ଦେଶରେ ବଢ଼ୁଛି ଡେଲଟା ପ୍ଲସ ଭାରିଆଂଟ ସଂକ୍ରମିତଙ୍କ ସଂଖ୍ୟା : କେବଳ ମହାରାଷ୍ଟ୍ରରୁ ୨୧ ଜଣ ଚିହ୍ନଟ; ବେଗ, ଗୁଣ ଓ ଲକ୍ଷଣ ଉପରେ ନଜର ରଖିଛନ୍ତି ବିଶେଷଜ୍ଞ
କନକ ବ୍ୟୁରୋ : ଦେଶରେ ବୃଦ୍ଧି ପାଉଛି କରୋନାର ନୂୂଆ ପ୍ରଜାତି ଡେଲଟା ପ୍ଲସ ମ୍ୟୁଟାଂଟ ଭାରିଆଂଟ ଭୂତାଣୁ ସଂକ୍ରମଣ । କେବଳ ମହାରାଷ୍ଟ୍ରରୁ ୨୧ ଜଣ ଡେଲଟା ପ୍ଲସ ସଂକ୍ରମିତ ଚିହ୍ନଟ ହୋଇଛନ୍ତି । ମୁମ୍ବାଇ, ପାଲଘର, ରତ୍ନଗିରିରୁ ଡେଲଟା ପ୍ଲସ ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ତାମିଲନାଡୁ, ପଞ୍ଜାବ ଓ ମଧ୍ୟପ୍ରଦେଶରେ ଏହି ନୂଆ ଭାରିଆଂଟ ସଂକ୍ରମିତ ଚିହ୍ନଟ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦ୍ରୁତ ସଂକ୍ରମିତ ହେଉଥିବା ଡେଲଟା ପ୍ରଜାତିର ଭୂତାଣୁ ବି ୧.୬୧୭.୨ ରୂପ ବଦଳାଇ ଡେଲଟା ପ୍ଲସ ବା ଏଓୱାଇ -୧ ପ୍ରଜାତି ସୃଷ୍ଟି ହୋଇଛି । ଏହି ନୂଆ ପ୍ରଜାତି ଭୂତାଣୁ ସଂକ୍ରମଣର ବେଗ, ଗୁଣ ଓ ଲକ୍ଷଣ ଉପରେ ସ୍ୱାସ୍ଥ୍ୟ ବିଶେଷଜ୍ଞମାନେ ନଜର ରଖିଛନ୍ତି । ଗତ ମାର୍ଚ୍ଚ ମାସରେ ଏହି ପ୍ରଜାତିର ଭୂତାଣୁ ୟୁରୋପରେ ଦେଖାଦେଇଥିଲା । ମାତ୍ର ଜୁନ୍ ୧୩ରେ ଏହି ଭୂତାଣୁ ନେଇ ସୂଚନା ମିଳିଥିଲା । ତୃତୀୟ ଲହର ଆସିବ ବୋଲି ବିଶେଷଜ୍ଞମାନେ କହୁଥିବାବେଳେ ଡେଲଟା ପ୍ଲସ ଭାରିଆଂଟ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବା ଚିନ୍ତାର ବିଷୟ ହୋଇଛି ।
ବଢ଼ୁଛି ଡେଲଟା ପ୍ଲସ ମାମଲା-
– ସମ୍ଭାବ୍ୟ ତୃତୀୟ ଲହର ଆଶଙ୍କା ଭିତରେ ଚିନ୍ତା ବଢ଼ାଉଛି ଡେଲଟା ପ୍ଲସ ଭାରିଆଂଟ
– ଡେଲଟା ପ୍ଲସ ରୂପାନ୍ତରିତ ପ୍ରଜାତିର ନାଁ ଦିଆଯାଇଛି ‘ଏୱାଇ.୧’
– ଏହାକୁ ‘ବି.୧.୬୧୭.୨.୧’ ମଧ୍ୟ କୁହାଯାଉଛି
– କୋଭିଡ୍-୧୯ ମହାମାରୀର ଅନ୍ୟତମ ଭୟାନକ ଓ ସଂକ୍ରାମକ ଭୂତାଣୁ
– ଭାରତରେ ଡେଲଟା ଭୂତାଣୁ ଦ୍ୱିତୀୟ ଲହର ଆଣି ବ୍ୟାପକ କ୍ଷତି ଘଟାଇ ସାରିଛି
– ଏବେ ଏହାର ପରିବର୍ତିତ ରୂପ ବା ଡେଲଟା ପ୍ଲସକୁ ନେଇ ବଢ଼ୁଛି ଆତଙ୍କ
– ଦେଶରେ ବଢ଼ୁଛି ଡେଲଟା ପ୍ଲସ ସଂକ୍ରମିତଙ୍କ ସଂଖ୍ୟା
– ମହାରାଷ୍ଟ୍ର, କେରଳ, ତାମିଲନାଡୁ ଓ ମଧ୍ୟପ୍ରଦେଶରୁ ଚିହ୍ନଟ
– କେବଳ ମହାରାଷ୍ଟ୍ରରେ ୨୧ ଡେଲଟା ପ୍ଲସ ସଂକ୍ରମଣ ଚିହ୍ନଟ
– ଗବେଷଣା ପାଇଁ ପ୍ରତି ଜିଲ୍ଲାରୁ ଶହେ ଲେଖାଏ ନମୁନା ସଂଗ୍ରହ କରିବାକୁ ମହାରାଷ୍ଟ୍ର ସରକାରଙ୍କ ନିର୍ଦ୍ଦେଶ
– ମଧ୍ୟପ୍ରଦେଶର ୬୫ ବର୍ଷିୟା ମହିଳାଙ୍କଠାରେ ମେ ୨୩ରେ ପ୍ରଥମେ ଚିହ୍ନଟ ହୋଇଥିଲା ଡେଲଟା ପ୍ଲସ
– ଇଂଲଣ୍ଡ ଓ ଋଷରେ ବ୍ୟାପୁଛି ଡେଲଟା ପ୍ଲସ ସଂକ୍ରମଣ