କରୋନା ଭୂତାଣକୁ ନେଇ ହେଲଥ ଏମରଜେନ୍ସି ଜାରି କଲା ବିଶ୍ୱ ସ୍ୱାସ୍ଥ୍ୟ ସଂଗଠନ । ଭାଇରସ ସଂକ୍ରମଣ ରୋକିବାକୁ ବିଶ୍ୱ ସମୁଦାୟକୁ ଅପିଲ : ସେପଟେ ଚୀନରେ ମୃତ୍ୟୁ ସଂଖ୍ୟା ଛୁଇଁଲା ୧୭୦
କନକ ବ୍ୟୁରୋ : କରୋନାକୁ ବିଶ୍ୱ ସ୍ୱାସ୍ଥ୍ୟ ସଂଗଠନ ୱାର୍ଲଡ ହେଲଥ ଇମାର୍ଜେନ୍ସି ବା ବୈଶ୍ୱିକ ମହାମାରୀ ଘୋଷଣା କରିଛି । କରୋନା ଭୂତାଣୁ ସଂକ୍ରମଣକୁ ଅସ୍ୱାଭାବିକ ଘଟଣା କହିବା ୱାର୍ଲଡ ହେଲଥ ଅର୍ଗାନାଇଜେସନ ସମସ୍ତ ଦେଶର ସରକାରଙ୍କୁ ଭୁତାଣୁ ବ୍ୟାପିବା ଉପରେ ତୁରନ୍ତ ରୋକିବା ପାଇ ପଦକ୍ଷେପ ନେବାକୁ ଅପିଲ କରିଛି । ଏଥିସହ ପ୍ରଭାବିତ ଦେଶ ପରସ୍ପର ମଧରେ ସମନ୍ୱୟ ରକ୍ଷା କରି ମୁକାବିଲା କରିବାକୁ ଅପିଲ କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ଡବ୍ଲୁଏଚଓର ନିର୍ଦ୍ଦଶକ ଟେଡ୍ରୋସ ଅଧାନୋମ କହିଛନ୍ତି, ସପ୍ତାହ ଭିତରେ କରୋନାକୁ ନେଇ ଆସିଥିବା ରିପୋର୍ଟ ଆତଙ୍କିତ କରିଛି ।
Kanak News is now on WhatsApp
Join and get latest news updates delivered to you via WhatsApp
କରେନାକୁ ନେଇ ଭୟର ବାତାବରଣ ତିଆରି ହେଉଥିବାରୁ ଏହାକୁ ନେଇ ଏକ ଇଂଟରନେସନାଲ ହେଲଥ ଏମରଜେନ୍ସି ରେଗୁଲେସନ କମିଟି ଗଠନ କରାଯିବା ବୋଲି କହିଛନ୍ତି ଟେଡ୍ରୋସ । ସେହିପରି ବିଶ୍ୱ ସ୍ୱାସ୍ଥ୍ୟ ସଂଗଠନର ମୁଖ୍ୟ ମାଇକଲ ରାୟନ କହିଛନ୍ତି, କରୋନା ଭାଇରସକୁ ନେଇ ସାରା ଦୁନିଆଁ ସତର୍କ ହେବାର ସମୟ ଆସିଛି । କରୋନା ଭୂତାଣୁର ପ୍ରକୋପ ଚୀନର ବୁହାନ ସହରରୁ ବାହାରି ବିଶ୍ୱର ୧୮ ଦେଶକୁ ବ୍ୟାପି ଗଲାଣି । ଏହି ଭୂତାଣୁର ସଂକ୍ରମଣରେ ଆସି ଚୀନରେ ବର୍ତମାନ ସୁଦ୍ଧା ୧୭୦ ଜଣଙ୍କ ମୃତ୍ୟୁ ହୋଇଥିବା ବେଳେ ୭ ହାଜର ୮ଶହ ଜଣ ଆକ୍ରାନ୍ତଙ୍କୁ ଚିହ୍ନଟ କରାଯାଇଛି ।