କନକ ବ୍ୟୁରୋ : ଗହୀରମଥା ଫରେଷ୍ଟର ନିଲମ୍ବିତ । ସାମୁଦ୍ରିକ ଅଭୟାରଣ୍ୟ ଗହୀରମଥାର ନିଷିଧାଂଚଳରେ ବେଆଇନ ଭାବେ ମାଛ ଧରୁଥିବା ଟ୍ରଲରରୁ ଜବତ ହୋଇଥିବା ୧୬ କୁଇଂଟାଲ ମାଛ ବଦଳରେ ଜବତ ତାଲିକାରେ ମାତ୍ର ୨ କୁଇଂଟାଲ ମାଛ ଦେଖାଇଥିଲେ ବନବିଭାଗ କର୍ମଚାରୀ । ଏନେଇ କନକନ୍ୟୁଜରେ ବାକି ୧୪ କୁଇଂଟାଲ ମାଛ କୁଆଡେ ଗଲା ସେ ନେଇ ପ୍ରଶ୍ନ ଉଠାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହି ଖବର ପ୍ରସାରଣ ପରେ ରାଜନଗର ବନଖଣ୍ଡ ଅଧିକାରୀ ଗହୀରମଥା ରେଞ୍ଜରେ ଫରେଷ୍ଟର ପ୍ରଫୁଲ ମାଝୀଙ୍କୁ ଚାକିରୀରୁ ନିଲମ୍ବିତ କରିଛନ୍ତି । ନଭେମ୍ବର ୨୯ରେ ଗହୀରମଥାର ନିଷିଧାଂଚଳରେ ମାଛ ଧରୁଥିବା ଲକ୍ଷ୍ମୀ ତାରିଣୀ-୩ ଟ୍ରଲର ଓ ସେଥିରେ ଥିବା ୧୬ କୁଇଂଟାଲ ମାଛ ଓ ଅନ୍ୟାନ୍ୟ ସାମଗ୍ରୀକୁ ଜବତ କରିଥିଲା ବନ କର୍ମଚାରୀ । ଏଥିସହ ୮ ଜଣ ମତ୍ସ୍ୟଜୀବୀଙ୍କୁ ମଧ୍ୟ ଗିରଫ କରିଥିଲେ ବନ କର୍ମଚାରୀ । ହେଲେ ପରେ କୋର୍ଟକୁ ଦିଆଯାଇଥିବା ଜବତ ତାଲିକାରେ ଅନ୍ୟାନ୍ୟ ସାମଗ୍ରୀ ସହ ମାତ୍ର ଦୁଇ କୁଇଂଟାଲ ସାମୁଦ୍ରିକ ମାଛ ଜବତ ହୋଇଥିବା ଦର୍ଶାଯାଇଥିଲା ।