ପେଟ୍ରୋଲ-ଡିଜେଲ ଦରବୃଦ୍ଧିକୁ ନେଇ ରାଜ୍ୟସଭାରେ ହଙ୍ଗାମା : ମୋଦିଙ୍କ ବିରୋଧରେ ବିରୋଧୀ ସଦସ୍ୟଙ୍କ ନାରାବାଜି; ଗୃହ ମୁଲତବୀ
ଆଲୋଚନା ପାଇଁକଂଗ୍ରେସ ଆଣିଲା ମୁଲତବୀ ପ୍ରସ୍ତାବ
କନକ ବ୍ୟୁରୋ : ତେଲ ପାଇଁ ହଙ୍ଗାମା । ପେଟ୍ରୋଲ ଓ ଡିଜେଲ ଦର ବୃଦ୍ଧିକୁ ନେଇ ରାଜ୍ୟସଭାରେ ଆଜି ବିରୋଧୀ ସଦସ୍ୟମାନେ ହଟ୍ଟଗୋଳ କରିଛନ୍ତି । ବିରୋଧୀ ସଦସ୍ୟମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ବି ନାରାବାଜି କରିଥିଲେ । ଫଳରେ ରାଜ୍ୟସଭା ସଭାପତି ଗୃହକୁ ମୁଲତବୀ ଘୋଷଣା କରିଛନ୍ତି । ହଙ୍ଗାମା ଯୋଗୁଁ ପ୍ରଥମେ ଗୃହକୁ ଦିନ ୧୧ଟା ଓ ପରେ ଦିନ ଦିନ ଗୋଟାଏ ଯାଏଁ ମୁଲତବୀ ଘୋଷଣା କରିଛନ୍ତି ସଭାପତି ।
Kanak News is now on WhatsApp
Join and get latest news updates delivered to you via WhatsApp
ତେଲ ଦର ବୃଦ୍ଧି ପ୍ରତିବାଦରେ ଆଜି ଗୃହର ପ୍ରଥମାର୍ଦ୍ଧରେ ବିରୋଧୀ ସଦସ୍ୟଙ୍କ ହଙ୍ଗାମା ଯୋଗୁଁ ଗୃହକୁ ଦିନ ୧୧ଟା ଯାଏଁ ସଭାପତି ମୁଲତବୀ ଘୋଷଣା କରାଯାଇଥିଲା । ଦିନ ୧୧ଟା ପରେ ଗୃହକାର୍ଯ୍ୟ ଆରମ୍ଭ ହେବା ମାତ୍ରେ ତୈଳଦର ବୃଦ୍ଧି ସମ୍ପର୍କରେ ଆଲୋଚନା ପାଇଁ ବିରୋଧୀ ଅଡିବସିଥିଲେ । ସଭାପତି ଏହାକୁ ଗ୍ରହଣ କରିନଥିଲେ । ଫଳରେ ଗୃହକୁ ଦିନ ଗୋଟାଏ ଯାଏଁ ମୁଲତବୀ ଘୋଷଣା କରାଯାଇଛି ।
ବିରୋଧୀ ଗୃହରେ ଅଭିଯୋଗ କରିଛନ୍ତି, ପେଟ୍ରୋଲ,ଡିଜେଲ ଓ ଗ୍ୟାସ ଦର ବର୍ତମାନ ଆକାଶଛୁଆଁ ହୋଇଛି । ଏଥିପାଇଁ ଗରିବ ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି । ସରକାର ଏହା ଉପରେ ଆଲୋଚନା କରି ତୁରନ୍ତ ପଦକ୍ଷେପ ନିଅନ୍ତୁ । ତେଲ ଦର ବୃଦ୍ଧି ନେଇ ଉଭୟ ରାଜ୍ୟସଭା ଓ ଲୋକସଭାରେ ମୁଲତବୀ ପ୍ରସ୍ତାବ ଦେଇ ତୈଳଦର ବୃଦ୍ଧି ନେଇ ଆଲୋଚନା କରିବାକୁ ଦାବି କରାଯାଇଛି ।