ଚିନ୍ତା ବଢ଼ାଇଲା ଆକ୍ରାନ୍ତଙ୍କ ସଂଖ୍ୟା! ଭୁବନେଶ୍ୱରରେ ଗୋଟିଏ ଦିନରେ ୧୮ କରୋନା ପଜିଟିଭ୍, ରାଜ୍ୟରେ ୩୯ରେ ପହଁଚିଲା ଆକ୍ରାନ୍ତଙ୍କ ସଂଖ୍ୟା ।
କନକ ବ୍ୟୁରୋ: ରାଜଧାନୀରେ ରେକର୍ଡ ସ୍ତରରେ ପହଁଚିଲା କରୋନା ଆକ୍ରାନ୍ତ ସଂଖ୍ୟା । ଦିନକରେ ଚିହ୍ନଟ ହେଲେ ୧୮ କରୋନା ପଜିଟିଭ୍ । ସବୁଠାରୁ ବଡ଼ କଥା ହେଲା କି, ଏହି ୧୮ ଆକ୍ରାନ୍ତଙ୍କ ମଧ୍ୟରୁ କେବଳ ବମିଖାଲ ଅଞ୍ଚଳର ୧୬ ଜଣ ବୋଲି ସ୍ପଷ୍ଟ କରିଛି ସ୍ୱାସ୍ଥ୍ୟ ବିଭାଗ । ତେବେ ଅପରାହ୍ନରେ ଦୁଇ ଜଣ କରୋନା ଆକ୍ରାନ୍ତ ଭୁବନେଶ୍ୱରରୁ ଚିହ୍ନଟ ହୋଇଥିଲେ । ଭୁବନେଶ୍ୱର କପିଳ ପ୍ରସାଦ ହାଉସିଂବୋର୍ଡ କଲୋନୀ ଫେଜ୍-୨ ଅଞ୍ଚଳରେ ହୋମ କ୍ୱାରେଣ୍ଟିନରେ ଥିଲେ ଅଷ୍ଟ୍ରେଲିଆରୁ ଫେରିଥିବା ୭୦ ବର୍ଷୀୟ ବୃଦ୍ଧ । ଅନ୍ୟଜଣେ ବମିଖାଲର ୨୯ ବର୍ଷୀୟ ଯୁବକ ବୋଲି ସ୍ୱାସ୍ଥ୍ୟ ବିଭାଗ ଟ୍ୱିଟ୍ କରି ସୂଚନା ଦେଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ଗୁରୁତ୍ୱପୂର୍ଣ୍ଣ ଖବର ହେଲା କି, କରୋନା ସଂକ୍ରମିତ ଭାବେ ଘୋଷଣା ହୋଇଥିବା ବମିଖାଲ ଅଞ୍ଚଳରୁ ହିଁ ଦିନକରେ ୧୬ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ସେହି ସ୍ଥାନକୁ କଣ୍ଟେନମେଣ୍ଟ ସ୍ଥାନିତ କରାଇ ସିଲ୍ କରାଯାଇଛି । ଘର ଘର ବୁଲି ସର୍ଭେ ଜାରି ରହିଛି । ଏପରିକି ଏହି ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ସନ୍ଦିଗ୍ଧ ଏବଂ କଣ୍ଟାକ୍ଟ ମାନଙ୍କୁ ପୃଥକ ଭାବେ ପରୀକ୍ଷଣ କରାଯିବ । ଲୋକମାନଙ୍କୁ ଭୟଭୀତ ନହୋଇ ଘର ଭିତରେ ରହିବାକୁ ଟ୍ୱିଟ୍ କରି ଅନୁରୋଧ କରିଛି ସ୍ୱାସ୍ଥ୍ୟ ବିଭାଗ ।
ସେପଟେ ଗତ ୩ ତାରିଖରେ ରାଜ୍ୟରେ ଏକ ସଙ୍ଗେ ଚିହ୍ନଟ ହୋଇଥିଲେ ୧୫ କରୋନା ପଜିଟିଭ୍ । ବର୍ତ୍ତମାନ ଏହାକୁ ମିଶାଇ ରାଜ୍ୟରେ ବର୍ତ୍ତମାନ କରୋନା ଆକ୍ରାନ୍ତଙ୍କ ସଂଖ୍ୟା ୩୯ରେ ପହଂଚିଛି । ସବୁଠାରୁ ବଡ଼ ଚିନ୍ତାଜନକ କଥା ହେଲା, ଏହା ମଧ୍ୟରୁ କେବଳ ରାଜଧାନୀ ଭୁବନେଶ୍ୱରରୁ ହିଁ ଏପର୍ଯ୍ୟନ୍ତ ୩୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଉ ମୋଟ୍ ୩୯ କରୋନା ଆକ୍ରାନ୍ତଙ୍କ ମଧ୍ୟରୁ ୨ ଜଣ ସୁସ୍ଥ ହୋଇ ଫେରିଥିବାବେଳେ ୩୭ ଆକ୍ଟିଭ୍ କେସ୍ ରହିଛି ।