ରାଜ୍ୟରେ ବଢ଼ୁଛି କରୋନା ସଂକ୍ରମଣ । ୨୪ ଘଂଟାରେ ରେକର୍ଡ ସଂଖ୍ୟକ କୋଭିଡ୍ ଟେଷ୍ଟ, ଭାଙ୍ଗିଲା ଦିନିକିଆ ସଂକ୍ରମଣ ରେକର୍ଡ : ଦିନକରେ ୨୯ ଶହ ୯୩ ନୂଆ ଆକ୍ରାନ୍ତ, ଚିନ୍ତା ବଢାଇଲା ଖୋର୍ଧା
କନକ ବ୍ୟୁରୋ : କରୋନା ପରୀକ୍ଷା ଯେତିକି ବଢୁଛି, ସେହି ଅନୁରୂପରେ ବଢୁଛି ସଂକ୍ରମଣ । ଏହି ମ୍ୟାପ ଦର୍ଶାଉଛି, ରାଜ୍ୟର କେଉଁ ଜିଲ୍ଲାରେ କେତେ ସକ୍ରୀୟ କରୋନା ରୋଗୀ ଅଛନ୍ତି । ନାଲି ରଙ୍ଗରେ ଚିହ୍ନିତ ଜିଲ୍ଲା ଅର୍ଥାତ୍ ୨ଟି ଜିଲ୍ଲାକୁ ଛାଡିଦେଲେ ଅନ୍ୟ ସମସ୍ତ ଜିଲ୍ଲାରେ ୨ଶହରୁ ଅଧିକ ସକ୍ରୀୟ ଆକ୍ରାନ୍ତ ରହିଛନ୍ତି । ସକ୍ରୀୟ ରୋଗୀ ତାଲିକାରେ ସବୁଠୁ ଆଗରେ ରହିଛି ଖୋର୍ଦ୍ଧା । ଦ୍ୱିତୀୟ ସ୍ଥାନରେ ରହିଛି ଗଂଜାମ । ସକ୍ରୀୟ ରୋଗୀ ତାଲିକାରେ କଟକ ଜିଲ୍ଲା ରହିଛି ତୃତୀୟରେ ।
Kanak News is now on WhatsApp
Join and get latest news updates delivered to you via WhatsApp
ଦିନକୁ ଦିନ ଗଂଜାମରେ ନୂଆ ଆକ୍ରାନ୍ତଙ୍କ ସଂଖ୍ୟା କମୁ୍ଥିବା ବେଳେ ହୁ ହୁ ହୋଇ ବଢୁଛି ଖୋର୍ଦ୍ଧାରେ ସଂକ୍ରମିତଙ୍କ ସଂଖ୍ୟା । ଆଉ ସେଥିରୁ ଅଧିକ ସଂଖ୍ୟକ ସଂକ୍ରମିତ ହେଉଛନ୍ତି ଭୁବନେଶ୍ୱରରୁ ।
ତିିନି ଦିନର ସଂକ୍ରମଣ
ଅଗଷ୍ଟ ୨୧ ରେ ଖୋର୍ଦ୍ଧା ରେ ନୂଆ ସଂକ୍ରମିତଙ୍କ ସଂଖ୍ୟା ୪୭୫, ସେଥିରୁ ଭୁବନେଶ୍ୱର ରେ ୩୨୪ ଆକ୍ରାନ୍ତ
ଅଗଷ୍ଟ ୨୨ – ଖୋର୍ଦ୍ଧା ରେ ୪୪୩ , ଭୁବନେଶ୍ୱର ରେ ୨୯୫
ଅଗଷ୍ଟ ୨୩ – ଖୋର୍ଦ୍ଧା ୬୦୬, ଭୁବନେଶ୍ୱର – ୩୧୭
ସେପଟେ ବିଏମସି କମିସନର ଶନିବାର ଦିନ କହିଥିଲେ ଏବେ ଭୁବନେଶ୍ୱରରେ ଶୀର୍ଷକୁ ଯାଉଛି ସଂକ୍ରମଣ ଏବଂ ସେପ୍ଟେମ୍ବର ମଝି ଆଡକୁ କେବଳ ଭୁବନେଶ୍ୱରରେ ସକ୍ରୀୟ ଆକ୍ରାନ୍ତଙ୍କ ସଂଖ୍ୟା ୫ ହଜାର ଛୁଇଁବା ସମ୍ଭାବନା ରହିଛି ।