୧୯ରୁ ମିଳିବ ବାରବାଟୀ ଟିକେଟ୍ । ପରିଚୟପତ୍ର ଦେଖାଇଲେ ଜଣକା ମିଳିବ ୨ଟି ଟିକେଟ୍, ୩ ବର୍ଷରୁ ଅଧିକ ବୟସର ପିଲାଙ୍କ ପାଇଁ ଲାଗିବ ପୂରା ଟିକେଟ୍ ।
କନକ ବ୍ୟୁରୋ : ବାରବାଟୀ ଟିକେଟ୍ ପାଇଁ ୧୨ଟି କାଉଣ୍ଟରର ବ୍ୟବସ୍ଥା । ପ୍ରତିବର୍ଷ ୪ଟି କାଉଣ୍ଟରରେ ଟିକେଟ୍ ମିଳୁଥିବା ବେଳେ ଚଳିତ ବର୍ଷ ଦର୍ଶକଙ୍କ ପାଇଁ ୧୨ଟି କାଉଣ୍ଟରରେ ମିଳିବ ଟିକେଟ୍ । ଆସନ୍ତା ଡିସେମ୍ବର ମାସ ୨୨ ତାରିଖରେ କଟକ ବାରବାଟୀ ଷ୍ଟାଡିୟମରେ ଖେଳାଯିବ ଭାରତ ୱେଷ୍ଟଇଣ୍ଡିଜ ଦିନିକିଆ ମ୍ୟାଚ୍ । ଆଉ ଏଥିପାଇଁ ଆସନ୍ତା ୧୯ ତାରିଖରେ କାଉଣ୍ଟରରେ ଟିକେଟ୍ ବିକ୍ରି କରାଯିବ । ଏନେଇ ଆଜି ସାମ୍ବାଦିକ ସମ୍ମିଳନୀରେ ବିସ୍ତୃତ ସୂଚନା ଦେଇଛି ଓଡିଶା କ୍ରିକେଟ୍ ଆସୋସିଏସନ୍ ।
Kanak News is now on WhatsApp
Join and get latest news updates delivered to you via WhatsApp
ଏହି ହାଇଭୋଲଟେଜ୍ ମ୍ୟାଚ୍ ପାଇଁ ଅନଲାଇନ୍ ଟିକେଟ୍ ବୁକି ପ୍ରକ୍ରିୟା ଶେଷ ହୋଇଥିବା ବେଳେ ଆଉ କିଛି ଦିନ ପରେ ଅଫଲାଇନରେ ଟିକେଟ୍ କିଣିପାରିବେ ଦର୍ଶକ । ତେବେ ୧୨ଟି କାଉଣ୍ଟରରେ ମୋଟ୍ ୧୦ ହଜାର ୫୦ଟି ଟିକେଟ୍ ବିକ୍ରି କରାଯିବ । ଆଉ ୩ ବର୍ଷରୁ ଅଧିକ ବୟସର ପିଲାଙ୍କ ପାଇଁ ଲାଗିବ ପୂରା ଟିକେଟ୍ । ଏନେଇ ସୂଚନା ଦେଇଛି ଓଡିଶା କ୍ରିକେଟ୍ ଆସୋସିଏସନ୍ ।
ତେବେ ଯେଉଁମାନେ ଟିକେଟ୍ କିଣିବେ ସେମାନଙ୍କୁ ନିଜର ପରିଚୟ ପତ୍ର ଦେଖାଇବାକୁ ହେବ । ଆଉ ଜଣେ ବ୍ୟକ୍ତି ସର୍ବାଧିକ ୨ଟି ଟିକେଟ୍ ନେଇପାରିବେ । ଏହା ସହ ପ୍ରତି ଗ୍ୟାଲେରୀରେ ହେଲ୍ପ ଡେସ୍କ ରଖିବା ନେଇ ସୂଚନା ଦେଇଛି ଓସିଏ ।
ସକାଳ ୭ଟା ପୂର୍ବରୁ ଟିକେଟ୍ ପାଇଁ ଧାଡି କରିବାକୁ ଦିଆଯିବ ନାହିଁ । ସେହିପରି ଡିସେମ୍ବର ୨୨ ତାରିଖ ଦିନ ୨ଟା ୩୦ ମିନିଟରେ ମ୍ୟାଚ୍ ଖେଳାଯିବାକୁ ଥିବା ବେଳେ ସକାଳ ୯ଟା ୩୦ରେ ଗେଟ୍ ଖୋଲାଯିବ । ଅନ୍ୟପଟେ ଡିସେମ୍ବର ୧୬ ତାରିଖ ସୁଦ୍ଧା ବାରବାଟୀ ଷ୍ଟାଡିୟମର ସମସ୍ତ ମରାମତି କାମ ଶେଷ ହେବ ବୋଲି କହିଛି ଓଡିଶା କ୍ରିକେଟ୍ ଆସୋସିଏସନ୍ ।
ତେବେ ୨୨ ତାରିଖରେ ମ୍ୟାଚ୍ ଥିବା ବେଳେ ଏହା ପୂର୍ବରୁ ଉଭୟ ଭାରତ ଏବଂ ୱେଷ୍ଟଇଣ୍ଡିଜ ଦଳ ନେଟ୍ ପ୍ରାକ୍ଟିସ୍ କରିବେ । ୨୦ ଏବଂ ୨୧ ତାରିଖ ଦୁଇ ଦିନ ଧରି ଦୁଇ ଦଳ ଅଭ୍ୟାସ କରିବେ । ଟିମ୍ ଇଣ୍ଡିଆର ଅଭ୍ୟାସ ସମୟ ହେଉଛି ଦିନ ୨ଟା ଏବଂ ୫ଟା । ସେହିପରି ୱେଷ୍ଟଇଣ୍ଡିଜ ଦଳର ନେଟ୍ ପ୍ରାକ୍ଟିସ ସମୟ ହେଉଛି ସକାଳ ୯ଟା ଏଭଂ ଦିନ ୧୨ଟା । ଏନେଇ ଆଜି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଓଡିଶା କ୍ରିକେଟ୍ ଆସୋସିଏସନର ସମ୍ପାଦକ ସଞ୍ଜୟ ବେହେରା ।