କରୋନା ଟିକା ନେବା ପରେ ମିଳୁଥିବା ପ୍ରମାଣପତ୍ରରେ ଭୂଲ ଥିଲେ ଚିନ୍ତା କରନ୍ତୁ ନାହିଁ । ଅନଲାଇନ୍ ମାଧ୍ୟମରେ ନିଜେ କରିପାରିବେ ପରିବର୍ତ୍ତନ
କନକ ବ୍ୟୁରୋ : କରୋନା ବିରୋଧରେ ଦେଶରେ ଜାରି ରହିଛି ଟିକାକରଣ । ଏହି ଟିକା ନେଉଥିବା ଲୋକଙ୍କୁ ବି ଏକ ପ୍ରମାଣପତ୍ର୍ର ସରକାର ଯୋଗାଇ ଦେଉଛନ୍ତି । ହେଲେ ଅନେକ ସମୟରେ ଟିକା ନେବା ପରେ ଲୋକଙ୍କୁ ମିଳୁଥିବା ପ୍ରମାଣପତ୍ରରେ ଅନେକ ତୃଟି ଦେଖିବାକୁ ମିଳୁଛି । ଏହାକୁ ନେଇ ଲୋକମାନେ ଚିନ୍ତାରେ ପଡୁଥିବା ବେଳେ ସରକାର ଏହାର ସମାଧାନ ପାଇଁ ଉପାୟ ବାହାର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସରକାରଙ୍କ ସୂଚନା ମୁତାବକ ଯଦି ଆପଣଙ୍କର ଟିକାକରଣ ପ୍ରମାଣପତ୍ରରେ ତୃଟି ରହିଛି ତେବେ ଆପଣ ତାହାକୁ କୋ ୱିନ ଆପ୍ ମାଧ୍ୟମରେ ଠିକ୍ କରିପାରିବେ । ଏନେଇ ସରକାର ଏକ ନୂଆ ଅପଡେଟ୍ ଘୋଷଣା କରିଛନ୍ତି । ଯାହାଦ୍ୱାରା କି ଆପଣଙ୍କୁ ମିଳିଥିବା ପ୍ରମାଣପତ୍ରରେ ମୁଦ୍ରିତ ନାମ, ବୟସ ଓ ଲିଙ୍ଗରେ ଭୂଲ ଥିଲେ ତାକୁ ଅନଲାଇନ ମାଧ୍ୟମରେ ଆପଣ ନିଜେ ସୁଧାରି ପାରିବେ ।
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଅତିରିକ୍ତ ସଚିବ ବିକାଶ ସିଲ୍ ବୁଧବାର ଦିନ କହିଛନ୍ତି କି ବ୍ୟବହାରକାରୀ ମାନେ କୋ ୱିନ୍ ଆପ୍ ମାଧ୍ୟମରେ ଏଭଳି ତୃଟିକୁ ଠିକ୍ କରିପାରିବେ । ଆରୋଗ୍ୟ ସେତୁ ଆପ୍ ର ଅଧିକାରୀ ହ୍ୟାଣ୍ଡଲରୁ ଏକ ଟ୍ୱିଟ୍ ବି ଆସିଛି । ସେଥିରେ କୁହାଯାଇଛି କି ଟିକା ନେବା ପରେ ମିଳୁଥିବା ପ୍ରମାଣପତ୍ରରେ ଯଦି ଆପଣଙ୍କର କିଛି ତୃଟି ମୁଦ୍ରିତ ହୋଇଛି ତେବେ ଆପଣ ତାକୁ କୋ ୱିନ୍ ଆପ୍ ମାଧ୍ୟମରେ ଠିକ୍ କରିପାରିବେ ।
ଏହାକୁ ଠିକ୍ କରିବାକୁ ଆପଣଙ୍କୁ କୋ ୱିନ୍ ଆପ୍ ୱେବସାଇଟକୁ ଯିବାକୁ ପଡିବ । ସେଠାରେ ଆପଣ ଆପଣଙ୍କ ଅସୁବିଧା ଲେଖିବେ । କହିରଖୁ କି ଗୋଟିଏ ରାଜ୍ୟରୁ ଅନ୍ୟ ରାଜ୍ୟକୁ ବା ଦେଶ ବାହାରକୁ ଯିବା ବେଳେ କିମ୍ବା ଆପଣଙ୍କ କାର୍ଯ୍ୟାଳୟ ତରଫରୁ ଆପଣଙ୍କ ଠାରୁ ଟିକା ପ୍ରମାଣ ପତ୍ର ଆବଶ୍ୟକ କରିଥାଏ । ଆପଣ ଟିକା ନେଇଥିଲେ ବି ଆପଣଙ୍କ ଟିକାକରଣ ପ୍ରମାଣପତ୍ରରେ କିିଛି ତୃଟିଥିଲେ ତାହା ଗ୍ରହଣୀୟ ହୋଇ ନଥାଏ । ତେଣୁ ଆପଣ ଏବେ କୋ ୱିନ ଆପ୍ ଜରିଆରେ ପ୍ରମାଣପତ୍ରକୁ ଠିକ୍ କରିପାରିବେ ।