କରୋନା ସଙ୍କଟ ନେଇ ସମସ୍ତ ମୁଖ୍ୟମନ୍ତ୍ରୀଙ୍କ ସହ କଥା ହେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ସମୟରେ ରାଜ୍ୟଗୁଡିକ ନେଉଥିବା ପଦକ୍ଷେପ ସମ୍ପର୍କରେ ଆଲୋଚନା କରିବେ । ଏହାଛଡା କେନ୍ଦ୍ର ନେଇଥିବା ବିଭିନ୍ନ ପଦକ୍ଷେପ ନେଇ ସୂଚନା ଦେବେ । ଦିନ ୧୧ ଟାରେ ଏହି ଭିଡିଓ କନଫରେନ୍ସିଂ ହେବ । ଏହା ପୂର୍ବରୁ ବିଭିନ୍ନ ସେକ୍ଟରର ପ୍ରତିନିଧିଙ୍କ ସହ କରୋନା ସଙ୍କଟ ନେଇ ପ୍ରଧାନମନ୍ତ୍ରୀ ଆଲୋଚନା କରିସାରିଛନ୍ତି । କରୋନା ନେଇ ପ୍ରଧାନମନ୍ତ୍ରୀ ଦୁଇଥର ଦେଶବାସୀଙ୍କୁ ସମ୍ବୋଧିତ କରିସାରିଛନ୍ତି । ରୋଗ ପ୍ରତିରୋଧକ ଶକ୍ତି ବଢାଇବା ନେଇ ବି ଟିପ୍ସ ଦେଇସାରିଛନ୍ତି ।