ବଢୁଛି କରୋନା ସଂକ୍ରମଣ : ଦେଶରେ ଆକ୍ରାନ୍ତଙ୍କ ସଂଖ୍ୟା ୭ ଲକ୍ଷ ଟପିଲା. ୨୪ ଘଂଟାରେ ୪୬୭ ମୃତ୍ୟୁ ଓ ୨୨ ହଜାର ୨ ଶହ ୫୨ ଆକ୍ରାନ୍ତ; ଦିଲ୍ଲୀରେ ଲକ୍ଷେ ଟପିଲା ଆକ୍ରାନ୍ତଙ୍କ ସଂଖ୍ୟା
କନକ ବ୍ୟୁରୋ : ଦେଶରେ ୭ ଲକ୍ଷ ଟପିଲା ଆକ୍ରାନ୍ତ ସଂଖ୍ୟା । ମୃତ୍ୟୁ ସଂଖ୍ୟା ଅତିକ୍ରମ କଲା ୨୦ ହଜାର । ଗତ ୨୪ ଘଂଟାରେ ୨୨ ହଜାର ୨୫୨ ନୂଆ ଆକ୍ରାନ୍ତ ଓ ୪୬୭ ନୂଆ ମୃତକଙ୍କ ସହିତ ଦେଶରେ ଏଭଳି କିଛି ରହିଛି କରୋନାର ବିସ୍ଫୋରକ ଚିତ୍ର । ୨୨ ହଜାରରୁ ଅଧିକ ନୂଆ ଆକ୍ରାନ୍ତଙ୍କ ସହ ଦେଶରେ ମୋଟ୍ ଆକ୍ରାନ୍ତ ସଂଖ୍ୟା ପହଁଚିଛି ୭ ଲକ୍ଷ ୧୯ ହଜାର ୬୬୫ । ୪୬୭ ନୂଆ ମୃତକଙ୍କ ସହିତ ଦେଶରେ ମୋଟ୍ କରୋନା ମୃତ୍ୟୁ ସଂଖ୍ୟା ୨୦ ହଜାର ୧୬୦ ଛୁଇଁଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ମହାରାଷ୍ଟ୍ରରେ କରୋନା ଆକ୍ରାନ୍ତ ସଂଖ୍ୟା ୨ ଲକ୍ଷ ଅତିକ୍ରମ କରିଥିବା ବେଳେ ଦିଲ୍ଲୀରେ ସଂଖ୍ୟା ପାର କରିଛି ଏକ ଲକ୍ଷ । ଦେଶରେ ୭ ଲକ୍ଷ ଆକ୍ରାନ୍ତ ସହିତ ବିଶ୍ୱରେ ଭାରତ ରହିଛି ତୃତୀୟ ସ୍ଥାନରେ । ଶୀର୍ଷରେ ଆମେରିକା ରହିଥିବା ବେଳେ ଦ୍ୱିତୀୟ ସ୍ଥାନରେ ଅଛି ବ୍ରାଜିଲ । ଭାରତ ତୃତୀୟ ଓ ଋଷ ରହିଛି ଚତୁର୍ଥ ସ୍ଥାନରେ ।