ଜାତିସଂଘରେ ମୋଦିଙ୍କ ଅଭିଭାଷଣ । ନାଁ ନନେଇ ପାକିସ୍ତାନ ଉପରେ ବର୍ଷିଲେ, ଆତଙ୍କବାଦୀଙ୍କୁ ଅସ୍ତ୍ର ଭଳି ବ୍ୟବହାର କରାନଯାଉ ।
କନକ ବ୍ୟୁରୋ : ଜାତିସଂଘ ମହାସଭାରେ ପ୍ରଧାନମନ୍ତ୍ରୀ ମୋଦିଙ୍କ ଅଭିଭାଷଣ । ଆତଙ୍କବାଦ ପ୍ରସଙ୍ଗରେ ବଡ ବୟାନ ରଖିଛନ୍ତି ମୋଦି । ନାଁ ନନେଇ ପାକିସ୍ତାନକୁ ଟାର୍ଗେଟ କରିବା ସହ ମୋଦି କହିଛନ୍ତି, ବିଶ୍ୱରେ ଚରମପନ୍ଥୀଙ୍କ ସଂଖ୍ୟା ବଢୁଛି । ଆଫଗାନିସ୍ତାନରେ କଣ ସ୍ଥିତି ଅଛି ତାହା ପୂରା ବିଶ୍ୱ ଦେଖୁଛି । ଆତଙ୍କବାଦୀଙ୍କୁ ରାଜନୈତିକ ଅସ୍ତ୍ର ଭଳି ବ୍ୟବହାର କରାଯାଉଛି । ତେଣୁ ଯେଉଁମାନେ ଆତଙ୍କବାଦୀଙ୍କୁ ବ୍ୟବହାର କରୁଛନ୍ତି ସେମାନଙ୍କ ପାଇଁ ବି ବଡ ବିପଦ ରହିଛି । ତେଣୁ ଆତଙ୍କବାଦକୁ ଅସ୍ତ୍ର ଭଳି ବ୍ୟବହାର କରାନଯାଉ ।
Kanak News is now on WhatsApp
Join and get latest news updates delivered to you via WhatsApp
#WATCH | PM Modi says at UNGA,”…Countries with regressive thinking that are using terrorism as a political tool need to understand that terrorism is an equally big threat for them. It has to be ensured that Afghanistan isn’t used to spread terrorism or launch terror attacks…” pic.twitter.com/YCr85QGMby
— ANI (@ANI) September 25, 2021
ଆତଙ୍କବାଦ କାର୍ଯ୍ୟକଳାପ ବଢାଇବାକୁ ଓ ଆତଙ୍କବାଦୀଙ୍କୁ ପ୍ରଶୟ ଦେବାକୁ ଆଫଗାନିସ୍ତାନକୁ ବ୍ୟବହାର କରାନଯାଉ । ଏହା ପୂରା ବିଶ୍ୱକୁ ସୁନିଶ୍ଚିତ କରିବାକୁ ପଡିବ । କାରଣ ଆତଙ୍କବାଦ ପୂରା ବିଶ୍ୱ ପାଇଁ ବିପଦ । ଆଫଗାନିସ୍ତାନରେ ମହିଳା ଓ ଶିଶୁଙ୍କୁ ଯେପରି ନ୍ୟାୟ ମିଳିବ ତାହାର ଦାୟିତ୍ୱ ପୂରା ବିଶ୍ୱକୁ ନେବାକୁ ପଡିବ । ଆଫଗାନିସ୍ତାନରେ ସଂଖ୍ୟାଲଘୁଙ୍କ ସୁରକ୍ଷା ଆବଶ୍ୟକ । ଅନ୍ତର୍ଜାତୀୟ ସମୁଦାୟକୁ ଏଥିପାଇଁ ସ୍ୱର ଉଠାଇବାକୁ ପଡିବ । ଏହାଛଡା ସମୁଦ୍ରସୀମାର ଦୁରୁପଯୋଗ ହେବା ଉଚିତ ନୁହେଁ ବୋଲି କହିଛନ୍ତି ମୋଦି । ଏଭଳି କରି ଚୀନକୁ ଟାର୍ଗେଟ କରିଛନ୍ତି ମୋଦି । ସମୁଦ୍ରପଥର ବ୍ୟବହାର ବାଣିଜ୍ୟିକ କାରବାର ପାଇଁ କରାଯାଉ, ଏକଚାଟିଆ ଆଧିପତ୍ୟ ବିସ୍ତାର ପାଇଁ ନୁହେଁ ।