କରୋନା ସଂକ୍ରମିତଙ୍କ ପାଇଁ ବିପଦ ଆଣିବ ମୋଟାପଣ । ମେଦବହୁଳତା ଥିଲେ ମୃତ୍ୟୁବରଣର ରହିଛି ୫୦ ପ୍ରତିଶତ ଆଶଙ୍କା । ଆସିଲା ଆଶ୍ଚର୍ଯ୍ୟକର ତଥ୍ୟ
କନକ ବ୍ୟୁରୋ: କରୋନା ସଂକ୍ରମଣ ଏବେ ସାରା ବିଶ୍ୱବାସୀଙ୍କୁ ଭୟଭୀତ କରି ରଖିଛି । ପ୍ରତିଦିନ ଆସୁଛି ନୂଆ ନୂଆ କଥା , ନୂଆ ନୂଆ କାହାଣୀ । କରୋନା କାହାକୁ ସଂକ୍ରମିତ କରୁଛି, କରୋନାରେ କେତେ ହାରରେ ମୃତ୍ୟୁ ହେଉଛି ଆଉ କେମିତି ମୃତ୍ୟୁ ହେଉଛି । ଏହାକୁ ନେଇ ଚାଲିଛି ଅନେକ ଆଲୋଚନା ପର୍ଯ୍ୟାଲୋଚନା । ଏସବୁ ଭିତରେ ଏକ ଏମିତି ତଥ୍ୟ ଆସିଛି ଯାହା ଆପଣଙ୍କୁ ଆଶ୍ଚର୍ଯ୍ୟ କରିଦେବ । କରୋନା ସଂକ୍ରମିତ ହେଉଥିବା ଲୋକଙ୍କ ଠାରେ ଯଦି ମେଦବହୁଳତା ଥିବ ତେବେ ମୃତ୍ୟୁବରଣର ଆଶଙ୍କା ୫୦ ପ୍ରତିଶତ ରହିଛି । ଅର୍ଥାତ ମେଦବହୁଳତା ଥିବା ବ୍ୟକ୍ତିଙ୍କ କ୍ଷେତ୍ରରେ କରୋନା ସଂକ୍ରମଣ ହେଲେ ୫୦ ପ୍ରତିଶତ ମୃତ୍ୟୁର ଭୟ ରହିଛି ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱର କିଛି ବିଶେଷଜ୍ଞ କରିଥିବା ଗବେଷଣା ଅନୁସାରେ ମେଦବହୁଳତା ବା ମୋଟା ବ୍ୟକ୍ତିଙ୍କ କ୍ଷେତ୍ରରେ ମୃତ୍ୟୁର ବିପଦ ଅଧିକ ରହିଛି । ବିଶ୍ୱବ୍ୟାଙ୍କ ପାଇଁ ଉଦ୍ଦିଷ୍ଟ ହୋଇଥିବା ଏହି ତଥ୍ୟ ଏବେ ବିଦେଶରେ ସରକାରଙ୍କ ଉପରେ ମେଦବହୁଳର ମୁକାବିଲା କରିବା ପାଇଁ ଚାପ ପକାଉଛି । ୟୁନାଇଟେଡ କିଙ୍ଗଡମର ପ୍ରଧାନମନ୍ତ୍ରୀ ଦେଶରେ ଲୋକଙ୍କ ଓଜନ କମାଇବା ଉପରେ ଗୁରୁତ୍ୱ ପ୍ରଦାନ କରିବା ଆରମ୍ଭ କରିଦେଇଛନ୍ତି । ବିଶ୍ୱର ତଥ୍ୟକୁ ଯଦି ନିଆଯାଏ ତେବେ ଆମେରିକାରେ ୪୦ ପ୍ରତିଶତ ଲୋକଙ୍କ ଠାରେ ମେଦବହୁଳତା ରହିଛି । ଇଂଲଣ୍ଡରେ ୨୭ ପ୍ରତିଶତରୁ ଅଧିକ ବୟସ୍କଙ୍କ କ୍ଷେତ୍ରରେ ମେଦବହୁଳତା ଦେଖାଯାଏ । ମେଦବହୁଳତା ଥିବା କରୋନା ଆକ୍ରାନ୍ତ ରୋଗୀ ୧୧୩ ପ୍ରତିଶତ ହସ୍ପିଟାଲରେ ଚିକିତ୍ସା ପାଇଁ ଭର୍ତି ହୋଇଥାନ୍ତି । ଇନଟେନସିଭ କେୟାର ୟୁନିଟରେ ରହିଥାନ୍ତି ୭୪ ପ୍ରତିଶତ ଏବଂ ୪୮ ପ୍ରତିଶତ ବ୍ୟକ୍ତିଙ୍କ କ୍ଷେତ୍ରରେ ମୃତ୍ୟୁର ଆଶଙ୍କା ଅଧିକ ରହିଥାଏ
ତେଣୁ ମେଦବହୁଳତା ଏବେ କରୋନା ସଂକ୍ରମଣ ବେଳେ ଚିନ୍ତା ବଢାଇଛି । ଅନେକ ଦେଶ ଏହାକୁ ନେଇ ଚିନ୍ତା ପ୍ରକଟ କରୁଥିବା ବେଳେ ଏହାର ସଫଳ ଚିକିତ୍ସା କିପରି ହୋଇପାରିବ ସେନେଇ କିଛି ଫର୍ମୁଲା ମଧ୍ୟ ଆସିନାହିଁ । ଭାରତ ବର୍ଷରେ ୫ ପ୍ରତିଶତ ଲୋକଙ୍କୁ ଏହି ମେଦବହୁଳତା ପ୍ରଭାବିତ କରିଛି । ଅନ୍ୟ ବିକାଶଶୀଳ ରାଷ୍ଟ୍ର ଗୁଡିକ ଭଳି ଭାରତ ବର୍ଷରେ ଏହି ଟ୍ରେଣ୍ଡ ବଢିବାରେ ଲାଗିଛି । ଭାରତବର୍ଷରେ ମଧ୍ୟବିତଙ୍କ ରୋଜଗାର ବଢିବା ଏବଂ କ୍ୟାଲୋରୀ ଖାଦ୍ୟ ଗ୍ରହଣ ବଢିବା ଏହି ମୋଟାପଣକୁ ବଢେଇଦେଇଛି । ମେଦବହୁଳତା ହୃଦରୋଗର କାରଣ ହୁଏ ଆଉ କରୋନା ସମୟରେ ଏହା ମଣିଷକୁ ମୃତ୍ୟୁମୁଖକୁ ନେଇଯାଏ । ମୋଟାପଣ ବା ମେଦବହୁଳତା ଡାଏବେଟିସକୁ ମଧ୍ୟ ନିମନ୍ତ୍ରଣ କରେ । ହୃଦରୋଗ ଏବଂ ଡାଏବେଟିସ କରୋନା ସମୟରେ ମଣିଷକୁ ମୃତ୍ୟୁମୁଖକୁ ଟାଣିନେବାର ଆଶଙ୍କା ରଖିଥାଏ ।