ଭାଇରସ୍ କୁ ଚିହ୍ନଟ କରିଥିବା ଡାକ୍ତରଙ୍କ ମୁଣ୍ଡ ନେଲା କରୋନା : ଆଖିବୁଜିଲେ କରୋନା ଭାଇରସ୍ କୁ ଲୋକଲୋଚନକୁ ଆଣିଥିବା ଡ଼ାକ୍ତର ଲି ୱେନଲିୟାଙ୍ଗ।
କରୋନା ଭୂତାଣୁ ସଂପର୍କରେ ଚୀନ ସରକାରଙ୍କୁ ଚେତାବନୀ ଦେଇଥିବା ଡାକ୍ତର ଙ୍କ ମୃତ୍ୟୁ । ଜୀବନ ସହ ସଂଗ୍ରାମ କରି ଶେଷରେ ଗୁରୁବାର ମୃତ୍ୟୁବରଣ କରିଛନ୍ତି ଡାକ୍ତର ଲି ୱେନଲିୟାଙ୍ଗ। ଡାକ୍ତର ଲି’ ୨୦୧୯ ଡିସେମ୍ବର ୩୦ରୁ ଏ ନେଇ ସତର୍କ କରାଇଥିଲେ। ସେ ଯେଉଁ ସ୍କୁଲରେ ପଢୁଥିଲେ ସେହି ସ୍କୁଲର ପୁରାତନ ଛାତ୍ରମାନଙ୍କ ଚାଟିଂ ଗ୍ରୁପରେ ସେ ଏ ନେଇ ୱେବ ଚାଟ କରିଥିଲେ । ସେ ଲେଖିଥିଲେ ,ସ୍ଥାନୀୟ ମାଛ ବଜାରର ୭ ଜଣ ରୋଗୀ ଡାକ୍ତରଖାନାକୁ ଆସିଛନ୍ତି ଏବଂ ସେମାନଙ୍କଠାରେ ସାର୍ସ ଭଳି ରୋଗର ଲକ୍ଷଣ ରହିଛି । ଯାଞ୍ଚ ପରେ ଜଣାପଡିଲା ଏହି ରୋଗ ହେଉଛି କରୋନା ଭୂତାଣୁ ଜନିତ । ୨୦୦୩ରେ ଏହି ଭୂତାଣୁ ଶହ ଶହ ଲୋକଙ୍କ ଜୀବନ ନେଇଥିଲା ଏବଂ ଚୀନରେ ଏହି ରୋଗ ବହୁ ପୁରୁଣା ବୋଲି ଲି’ କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
We deeply mourn the death of #Wuhan doctor Li wenliang, who unfortunately got infected with novel #Coronavirus while battling with the epidemic. After all-effort rescue, Li passed away on 2:58 am, Feb. 7. pic.twitter.com/mbYA3wB4pn
— People’s Daily, China (@PDChina) February 6, 2020
ନିଜ ବିଶ୍ବ ବିଦ୍ୟାଳୟର ସାଙ୍ଗମାନଙ୍କୁ ମଧ୍ୟ ସେ ଏ ସଂପର୍କରେ ସତର୍କ କରାଇ ଦେଇଥିଲେ । ତେବେ ନିଜ ପରିବାର ସଦସ୍ୟଙ୍କୁ ଗୋପନୀୟ ଭାବେ ଏହି ରୋଗ ସଂପର୍କରେ ଜଣାଇଦେବା ପାଇଁ ସେ ସାଙ୍ଗମାନଙ୍କୁ ପରାମର୍ଶ ଦେଇଥିଲେ । ସେ କହୁଥିବା ଏକ ଭିଡିଓ ଓ ଘର ଲୋକଙ୍କୁ ମେସେଜ ଦେଉଥିବାବେଳେ କେହି ତାଙ୍କର ସ୍କ୍ରିନ ସଟ୍ ଉଠାଇଥିଲେ ଯାହା ପରେ ଭାଇରାଲ ହୋଇଥିଲା । ପରେ ମିଥ୍ୟା ଅପପ୍ରଚାର ଚଳାଉଥିବା ନେଇ ପ୍ରଶାସନ ତାଙ୍କୁ ନୋଟିସ ଜାରି ମଧ୍ୟ କରିଥିଲା । ସେ ନିଜ ଘର ଲୋକଙ୍କୁ ପଠାଇଥିବା ମେସେଜକୁ ମଧ୍ୟ ଯାଞ୍ଚ କରାଯାଇଥିଲା । ପରେ ପରେ ତାଙ୍କୁ ଏ ନେଇ ପଚରାଉୁଚୁରା କରାଯାଇଥିଲା । ସେ କିପରି ଏ ବିଷୟରେ ଜାଣିଲେ ବୋଲି ତାଙ୍କୁ ଜେରା କରାଯାଇଥିଲା। ତେବେ ତାଙ୍କ ସ୍ବର ଚପାଇ ଦେବା ପାଇଁ ଉଦ୍ୟମ କରାଯାଇଥିଲା ଓ ଆକ୍ରାନ୍ତ ରୋଗୀଙ୍କ ଚିକିତ୍ସା କରିବାକୁ କୁହାଯାଇଥିଲା । ୩୪ ବର୍ଷ ବୟସ୍କ ଲି’ ଚୀନର ଉହାନରେ କାର୍ୟ୍ୟ କରୁଥିଲେ । ଯାହାକୁ ଏହି ରୋଗର କେନ୍ଦ୍ର ସ୍ଥଳ କୁହାଯାଉଛି । ସେ ନିଜେ ମଧ୍ୟ କରୋନା ଭୂତାଣୁ ଦ୍ବାରା ସଂକ୍ରମିତ ଓ ତାଙ୍କର ଚିକିତ୍ସା ଜାରି ରହିଥିଲା । ଗତ ୧୨ ତାରିଖରୁ ସେ ରୋଗର ଶୀକାର ହୋଇଥିଲେ ଓ ଆଇସିୟୁରେ ତାଙ୍କର ଚିକିତ୍ସା ଚାଲିଥିଲା।