ରକ୍ତଚାପ ମାପିବାର ସଠିକ୍ ଉପାୟ । କେମିତି କରିବେ ଉପଚାର?
କନକ ବ୍ୟୁରୋ : ଆଜିର ଦୈନନ୍ଦିନ ଜୀବନରେ ଉଚ୍ଚ ରକ୍ତଚାପ ସାଧାରଣ କଥା ହୋଇଗଲାଣି । ଆଉ ଏହା ମଧ୍ୟ ମୃତ୍ୟୁର ଅନ୍ୟତମ କାରଣ । ସେଥିପାଇଁ ରକ୍ତଚାପରୁ ରକ୍ଷା ପାଇବା ପାଇଁ ଉପଯୁକ୍ତ ଚିକିତ୍ସା ଆବଶ୍ୟକ । ଯଦି ଆପଣ ରକ୍ତଚାପ ସମ୍ବନ୍ଧୀୟ ସ୍ୱାସ୍ଥ୍ୟ ସମସ୍ୟାର ଚିକିତ୍ସା କରିସାରିଛନ୍ତି, ତେବେ ପାଖରେ ଏକ ପୋର୍ଟେବଲ ସ୍ପିଗମୋମନୋମିଟର୍ ଥିବା ନିହାତି ଦରକାର । ସାଧାରଣତଃ ଆମେ ବାମ ହାତରେ ରକ୍ତଚାପ ଯାଂଚ କରିଥାଉ ଏବଂ ସେଥିରେ ଯାହା ରିଡିଂ କରିଥାଏ, ସେହି ଅନୁପାତରେ ଉପଚାର କରିଥାଉ ।
Kanak News is now on WhatsApp
Join and get latest news updates delivered to you via WhatsApp
ତେବେ କିଛି ଗବେଷଣାରୁ ଜଣାପଡ଼ିଛି ଯେ, ଯଦି ଆମେ ଉଭୟ ହାତରେ ରକ୍ତଚାପକୁ ମାପିବା, ତେବେ ବିଭିନ୍ନ ରୋଗ ବିଷୟରେ ଏହା ସଂକେତ ଦେବ । ଦୁଇ ହାତରେ ରକ୍ତଚାପକୁ ମାପିବା ଦ୍ୱାରା ହୃଦରୋଗ ଓ ରକ୍ତଚାପରେ ପରିବର୍ତନ ଯୋଗୁ ହେଉଥିବା ଅନ୍ୟାନ୍ୟ ରୋଗକୁ ଚିହ୍ନଟ କରିବାରେ ସହାୟକ ହୋଇଥାଏ । ଯଦିଓ ଡାକ୍ତରଖାନାରେ କେବଳ ଗୋଟିଏ ହାତର ରକ୍ତଚାପ ପରୀକ୍ଷା କରାଯାଇଥାଏ, କିନ୍ତୁ କିଛି କ୍ଷେତ୍ରରେ ଉଭୟ ହାତର ପରୀକ୍ଷା ମଧ୍ୟ କରାଯାଇଥାଏ । ଅନେକ ବିଶେଷଜ୍ଞ ମଧ୍ୟ ରୁଟିନ୍ ଚେକ୍ଅପ୍ରେ ଉଭୟ ହାତର ପରୀକ୍ଷା ମଧ୍ୟ କରିଥାନ୍ତି । ତେଣୁ ଦୁଇ ହାତରେ ରକ୍ତଚାପ ମାପିବା କାହିଁକି ଜରୁରୀ, ଆସନ୍ତୁ ନଜର ପକାଇବା ।
ରକ୍ତଚାପ ମାପିବାର ସଠିକ୍ ଉପାୟ
– ଅଧିକାଂଶ ସମୟରେ କେବଳ ଗୋଟିଏ ହାତରେ ରକ୍ତଚାପ ମପା ଯାଇଥାଏ
– ଦୁଇ ହାତରେ ରକ୍ତଚାପ ମାପିବା ପ୍ରକ୍ରିୟା ବହୁତ କମ୍ ହୋଇଥାଏ
– ଡାକ୍ତରଖାନାକୁ ଯିବା ବେଳେ ଡାକ୍ତରଙ୍କୁ ଦୁଇ ହାତର ରକ୍ତଚାପ ଯାଂଚ କରିବାକୁ କୁହନ୍ତୁ
– ଦୁଇ ହାତ ମଧ୍ୟରେ ରକ୍ତଚାପର ରିଡିଂରେ ସାମାନ୍ୟ ପାର୍ଥକ୍ୟ ସ୍ୱାସ୍ଥ୍ୟ ପାଇଁ କ୍ଷତିକାରଣ ନୁହେଁ
– ତେବେ ରିଡିଂ ବ୍ୟବଧାନ ଯଦି ୧୦ ମିଲିଲିଟରରୁ ଅଧିକ ହେଲେ ସତର୍କ ରହିବା ଦରକାର
– ବ୍ୟବଧାନ ଅଧିକ ରହିଲେ ହୃଦରୋଗ, ଷ୍ଟ୍ରୋକ ଏବଂ ଅନ୍ୟାନ୍ୟ ରୋଗର ବିପଦ ହୋଇପାରେ
– ରକ୍ତଚାପ ୧୨୦/୮୦ ରହିଲେ, ଏହାକୁ ସାମାନ୍ୟ ବୋଲି କୁହାଯାଏ
– ୧୨୦କୁ ସିଷ୍ଟୋଲିକ୍ ପ୍ରେସର ଓ ୮୦କୁ ଡାଏଷ୍ଟୋଲିକ୍ ପ୍ରେସର କୁହନ୍ତି
– ସିଷ୍ଟୋଲିକ୍ ୧୪୦ରୁ ଅଧିକ ଏବଂ ଡାଏଷ୍ଟୋଲିକ ୯୦ରୁ ଅଧିକ ରହିଲେ, ହାଇପରଟେନସନ୍ ରୋଗୀ କୁହାଯିବ
– ଭାରତରେ ୨୩ କୋଟିରୁ ଅଧିକ ଲୋକେ ହାଇପରଟେନସନ୍ ରୋଗୀ
– ସେଥିରୁ ୨୫%ରୁ ଅଧିକ ଲୋକେ ନିଜ ରକ୍ତଚାପ ସମ୍ବନ୍ଧରେ ଅବଗତ ନାହାନ୍ତି
– ରକ୍ତଚାପକୁ ନିୟନ୍ତ୍ରଣ କରିବା ପାଇଁ ଦୈନନ୍ଦିନ କାର୍ଯ୍ୟ ଉପରେ ବିଶେଷ ଧ୍ୟାନ ଦେବାକୁ ପଡ଼ିବ
– ଦୈନନ୍ଦିକ କାର୍ଯ୍ୟରେ ଅତିକମରେ ୩୦ ମିନିଟ୍ ବ୍ୟାୟାମ କରନ୍ତୁ
– ବ୍ୟାୟାମ କରିବାର ତୁରନ୍ତ ପରେ ରକ୍ତଚାପ ମାପନ୍ତୁ ନାହିଁ
– ତାଜା ଫଳ ଓ ପନିପରିବା ସହିତ ସ୍ୱାସ୍ଥ୍ୟକର ଖାଦ୍ୟ ଖାଆନ୍ତୁ
– ସୁସ୍ଥ ରହିବା ପାଇଁ ଖାଦ୍ୟପେୟ ବ୍ୟତୀତ ଓଜନ ଉପରେ ବିଶେଷ ଧ୍ୟାନ ଦିଅନ୍ତୁ
– ପ୍ରଥମେ ଶରୀରର ଓଜନ ୫ରୁ ୧୦ ପ୍ରତିଶତ କମ୍ କରନ୍ତୁ
– ମନକୁ ଶାନ୍ତ ରଖନ୍ତୁ ଓ ଯଥାସମ୍ଭବ ବିଶ୍ରାମ ନିଅନ୍ତୁ
– ଅଧିକ ଚାପ ନହେବାକୁ ଚେଷ୍ଟା କରିବା ଧ୍ୟାନ କରନ୍ତୁ
– ମଦ୍ୟପାନ ଓ ଧୁମ୍ରପାନ କମ୍ କରିବା ଦରକାର
– ଧୁମ୍ରପାନ ଫୁସଫୁସ ଓ ଧମନୀ ପାଇଁ ଅତ୍ୟନ୍ତ କ୍ଷତିକାରକ ହୋଇଥାଏ