କରୋନା ରିପୋର୍ଟରେ ଓଡିଶାକୁ ଆଶ୍ୱସ୍ତି । ପରୀକ୍ଷା ହୋଇଥିବା ୯ଟି ଯାକ ନମୂନାରୁ ୯ ନେଗେଟିଭ । ସ୍ଥିତିର ମୁକାବିଲା ପାଇଁ ସରକାରଙ୍କ କଡା ପଦକ୍ଷେପ
କନକ ବ୍ୟୁରୋ: ଓଡିଶା କରୁଛି କରୋନା ମୁକାବିଲା । ବିଭିନ୍ନ ସଚେତନତାମୂଳକ ପଦକ୍ଷେପ ନେଇ ଓଡିଶାବାସୀଙ୍କୁ ସତର୍କ କରୁଛନ୍ତି ରାଜ୍ୟ ସରକାର । ତେବେ ଏଯାଏଁ ଓଡିଶାରେ ୨ ଜଣ କରୋନାରେ ଆକ୍ରାନ୍ତ ହୋଇଥିବା ବେଳେ ଅନ୍ୟ ସମସ୍ତ ରକ୍ତ ନମୂନା ନେଗେଟିଭ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଗତକାଲି ପରୀକ୍ଷା ପାଇଁ ଯାଇଥିବା ୯ଟି ନମୂନାରେ କରୋନା ଭୂତାଣୁ ନଥିବା ସ୍ପଷ୍ଟ କରିଛନ୍ତି ରାଜ୍ୟ ସରକାର । ଗତକାଲି ଆସିଥିବା ୯ଟି ଯାକ ରିପୋର୍ଟ ନେଗେଟିଭ୍ ରହିଛି । ଗତକାଲି କରୋନା ସମ୍ପର୍କିତ ୨୪ ଘଣ୍ଟିଆ ରିପୋର୍ଟ ଦେଲା ବେଳେ ସରକାରଙ୍କ ମୁଖ୍ୟ ମୁଖପାତ୍ର ୬୬ଟି ନମୂନାରୁ ୬୦ ନେଗେଟିଭ, ୨ ପଜିଟିଭ ଆଉ ୪ଟି ରିପୋର୍ଟ ଆସିନଥିବା ସୂଚନା ଦେଇଥିଲେ । ଆଉ ଆସିନଥିବା ୪ଟି ନମୂନା ସମେତ ମୋଟ ୯ଟି ନମୂନା ପରବର୍ତ୍ତୀ ସମୟରେ ନେଗେଟିଭ ବୋଲି ସ୍ପଷ୍ଟ ହୋଇଛି ।
ସେପଟେ କରୋନା ବିରୋଧରେ ଲଢେଇ ପାଇଁ ସମସ୍ତ ଜୋର ଲଗାଇ ଦେଇଛନ୍ତି ସରକାର । କୌଣସି ସ୍ଥାନରେ ୭ ଜଣ ଏକାଠି ହେବା ଉପରେ କଟକଣା ଲଗାଯାଇଛି । ସାଙ୍ଗ ହୋଇ କୌଣସି ସ୍ଥାନରେ ୭ ଜଣରୁ ଅଧିକ ଲୋକ ଏକାଠି ନହେବାକୁ ନିର୍ଦ୍ଦେଶ ଦେଇଛନ୍ତି ସରକାର । ଭିଡ଼ ଜମୁଥିବା ସମସ୍ତ ରେଷ୍ଟୁରାଂଟ, କଫି ସପ୍, ବାର, କ୍ୟାଂଟିନ ସମେତ ଜନଗହଳି ହେଉଥିବା ସ୍ଥାନକୁ ତୁରନ୍ତ ବନ୍ଦ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି ।