କନକ ବ୍ୟୁରୋ: ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଉଦଘାଟିତ ହୋଇଛି  ଦେଶର ସର୍ବବୃହତ କ୍ରୀଡା ବିଜ୍ଞାନ କେନ୍ଦ୍ର । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦଘାଟନ କରିଛନ୍ତି । ଏହି କେନ୍ଦ୍ରରେ ଖେଳାଳିଙ୍କ ପାଇଁ ଗୋଟିଏ ଛାତତଳେ ସବୁ ପ୍ରକାରର ବ୍ୟବସ୍ଥା ରହିଛି । ଖେଳାଳିଙ୍କୁ ଫିଟ୍ ରଖିବାରେ ଏହି  କେନ୍ଦ୍ର ସହାୟକ ହେବ । କ୍ରୀଡା ବିଜ୍ଞାନ କେନ୍ଦ୍ରରେ ବିଶ୍ୱସ୍ତରୀୟ ଉପକରଣ ଲଗାଯାଇଛି । ରହିବାଠାରୁ ଆରମ୍ଭ କରି ପ୍ରଶିକ୍ଷଣ ଯାଏଁ ସବୁପ୍ରକାରର ସୁବିଧା ଏଠାରେ ରହିଛି । ଉଭୟ ଦିବ୍ୟାଙ୍ଗ ଓ ଅନ୍ୟ ଖେଳାଳିଙ୍କ ପାଇଁ କ୍ରୀଡା ବିଜ୍ଞାନ କେନ୍ଦ୍ରରେ ଉଚ୍ଚକୋଟିର ବ୍ୟବସ୍ଥା ରହିଛି । ଏଠାରେ ମାଇଣ୍ଡ ଲ୍ୟାବ, ରିହାବିଲିଟେସନ ଲ୍ୟାବ, ରିକୋଭରୀ ଲ୍ୟାବ, ଗେଟ୍ ଲ୍ୟାବ, ଫଙ୍କସ୍ନାଲ ଲ୍ୟାବ, ଫିଜିଓଲୋଜି ଲ୍ୟାବ ଓ ପାରା-ଆଥଲେଟ୍ ପର୍ଫର୍ମାନ୍ସ ଲ୍ୟାବ ରହିଛି । ଖେଳାଳିଙ୍କୁ ଫିଟ ରଖିବାରେ ଏହି କେନ୍ଦ୍ର ସହାୟକ ହେବ । ଏଥିପାଇଁ ଉଚ୍ଚ ପ୍ରଶିକ୍ଷିତ ଟ୍ରେନରଙ୍କୁ ନିଯୁକ୍ତି ଦିଆଯାଇଛି ।