ସଙ୍କଟରେ ଧଳାସୁନା ଚାଷୀ । ବିକ୍ରି ହୋଇନପାରି ରାୟଗଡାର ଆରଏମସି ମାର୍କେଟ ୟାର୍ଡରେ ଠିଆ ହୋଇଛି ଶହ ଶହ କପା ବୋଝେଇ ଟ୍ରକ, ବର୍ଷା ଆଣିପାରେ ଦୁର୍ଦ୍ଦଶା
କନକ ବ୍ୟୁରୋ : ବିକ୍ରି ହୋଇପାରୁନି କପା । ସଂକଟରେ ଧଳା ସୁନା ଚାଷୀ । ବିଳମ୍ବରେ ମଣ୍ଡି ଖୋଲିବା ସହ ଅଭାବି ବିକ୍ରି ପରେ ଏବେ ମଣ୍ଡିରୁ କପା ନଉଠିବା ଚାଷୀଙ୍କ ପାଇଁ ବଡ ସମସ୍ୟା ସୃଷ୍ଟି କରିଛି । ଏ ହେଉଛି ରାୟଗଡା ଆରଏମସି ୟାର୍ଡର ଦୃଶ୍ୟ । ବିକ୍ରି ପାଇଁ ଛିଡା ହୋଇଛି ବହୁ ସଂଖ୍ୟାରେ କପା ବୋଝେଇ ଗାଡି । କପା କିଣିବାକୁ କଟନ କର୍ପୋରେସନ ଅଫ ଇଣ୍ଡିଆ ସିସିଆଇ ଦାୟିତ୍ୱ ନେଇଥିଲେ ବି ଉଠୁନି କପା । ଫଳରେ ପ୍ରାୟ ପାଂଚ ଦିନ ହେବ ଶୀତ କାକରରେ ଶହ ଶହ କପା ବୋଝେଇ ଗାଡି ମାର୍କେଟ ୟାର୍ଡରେ ଛିଡା ହୋଇ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହା ସହ କପା ବିକ୍ରି ପାଇଁ ଗାଡି ଭଡାରେ ଆଣିଥିବାରୁ ଚାଷୀ ଅଧିକ ଖର୍ଚ୍ଚାନ୍ତ ହେଉଥିବା ଅଭିଯୋଗ ହୋଇଛି । ବିଭିନ୍ନ ବାହାନା ଦେଖାଇ କପା କିଣାଯାଉ ନଥିବାବେଳେ କପା ଏବେ ଖୋଲା ଆକାଶ ତଳେ ରହୁଥିବାରୁ ବର୍ଷା ଆସିଲେ ଚାଷୀଙ୍କ ଚିନ୍ତାକୁ ବଢ଼ାଇ ଦେଇଛି । ଏପରିକି ଦଲାଲ ରାଜ କପା ମଣ୍ଡିରେ ଚାଲିଥିବା ଚାଷୀ ଅଭିଯୋଗ କରିଛନ୍ତି । ଅନ୍ୟପଟେ ଆରଏମସି ଓ ସିସିଆଇ ପରସ୍ପର ଦୋଷ ଲଦାଲଦି ହେଉଥିବାବେଳେ ଖୁବ୍ ଶୀଘ୍ର ଚାଷୀଙ୍କ ସମସ୍ୟା ସମାଧାନ ହେବ ବୋଲି ଜିଲ୍ଳା ପ୍ରଶାସନ ପକ୍ଷରୁ କୁହାଯାଇଛି ।