ତାଲାବନ୍ଦ ଭିତରେ ବି ଜାରି ରହିବ କୃଷି ଓ ମନରେଗା କାମ: ବନ୍ଦ ରହିବ ବସ, ଟ୍ରେନ ଓ ବିମାନ ଉଡାଣ; ପୂର୍ବପରି ସମସ୍ତ ଶିକ୍ଷାନୁଷ୍ଠାନ ସହ କୋଚିଂ ସେଂଟର ମଧ୍ୟ ବନ୍ଦ ରହିବ

କନକ ବ୍ୟୁରୋ: ଦ୍ୱିତୀୟ ପର୍ଯ୍ୟାୟ ଲକ ଡାଉନ ପରେ କେନ୍ଦ୍ର ସରକାରଙ୍କ ପକ୍ଷରୁ ନୂଆ ଗାଇଡଲାଇନ ଜାରି କରାଯାଇଛି । ବସ,ଟ୍ରେନ,ବିମାନ ଉଡାଣ ଉପରେ କଟକଣା ଜାରି ରହିବ । ଟ୍ରେନରେ ଯାତ୍ରୀ ପରିବହନ ବନ୍ଦ ରହିବ । ସମସ୍ତ ଘରୋଇ ଓ ଅନ୍ତର୍ଜାତୀୟ ବିମାନ ଉଡାଣ ବନ୍ଦ ରହିବ । ଟ୍ୟାକ୍ସି, ଅଟୋ,ରିକ୍ସା ମଧ୍ୟ ଚାଲିବନି । ଆନ୍ତଃ ଜିଲ୍ଲା ଓ ରାଜ୍ୟ ମଧ୍ୟ ଚଳାଚଳ ଉପରେ କଟକଣା । ସମସ୍ତ ଶିକ୍ଷାନୁଷ୍ଠାନ ସହ କୋଚିଂ ସେଂଟର ବନ୍ଦ ରହିବ ।

ସାମାଜିକ,ଧାର୍ମିକ ଓ ରାଜନୈତିକ କାର୍ଯ୍ୟକ୍ରମ ବନ୍ଦ ରହିବ । ସର୍ବସାଧାରଣରେ ଛେପ ପକାଇଲେ ଜରିମାନା ଦେବାକୁ ପଡିବ । ଅଫିସ ଓ ସାର୍ବଜୀନ ସ୍ଥାନରେ ସାମାଜିକ ଦୂରତା ରକ୍ଷା କରିବା ସହ ମାସ୍କ ପିନ୍ଧିବା ବାଧ୍ୟ । କୃଷି ସଂପର୍କିତ ସମସ୍ତ କାମ ଓ ନରେଗା କାମ ଜାରି ରହିବ । ବ୍ୟାଙ୍କ ଶାଖା ଓ ଏଟିଏମ ଖୋଲା ରହିବ । ଦୁଗ୍ଧ ବିକ୍ରି, ବିତରଣ ଓ ସଂଗ୍ରହ ଚାଲୁ ରହିବ । ପୂର୍ବପରି ସମସ୍ତ ମଲ, ସିନେମା ହଲ, ବାର ମଧ୍ୟ ବନ୍ଦ ରହିବ ।

କେନ୍ଦ୍ରର ନୂଆ ଗାଇଡଲାଇନ: କଣ ଖୋଲା ରହିବ ? କଣ ବନ୍ଦ ରହିବ ?

– ସମସ୍ତ ପ୍ରକାର ପରିବହନ ଉପରେ କଟକଣା ଜାରି

– ଅତ୍ୟାବଶ୍ୟକ ସାମଗ୍ରୀ ପରିବହନ ଜାରି ରହିବ

– ବସ୍, ରେଳ, ମେଟ୍ରୋ, ବିମାନ ଉଡାଣ ଉପରେ କଟକଣା

– ଟ୍ରେନ ଯୋଗେ ଯାତ୍ରୀ ପରିବହନ ବନ୍ଦ ରହିବ

– ସମସ୍ତ ଶିକ୍ଷାନୁଷ୍ଠାନ ଓ କୋଚିଂ ଉପରେ କଟକଣା ଜାରି

– ହଟସ୍ପଟ ଅଞ୍ଚଳରେ କଟକଣା କଡାକଡି

– ଆନ୍ତଃ ଜିଲ୍ଲା ଓ ରାଜ୍ୟ ମଧ୍ୟରେ ଚଳାଚଳ ଉପରେ କଟକଣା

– ସିନେମା ହଲ, ମଲ, ଜିମ୍ ଓ ବାରଗୁଡିକ ବନ୍ଦ ରହିବ

– ସାମାଜିକ, ଧାର୍ମିକ, ରାଜନୈତିକ କାର୍ଯ୍ୟକ୍ରମ ବନ୍ଦ ରହିବ

– ଅଫିସ ଓ ସାର୍ବଜନୀନ ସ୍ଥାନରେ ସାମାଜିକ ଦୂରତା ବଜାୟ ରହିବ

– ଧାର୍ମିକ ସ୍ଥଳରେ ସାଧାରଣ ଲୋକଙ୍କୁ ପୂଜାପାଠ ମନା

– ସର୍ବସାଧାରଣରେ ଛେପ ପକାଇଲେ ଜରିମାନା

– କୃଷି ସମ୍ପର୍କିତ ସମସ୍ତ କାର୍ଯ୍ୟ ଜାରି ରହିବ

– ବ୍ୟାଙ୍କ ଶାଖା ଓ ଏଟିଏମ ଖୋଲା ରହିବ

– ମନରେଗା କାମ ଜାରି ରହିବ

– ଦୁଗ୍ଧ ବିକ୍ରି, ବିତରଣ ଓ ସଂଗ୍ରହ ଜାରି ରହିବ

– ଔଷଧ ବିତରଣ କେନ୍ଦ୍ର ଖୋଲା ରହିବ

– ଗ୍ରାମାଞ୍ଚଳରେ ରାସ୍ତା କାମ ସହ କୃଷି କାର୍ଯ୍ୟ ଜାରି ରହିବ

– ରାସନ ସାମଗ୍ରୀ, ଫଳ, ପନିପରିବା, ମାଛ, ମାଂସ ଦୋକାନ ଖୋଲା ରହିବ

– ପ୍ରିଣ୍ଟ, ଇଲେକ୍ଟ୍ରୋନିକ୍ସ ମିଡିଆ, ବ୍ରଡକାଷ୍ଟିଂ, DTH ସେବା ଜାରି ରହିବ

– କୋରିଅର ସେବା କାମ କରିବାକୁ ଅନୁମତି