ହେଲେ ଏକଥା ଗାଁର ସରପଂଚ ଜାଣି ମଧ୍ୟ ଚୁପ ରହୁଛନ୍ତି ।