କାମ କରୁ ନାହିଁ ଚୀନ୍ ଟିକା । ଚୀନ୍ ଟିକା ବ୍ୟବହାର କରୁଥିବା ଦେଶରେ ବଢ଼ୁଛି କରୋନା ସଂକ୍ରମଣ ।
କନକ ବ୍ୟୁରୋ: ଚାଇନା ପ୍ରସ୍ତୁତ କରୋନା ଟିକାକୁ ନେଇ ବଢୁଛି ଦ୍ୱନ୍ଦ । ଟିକା ନେବା ପରେ ବି ବଢି ଚାଲିଛି କରୋନା ସଂକ୍ରମଣ । ଚିନ ଠାରୁ ଟିକା କିଣିଥିବା ଦେଶ ଗୁଡିକରୁ ଏବେ ଏପରି କିଛି ରିପୋର୍ଟ ସାମ୍ନାକୁ ଆସୁଛି । ଚୀନ ଟିକାକୁ ନେଇ ଏବେ ଅନେକ ଦେଶ କିଛି ଏପରି ଦୃôଶ୍ୟ ଦେଖିବାକୁ ମିଳୁଛି । ମଙ୍ଗୋଲିଆ, ସସେଲ୍ସ, ଚିଲି ଏବଂ ବାହାରିନ୍ ଏହି ଚାରୋଟି ଦେଶ ଚୀନ ଟିକାରେ ନିଜ ଦେଶର ଲୋକଙ୍କୁ ଟିକାକରଣ କରୁଛନ୍ତି । ହେଲେ ଏହି ଦେଶ ଗୁଡିକରେ ଟିକା ନେବା ପରେ କରୋନା ସଂକ୍ରମଣ ବଢୁଥିବା ଲକ୍ଷ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗୋଲିଆରେ ୫୮ ପ୍ରତିଶତ ଲୋକେ ଏବଂ ସସେଲ୍ସରେ ୭୨ ପ୍ରତିଶତ ଲୋକେ ଚୀନ ନିର୍ମିତ କରୋନା ଟିକାସିନୋଫାର୍ମ୍ସ ନେଇ ସାରିଛନ୍ତି । ହେଲେ ଏବେ ଏଠାରେ କରୋନା ସଂକ୍ରମଣରବେଗ ବଢି ଚାଲିଛି । ୟୁନିଭର୍ସିଟି ଅଫ ହଙ୍ଗକଙ୍ଗର ଭାଇରୋଲୋଜିଷ୍ଟ ଜିଙ୍ଗ ଡୋଙ୍ଗୟାନ୍ ନ୍ୟୁୟର୍କ ଟାଇମ୍ସକୁ ଦେଇଥିବା ଏକ ଇଂଟର୍ଭ୍ୟୁରେ କହିଛନ୍ତି – “ଯଦି ଚୀନର ଟିକା ପ୍ରଭାବଶାଳୀ ହୋଇଥାନ୍ତା ତାହାଲେ ଏହି ଦେଶ ଗୁଡିକରେ ସଂକ୍ରମଣ ଏତେ ତୀବ୍ରତାର ସହ ବଢି ନଥାନ୍ତା ।
ଭାରତ ଦେଖାଦେଖି ଚୀନ ମଧ୍ୟ ଭ୍ୟାକ୍ସିନ କୂଟନୀତିକୁ ବଢାଇବା ପାଇଁ ଅନେକ ଦେଶକୁ ଟୀକା ପହଁଚାଇଥିଲା । ହେଲେ ତାର ଅନ୍ୟ ସାମଗ୍ରୀ ଭଳି ଚୀନ ପ୍ରସ୍ତୁତ ଟୀକା ବି ଫଳପ୍ରଦ ହୋଇନାହିଁ ।
ସସେଲସରେ ଚୀନ ଟିକା ସିନୋଫାର୍ମ୍ସ ନେଇଥିବା ୧୦ ଲକ୍ଷ ଲୋକଙ୍କ ଭିତରୁ ୭୧୬ଜଣ କରୋନା ଭୂତାଣୁ ଦ୍ୱାରା ସଂକ୍ରମିତ ହୋଇ ସାରିଛନ୍ତି । ବାହାରିନ୍ ଓ ୟୁଏଇ ପ୍ରଥମ ଦୁଇଟି ଦେଶ ଯେଉଁମାନେ ଚୀନ ଟିକା ସିନୋଫାର୍ମ୍ସକୁ ସ୍ୱିକୃତୀ ଦେଇଥିଲେ । ହେଲେ ସେତେବେଳେ ଟିକାର ତୃତୀୟ ପର୍ଯ୍ୟାୟ ଟ୍ରାଏଲ ଶେଷ ମଧ୍ୟ ହୋଇନଥିଲା । ଆଉ ଏଠାରେ ବି ଚୀନ ଟିକା ନେବା ପରେ କରୋନା ଭୂତାଣୁ ସଂକ୍ରମଣ ବଢି ଚାଲିଥିବା ଦେଖିବାକୁ ମିଳୁଛି ।
ଫାଇଜର ଓ ମଡେର୍ଣ୍ଣା ପ୍ରସ୍ତୁତ ଟୀକା ୯୦ ପ୍ରତିଶତ ପର୍ଯ୍ୟନ୍ତ ଫଳପ୍ରଦ ବୋଲି ଦାବି ହେଉଛି, ସେଠାରେ ଚୀନ ପ୍ରସ୍ତୁତ ସିନୋଫାର୍ମ୍ସ ୭୮ ପ୍ରତିଶତ ଏବଂ ସିନୋଭ୍ୟାକ୍ କେବଳ ୫୧ ପ୍ରତିଶତ ଫଳପ୍ରଦ । ସପେଟେ ଏହି ୪ଟି ଦେଶର କର୍ତୃପକ୍ଷ ଚୀନ ବିରୋଧରେ ଅଭିଯୋଗକୁ ସ୍ୱିକାର କରି ନାହାଁନ୍ତି । ସେମାନେ ନିଜ ଦେଶରେ ବଢୁଥିବା ସଂକ୍ରମଣର କାରଣ ଆଉକିଛି ବୋଲି କହିଛନ୍ତି ।