କରୋନା ସାଜିଲା କାଳନାଗୁଣୀ : ମା’ ଠାରୁ ଝିଅକୁ ଦୂର କରିଦେଲା କରୋନା , ସୋସିଆଲ୍ ମିଡିଆରେ ଭାଇରାଲ୍ ହେଲା ହୃଦୟସ୍ପର୍ଶୀ ଭିଡିଓ ।
ଚୀନ୍ ରେ ଭୟଙ୍କର ମହାମାରୀର ତାଣ୍ଡବ ଖେଳାଇଛି କରୋନା ଭାଇରସ୍ । ଏବେ ପର୍ଯ୍ୟନ୍ତ ୮୦୩ ଜଣ ଲୋକ କାଳରେ କୋଳରେ ଶୋଇଗଲେଣି ଏବଂ ହଜାରରୁ ଅଧିକ ଲୋକ ପୀଡିତ ଅଛନ୍ତି । ଚୀନ୍ ରେ କରୋନା ଖାଲି ଲୋକଙ୍କ ଜୀବନ ନେଉନି, ଜିଇଁ ଥାଉ ଥାଉ ଲୋକଙ୍କ ସଂପର୍କକୁ ମଧ୍ୟ ମାରିଦେଉଛି ଏହି ଭାଇରସ୍ । ବାପାକୁ ଭାଇରସ୍ ଆକ୍ରାନ୍ତ କରିଥିଲେ ପୁଅ ପାଖକୁ ଯାଇପାରୁନି , ମା’କୁ ଆକ୍ରାନ୍ତ ହେଲେ ଝିଅ ପାଖକୁ ଯାଇପାରୁନି । ପରିବାର , ସାଙ୍ଗସାଥି ଛେଉଁଣ୍ଡ କରିଦେଉଛି କରୋନା ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଏକ ଭିଡିଓ ଏବେ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେଉଛି ଯେଉଁଥିରେ କରୋନାର କରୁଣ ଚିତ୍ର ଦେଖିବାକୁ ମିଳିଛି । ଚୀନ୍ ର ହେନାନାରୁ ଏହି ହୃଦୟସ୍ପର୍ଶୀ ଭିଡିଓଟି ଭାଇରାଲ୍ ହେଉଛି । ଯେଉଁଥିରେ କରୋନା ଭାଇରସ୍ ରେ ଆକ୍ରାନ୍ତ ମା’ ନିଜ ଝିଅକୁ ଶେଷଥର ପାଇଁ ଜାବୁଡି ଧରିପାରୁନି , ତାକୁ ଗେଲ କରି ବିଦାୟ ଦେଇପାରୁନି । ମମତାକୁ ଜାହିର କରିବା ପାଇଁ ଦୂରରେ ରହି ଝିଅକୁ ପ୍ରେମପୂର୍ଣ୍ଣ ବିଦାୟ ଦେଉଛି ମା’, ଯାହାର ମାଧ୍ୟମ ପାଲଟିଛି “ଉଡନ୍ତା ଆଲିଙ୍ଗନ” ବା “ଏୟାର ହଗ୍” । ମା’ ଝିଅ ଦୁହିଁଙ୍କ ଆଖିରେ କୋହଭରା ଲୁହ । ଉପସ୍ଥିତ ଥିବା ଡାକ୍ତର ଏବଂ ଅନ୍ୟ ଲୋକମାନେ ମଧ୍ୟ ଏହି ଦୃଶ୍ୟ ଦେଖି ନିଜ ଆଖିକୁ ଓଦା ହେବାକୁ ରୋକିପାରିନାହାନ୍ତି । ମହିଳା ଜଣକ ହସ୍ପିଟାଲରେ ନର୍ସ କାମ କରୁଥିବା ବେଳେ ସମ୍ପୁର୍ଣ୍ଣ ହସ୍ପିଟାଲ୍ କରୋନା ଭୁତାଣୁ ଆକ୍ରାନ୍ତରେ ଆସିଯାଇଛି । ଝିଅ ମା’ ପାଇଁ ଘରୁ ରୋଷେଇ କରି ମଧ୍ୟାହ୍ନ ଭୋଜନ ନେଇଆସିଛି କିନ୍ତୁ ମା’ କୁ ଖୁଆଇପାରୁନାହିଁ , କି ପାଖକୁ ଦେବାକୁ ଯାଇପାରୁନି । ମା’ ଝିଅଙ୍କ ମମତା ଭିତରେ ଆସିଯାଇଛି କରୋନା ରୁପକ କାଳନାଗୁଣୀ ।
A Chinese nurse in a coronavirus-hit hospital in Henan Province gives her sobbing daughter an “air hug.” #coronavirus pic.twitter.com/mNZ5SFcPYk
— China Xinhua News (@XHNews) February 4, 2020
ଭିଡିଓରେ ଆପଣ ଦେଖିପାରୁଥିବେ ଯେ ଝିଅ ମା’ ପାଇଁ ଲଞ୍ଚ୍ ବାକ୍ସ ନେଇ ଆସିଛି କିନ୍ତୁ ତାକୁ ମା’ ପାଖକୁ ଯାଇ ଖାଦ୍ୟ ଦେବାକୁ ଅନୁମତି ଦିଆଯାଉନାହିଁ ତେଣୁ ଦୂରରେ ସେ ଖାଦ୍ୟ ରଖୁଛି । ମା’ ଝିଅକୁ ଇସାରାରେ କହୁଛନ୍ତିି ଯେ , ଯେତେବେଳେ ସେ କରୋନା ଆକ୍ରାନ୍ତରୁ ସମ୍ପୁର୍ଣ୍ଣ ଭଲ ହୋଇଯିବେ ସେତେବେଳେ ନିଜେ ଝିଅକୁ ଆଲିଙ୍ଗନ କରିବାକୁ ଚାଲିଆସିବେ ।