ବନ୍ୟପ୍ରାଣୀଙ୍କୁ କରୋନା ଭୟ…ଅଭୟାରଣ୍ୟ ଉପରେ ଦୃଷ୍ଟି ରଖିବାକୁ ପରାମର୍ଶ: ସିସି କ୍ୟାମେରା ଦ୍ୱାରା ଜୀବଜନ୍ତୁଙ୍କ ଗତିବିଧି ଉପରେ ୨୪ ଘଂଟା ନଜର ରଖିବାକୁ ନିର୍ଦ୍ଦେଶ
କନକ ବ୍ୟୁରୋ: ଜୀବଜନ୍ତୁଙ୍କୁ କରୋନା ଭୁତାଣୁ ସଂକ୍ରମଣ ହେଉଥିବା ଜଣାପଡିବା ପରେ କେନ୍ଦ୍ର ପରିବେଶ, ଜଙ୍ଗଲ ଓ ଜଳବାୟୀ ପରିବର୍ତ୍ତନ ମନ୍ତ୍ରାଳୟ ନିଜ ହଜି ଯାଇଛି । ଭାରତେରେ ଯେମିତି ସେଭଳି ସ୍ଥିତି ନହୁଏ ସେଥିପ୍ରତି ଅଧିକ ଗୁରୁତ୍ୱ ଦିଆଯାଇଛି । ଦେଶରେ ଥିବା ଚିଡିଆଖାନା ଉପରେ ଦୃଷ୍ଟି ରଖିବାକୁ କୁହାଯାଇଥିଲା । ବର୍ତ୍ତମାନ ଦେଶରେ ଥିବା ବନ୍ୟଜନ୍ତୁ ପାର୍କ, ଅଭୟାରଣ୍ୟ ଓ ବ୍ୟାଘ୍ର ସଂରକ୍ଷଣ ପ୍ରକଳ୍ପଗୁଡିକରେ ଯେମିତି କରୋନା ନ ବ୍ୟାପିବ ସେ ଦିଗରେ ପଦକ୍ଷେପ ନେବାକୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମନ୍ତ୍ରାଳୟର ବନ୍ୟଜନ୍ତୁ ଡିଜିଜନ ପକ୍ଷରୁ ଏକ ନିର୍ଦ୍ଦେଶାହଳ ଜାରି କରାଯାଇ କୁହାଯାଇଛି ଯେ, ଦେଶରେ ଥିବା ଜାତୀୟ ଉଦ୍ୟାନ, ଅଭୟାରଣ୍ୟ, ବ୍ୟାଘ୍ର ସଂରକ୍ଷଣ ପ୍ରକଳରେ ଥିବା ଜୀବଜନ୍ତୁଙ୍କୁ କିଭଳି କରୋନା ସଂକ୍ରମଣରୁ ରକ୍ଷା କରାଯାଇପାରିବ ସେ ଦିଗରେ ଦୃଷ୍ଟି ଦିଆଯାଉ । ଆହୁରୀ ମଧ୍ୟ କୁହାଯାଇଛି ଯେ, ଏହି ଭୁତାଣୁ ମଣିଷଙ୍କଠାରୁ ବନ୍ୟଜନ୍ତୁଙ୍କୁ ସଂକ୍ରମଣ ହୋଇପାରେ । ତେଣୁ ଉକ୍ତ ସ୍ଥାନଗୁଡିକରେ ଯେପରି ଲୋକଙ୍କଠାରୁ ବନ୍ୟଜନ୍ତୁଙ୍କୁ ସଂକ୍ରମଣ ନ ହେବ ସେଥିପାଇଁ ଆବଶ୍ୟକ ପ୍ରତିଶୋଧକମୂଳକ ପଦକ୍ଷେପ ନିଆଯାଉ । ଜୀବଜନ୍ତୁଙ୍କୁ ମଣିଷଠାରୁ ଦୂରେଇ ରଖିବା ପାର୍କଗୁଡିକରେ ଲୋକଙ୍କ ପ୍ରବେଶ ଉପରେ କଟକଣା ଲଗାଇବା, ଏଭଳି ପରିସ୍ଥିତିରେ ତୁରନ୍ତ ମୁକାବିଲା ପାଇଁ ସ୍ୱତନ୍ତ୍ର ଟାସ୍କଫୋର୍ସ ଯଥା ରାପିଡ୍ ଆକ୍ସନ ଫୋର୍ସ ଗଠନ, ପ୍ରାଣୀ ଚିକିତ୍ସକ ଓ କ୍ଷେତ୍ର କର୍ମଚାରୀଙ୍କୁ ପ୍ରସ୍ତୁତ ରଖିବାକୁ ପରାମର୍ଶ ଦିଆଯାଇଛି ।
ଏଥିସହ ଜୀବଜନ୍ତୁଙ୍କ ଗତିବିଧି ଉପରେ ନଜର ରଖିବା ଲାଗି ୨୪ ଘଂଟିଆ କେ ଖବର ସଂଗ୍ରହ ବ୍ୟବସ୍ଥା , ସିସି କ୍ୟାମେରା ଦ୍ୱାରା ଜୀବଜନ୍ତୁଙ୍କ ଗତିବିଧି ଉପରେ ଜନର ରଖିବା, ଜରୁରୀକାଳୀନ ଭିତ୍ତିରେ ଜୀବଜନ୍ତୁଙ୍କ ଚିକିତ୍ସା କରିବା, ସେମାନଙ୍କ ସୁରକ୍ଷା ପାଇଁ ପ୍ରାକୃତିକ ପରିବେଶରେ ଛାଡିଦେବା, ରୋଗ ଚିହ୍ନଟ କରିବା ପାଇଁ ମ୍ୟାପିଂ ସର୍ଭେଲାନ୍ସ ଓ ମନିଟରିଂ ବ୍ୟବସ୍ଥା କରିବା ପାଇଁ କୁହାଯାଇଛି । ରାଜ୍ୟ ସରକାର ଏ ଦିଗରେ କି କି ପଦକ୍ଷେପ ନେଉଛନ୍ତି ସେ ବିଷୟରେ ନିୟମିତ ଭାବେ ଜଣାଇବାକୁ କୁହାଯାଇଛି ।