କରୋନା କାୟା ମେଲାଉଛି, ସାରା ବିଶ୍ୱର ଚିନ୍ତା ବଢାଉଛି । ଭୟଙ୍କର ଭାଇରସ ନେଇ ଚିନ୍ତା ପ୍ରକଟ କଲେ ପ୍ରଧାନମନ୍ତ୍ରୀ ମୋଦି । କହିଲେ ‘କରୋନା’ ସାରା ବିଶ୍ୱ ପାଇଁ ବଡ ଚାଲେଞ୍ଜ
କନକ ବ୍ୟୁରୋ: ଦିନକୁ ଦିନ କରୋନା ସାରା ବିଶ୍ୱରେ କାୟା ମେଲାଉଥିବା ବେଳେ ଭାରତରେ ମଧ୍ୟ ଏହା ଆତଙ୍କ ଖେଳାଉଛି । ଏଯାବତ ଭାରତରେ ୩୧ ଜଣ କରୋନା ଭାଇରସରେ ଆକ୍ରାନ୍ତ ଥିବା ବେଳେ ଅନେକଙ୍କୁ ସନ୍ଦେହ କରାଯାଇ ପରୀକ୍ଷା କରାଯାଉଛି । ସାରା ଦେଶରେ ଯେତେବେଳେ କରୋନା ପାଇଁ କୋକୁଆ ଭୟ ଖେଳି ଯାଇଛି ଠିକ ସେତିକି ବେଳେ ପ୍ରଧାନମନ୍ତ୍ରୀ ମୋଦି କରୋନା ପାଇଁ ବଡ ବୟାନ ଦେଇଛନ୍ତି । କରୋନା ଭାଇରସ ଭାରତ ପାଇଁ ନୁହେଁ ବରଂ ଏହା ସାରା ବିଶ୍ୱ ପାଇଁ ଏକ ବଡ ଚାଲେଞ୍ଜ ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଭାଇରସ କବଳରୁ ବର୍ତ୍ତିବା ଆଉ ବିଶ୍ୱକୁ ବଞ୍ଚାଇବା ସାରା ଦୁନିଆ ପାଇଁ ଏକ ବହୁତ ବଡ ଚାଲେଞ୍ଜ ବୋଲି ମୋଦି ଏକ କାର୍ଯ୍ୟକ୍ରମରେ ଯୋଗଦେଇ କହିଛନ୍ତି । କିଛି ଦିନ ତଳେ ମୋଦି ଏଥର କରୋନା ପାଇଁ ହୋଲି ଖେଳିବେନି ବୋଲି କହିଥିଲେ । ତେବେ କରୋନା କବଳରୁ ବର୍ତ୍ତିବାକୁ ସରକାର ବିଭିନ୍ନ ପଦକ୍ଷେପ ନେଉଛନ୍ତି । ବାରମ୍ବାର ବୈଠକ କରି କରୋନାରୁ କେମିତି ରକ୍ଷା ପାଇହେବ ସେନେଇ ସତର୍କ ସୂଚନା ଦେବା ସହ ପ୍ରତିଷେଧକ ମଧ୍ୟ ନେଉଛନ୍ତି ସରକାର ।
ଆଜି ସମସ୍ତ ସରକାରୀ ଅଫିସରେ ବାୟୋମେଟ୍ରିକ୍ସକୁ ବନ୍ଦ କରିବାକୁ କେନ୍ଦ୍ର ସରକାର ନିଷ୍ପତ୍ତି ନେଇଥିବା ବେଳେ ବଡ ବଡ ବିମାନ ବନ୍ଦରରେ ଚେକିଂଙ୍କୁ କଡାକଡି କରିଛନ୍ତି ଯାହା ଦର୍ଶାଉଛି କି କରୋନା ପାଇଁ କେତେ ସଜାଗ କେନ୍ଦ୍ର ସରକାର ।
ସେପଟେ କରୋନା ଆଶଙ୍କାର ବଜାରରେ ମାସ୍କର ଅଭାବ ଦେଖା ଦେଇଛି । ଭାଇରସ ଭୟରେ ବଜାରରୁ ମାସ୍କ, ସାନିଟାରୀ ଉଭାନ ହେବା ପରେ ଗୋଟିଏ ଗୋଟିଏ ମାସ୍କ ୨ ଶହରୁ ୨୫୦ ଟଙ୍କାରେ ବିକ୍ରୀ ହେଉଛି ।
ଆକ୍ରାନ୍ତଙ୍କ ସଂଖ୍ୟା ୩୧କୁ ବୃଦ୍ଧିପାଇଛି, ସନ୍ଦିଗ୍ଧଙ୍କ ସଂଖ୍ୟା ବି ବଢୁଛି । ଆଉ ଏହାରି ଭିତରେ କରୋନାକୁ ନେଇ ସାରା ଭାରତରେ ସତର୍କତା ଆହୁରି ବ୍ୟାପକ ହୋଇଛି ।
– ଦେଶରେ କରୋନା ଆକ୍ରାନ୍ତ ସଂଖ୍ୟା ୩୧କୁ ବୃଦ୍ଧି ପାଇଛି
– କରୋନା ଆକ୍ରାନ୍ତଙ୍କୁ ଦିଲ୍ଲୀ ଓ ଗୁରୁଗ୍ରାମରେ ଚିକିତ୍ସା କରାଯାଉଛି
– ବିଦେଶୀ ଶ୍ରଦ୍ଧାଳୁଙ୍କୁ ୨ ମାସ ପାଇଁ ମଥୁରାକୁ ମନା କରାଯାଇଛି
-ଅମ୍ରିତସରରେ ୧୩ ଇରାନ ପର୍ଯ୍ୟଟକଙ୍କୁ ଅଟକ ରଖି ଯାଂଚ୍ କରାଯାଉଛି
-ଲୋକସଭା ସାଂସଦଙ୍କ ପାଇଁ ଏକ ଆଡଭାଇଜରି ଜାରାଯାଇଛି
-ଦିଲ୍ଲୀରେ ସୁଟିଂ ବିଶ୍ୱକପ୍ ଓ ଅଲିମ୍ପିକ୍ସ ଅଭ୍ୟାସ୍ ପ୍ରତିଯୋଗିତା ସ୍ଥଗିତ ରହିଛି
-ଆଇପିଏଲ୍ ମ୍ୟାଚ୍ ଉପରେ ମଧ୍ୟ ଆଶଙ୍କାର କଳାବାଦଲ ସୃଷ୍ଟି ହୋଇଛି