ନିଶାର ବିକଳ୍ପ ସାଜିଛି କଫସିରଫ! ରାଜ୍ୟ ବାହାରକୁ ଲମ୍ବିଛି କାରବାରର ଚେର

କନକ ବ୍ୟୁରୋ: ଭୁବନେଶ୍ୱରରୁ ଜବତ ହୋଇଛି ପେଟି ପେଟି ଭେଜାଲ କଫସରିଫ । ଏହାକୁ ପିଇଲେ ଦେହ ଭଲ ହେବା ବଦଳରେ ଖରାପ ହେବ । ଭରତପୁର ଥାନା ପକ୍ଷରୁ ବରମୁଣ୍ଡା ବସଷ୍ଟାଣ୍ଡରୁ ଏହି କଫସିରଫ ଜବତ ହୋଇଛି । ଭୁବନେଶ୍ୱରରୁ ନୟାଗଡ ଯାଉଥିଲା ଏହି କଫସିରଫ । ପ୍ରବୀଣ ଦାସ ନାମକ ଜଣେ ବ୍ୟକ୍ତି ମଂଚେଶ୍ୱର ଅଂଚଳରେ ଏମଏସ ଫାର୍ମା ନାଁରେ ଏକ ସଂସ୍ଥା ଖୋଲି ଏଭଳି କାରବାର କରୁଥିଲେ । ଘଟଣାରେ ଦୁଇଜଣ ଗିରଫ ହୋଇଥିବାବେଳେ ପ୍ରବୀଣ ଦାସ ଫେରାର ହୋଇଯାଇଛନ୍ତି । ଗିରଫ ୨ ଅଭିଯୁକ୍ତଙ୍କ ବୟାନ ଅନୁସାରେ, ଅହମ୍ମଦାବାଦରୁ ଆସୁଥିବା କଫସିରଫ ରାଜ୍ୟର ବିଭିନ୍ନ ଜିଲ୍ଲାକୁ ଚାଲାଣ ହେଉଥିଲା । ବଲାଙ୍ଗୀରରୁ ଗତ ମାସରେ ଜବତ ୪୦ ଲକ୍ଷ ଟଙ୍କାର ସମାନ ବ୍ରାଣ୍ଡର କଫସିରଫ ଜବତ ହୋଇଥିଲା । ତେଣୁ ଆବଶ୍ୟକ ପଡିଲେ ମାନ୍ୟୁଫକଚର ଲୋକେସନ ଅହମ୍ମଦାବାଦକୁ ଖୁବଶୀଘ୍ର ଯିବ କମିଶନରେଟ୍ ପୁଲିସ ।

ରଦ୍ଦ ହେବ ଫାର୍ମା କମ୍ପାନୀ ପ୍ରୋପାଇଟର ଲାଇସେନ୍ସ?
ବିନା ପ୍ରେସକ୍ରିପସନରେ ବିକିଲେ ହେବ ରେଡ୍
ସ୍ୱାସ୍ଥ୍ୟ ବିଭାଗ ପକ୍ଷରୁ କଫସିରଫର ସାମ୍ପୁଲ ସଂଗ୍ରହ କରାଯାଇ ପରୀକ୍ଷାଗାରକୁ ପଠାଯାଇଛି ।

ସଂପୃକ୍ତ ଫାର୍ମା କମ୍ପାନୀ ପ୍ରେପାଇଟର ଲାଇସେନ୍ସ ରଦ୍ଦ ପାଇଁ ସୁପାରିଶ ହୋଇଛି ବେଆଇନ ଭାବେ କିଛି ଅସମାଜିକ ବ୍ୟକ୍ତି କଫସିରଫରେ ଏନ-୧୦ ଭଳି ବଟିକା ପକାଉଛନ୍ତି । ତେଣୁ ଏମାନଙ୍କୁ ଧରିବା ସହ ଆଗାମୀ ଦିନରେ ସନ୍ଦିଗ୍ଧ ଔଷଧ ଦୋକାନାରେ ଚଢାଉ ହେବ ବୋଲି କହିଛନ୍ତି ଡ୍ରଗ୍ସ ଇନସ୍ପେକ୍ଟର ।

କିଏ ଓଡିଶାକୁ ଆଣୁଥିଲା ପେଟି ପେଟି କଫସିରଫ?
କାହା ମାଧ୍ୟମରେ ହେଉଥିଲା କଫସିରଫ ଚାଲାଣ?
କେଉଁ ଉଦ୍ଦେଶ୍ୟରେ କଫସିରଫ ଚାଲାଣ କରୁଥିଲା ଡ୍ରଗ ଡିଲର?
ଏସବୁର ଗୁଢ ରହସ୍ୟ ଜାଣିବା ପାଇଁ ଗଠନ ହୋଇଛି ସ୍ୱତନ୍ତ୍ର ଟିମ । କଫସିରଫ ଶସ୍ତା ହୋଇଥିବାରୁ ଏହା ମଦ ଆଉ ବ୍ରାଉନସୁଗାରର ବିକଳ୍ପ ଭଳି ବ୍ୟବହାର କରାଯାଉଛି ।