କରୋନାକୁ ନେଇ ପ୍ରଧାନମନ୍ତ୍ରୀଙ୍କ ଘୋଷଣାକୁ ଅପେକ୍ଷା: ଲକାଡାଉନ ବଢାଇବାକୁ ଘୋଷଣା କରିସାରିଲେଣି ଓଡିଶା ସମେତ ୫ ରାଜ୍ୟ
ଗତକାଲି ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଥିଲେ ନରେନ୍ଦ୍ର ମୋଦି
କନକ ବ୍ୟୁରୋ: ଦେଶରେ ଲକଡାଉନର ଅବଧି ବଢିବ କି ନାହିଁ ସେ ନେଇ ସାରା ଦେଶବାସୀଙ୍କ ଅପେକ୍ଷା ରହିଛି ପ୍ରଧାନମନ୍ତ୍ରୀଙ୍କ ସଂବୋଧନକୁ । ପ୍ରଧାନମନ୍ତ୍ରୀଙ୍କ ଏହି ସଂବୋଧନ ଆଗରୁ କିଛି ରାଜ୍ୟ ଲକଡାଉନ ଅବଧିକୁ ନିଜ ରାଜ୍ୟରେ ବୃଦ୍ଧି କରିସାରିଲେଣି । ଏହି ତାଲିକାରେ ରହିଛନ୍ତି ଓଡିଶା ସମେତ ପଂଜାବ, ମହାରାଷ୍ଟ୍ର, ପଶ୍ଚିମବଙ୍ଗ ଓ ଉତରାଖଣ୍ଡ । ଗତକାଲି ପ୍ରଧାନମନ୍ତ୍ରୀଙ୍କ ଭିଡିଓ କନଫରେନ୍ସିଂ ଆଲୋଚନାରେ ସାମିଲ ହୋଇଥିଲେ ୧୩ ରାଜ୍ୟର ମୁଖ୍ୟମନ୍ତ୍ରୀ । ଉତରପ୍ରଦେଶ , ଦିଲ୍ଲୀ, ପଂଜାବ, ରାଜସ୍ଥାନ ଓଡିଶା ସମେତ ୧୦ ରାଜ୍ୟର ମୁଖ୍ୟମନ୍ତ୍ରୀ ଦେଶରେ ଲକଡାଉନ ଅବଧି ବଢାଇବାକୁ ଦାବି କରିଥିଲେ । ଓଡିଶା ସରକାର ଅପ୍ରେଲ ୩୦ ତାରିଖ ଯାଏଁ ତାଲାବନ୍ଦ ଅବଧି ବୃଦ୍ଧି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ପଶ୍ଚିମବଙ୍ଗ ସରକାର ଆଗାମୀ ଜୁନ୍ ୧୦ ତାରିଖ ଯାଏଁ ସମସ୍ତ ଶିକ୍ଷାନୁଷ୍ଠାନ ବନ୍ଦ ରଖିବାକୁ ନିର୍ଦ୍ଦେଶ ନାମା ଜାରି କରିଛନ୍ତି । ଏହାରି ଭିତରେ ଆଶା କରାଯାଉଛି ଆସନ୍ତା ୧୪ ଅପ୍ରେଲରେ ଶେଷ ହେଉଥିବା ୨୧ ଦିନର ତାଲାବନ୍ଦ ପରେ କେନ୍ଦ୍ର ସରକାର ଆଉ କିିଛି ଦିନ ଏହାକୁ ବଢ଼ାଇପାରନ୍ତି । ୧୩ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଭିଡିଓ କନଫରେନସିଂରେ ପ୍ରଧାନମନ୍ତ୍ରୀ ଆଲୋଚନା କରିବା ପରେ ଏଭଳି ସମ୍ଭାବନା ସୃଷ୍ଟି ହୋଇଛି । ଏକାଧିକ ରାଜ୍ୟର ମୁଖ୍ୟମନ୍ତ୍ରୀ ତାଲାବନ୍ଦ ଅବଧିକୁ ବଢ଼ାଇବାକୁ ପ୍ରଧାନମନ୍ତ୍ରୀଙ୍କ ସାମ୍ନାରେ ଦାବି ରଖିଥିବାରୁ ପ୍ରଧାନମନ୍ତ୍ରୀ ନିଜର ସଂବୋଧନରେ ଏନେଇ ଘୋଷଣା କରିବା ସଂଭାବନା ରହିଛି ।