କରୋନା ଭୂତାଣକୁ ନେଇ ସାରା ବିଶ୍ୱ ଆତଙ୍କିତ । ଭାରତର ଆୟୁଷ ମନ୍ତ୍ରଣାଳୟ କହିଲା ହୋମିଓପାଥିରେ ଭାଇରସ ସଂକ୍ରମଣକୁ ରୋକି ହେବ
କନକ ବ୍ୟୁରୋ: ସାରା ବିଶ୍ୱରେ ଆତଙ୍କ ଖେଳାଇଛି କରୋନା ଭାଇରସ । ଚୀନ ସମେତ ୩୦ ରାଷ୍ଟ୍ର ପାଇଁ ବଡ ବିପଦ ସାଜିଛି କରୋନା । ଆଉ ଏତିକି ବେଳେ ଭାରତ ସରକାରଙ୍କ ଆୟୁଷ ମନ୍ତ୍ରାଳୟ କହିଛି ହୋମିଓପାଥିରେ କୋରନା ଭାଇରସର ସଂକ୍ରମଣକୁ ରୋକି ହେବ । ସାରା ପ୍ୃଥିବୀରେ ବର୍ତମାନ ସୁଦ୍ଧା କରୋନା ଭାଇରସକୁ ଫଳପ୍ରଦ ଔଷଧ ବାହାରି ପାରିନାହିଁ । ତେବେ ସେଂଟ୍ରାଲ କାଉନସିଲ ଫର ରିସର୍ଚ ଇନ୍ ହୋମିପାଥିର ପରାମର୍ଶଦାତା ବୈଠକ ହୋଇଥିଲା ଏବଂ ବୈଠକ ପରେ ସଂକ୍ରମଣକୁ ହୋମିଓପାଥି ଚିକିତ୍ସାରେ ରୋକିହେବ ଘୋଷଣା କରାଯାଇଛି । ହୋମିଓପାଥିକ ମେଡିସନ ନାଁ ମଧ୍ୟ ସାଧାରଣରେ ପ୍ରକାଶ କରାଯାଇଛି । ଆର୍ସେନିକ୍ ଆଲବମ୍ -୩୦ ସେହି ଔଷଧ ଯାହା କରୋନା ଭାଇରସ ସଂକ୍ରମଣ ରୋକିବାକୁ ସକ୍ଷମ । ଖାଲି ପେଟରେ ୩ ଦିନ ପର୍ଯ୍ୟନ୍ତ ଏହାକୁ ଖାଇଲେ, କରୋନା ଭାଇରସର ସଂକ୍ରମଣକୁ ରୋକାଯାଇ ପାରିବ । ଏହି ଔଷଧ ଗୋଟିଏ ମାସ ପରେ ପୁଣି ଥରେ ଖାଇବା ପାଇଁ ପରାମର୍ଶ ଦିଆଯାଇଛି । ଥଣ୍ଡା ଜ୍ୱରକୁ ରୋକିବା ପାଇଁ ଏହି ଔଷଧ ମଧ୍ୟ ଫଳପ୍ରଦ ବୋଲି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରେସ ବିଜ୍ଞପ୍ତିରେ ଆହୁରି ମଧ୍ୟ କୁହାଯାଇଛି, ଆୟୁର୍ବେଦ, ୟୁନାନୀ, ଘରୋଇ ଉପଚାର କଲେ ମଧ୍ୟ ଏହା ଚିକିତ୍ସା କରାଯାଇପାରିବ । ଅନ୍ୟପଟେ କରୋନା ଭୂତାଣୁରେ ଚୀନରେ ୧୩୨ ଜଣଙ୍କ ମୃତ୍ୟୁ ଓ ୬ ହଜାରରୁ ଅଧିକ ଲୋକ ଆକ୍ରାନ୍ତ ହୋଇଥିବା ସୂଚନା ମିଳିଛି । ଏବେ ପ୍ରାୟ ୧୫ଟି ରାଷ୍ଟ୍ରକୁ କରୋନା ଭାଇରସ ବ୍ୟାପି ଥିବା ବେଳେ ଭାରତ ସମେତ ୩୦ଟି ରାଷ୍ଟ୍ରରେ ଖୀପ୍ର ବେଗରେ ବ୍ୟାପିବା ଆଶଙ୍କା ଦେଖା ଦେଇଛି । ଧିରେ ଧିରେ ଚୀନରେ କରୋନା ଭୂତାଣୁ ସଂକ୍ରମଣ ସ୍ଥିତି ଉଦେବଗଜନକ ହେଉଥିବାରୁ ନାଗରିକଙ୍କ ଚୀନ ନ ଯିବା ପାଇଁ ପରାମର୍ଶ ଦେଇଛି ଭାରତ । ସେହିପରି ଚୀନରୁ ଫେରିଥିବା ଯାତ୍ରୀଙ୍କୁ ସେମାନଙ୍କ ସ୍ୱାସ୍ଥ୍ୟ ଭଲଭାବେ ପରୀକ୍ଷା କରିନେବା ଉଚିତ ବୋଲି ସ୍ୱାସ୍ଥ୍ୟମନ୍ତ୍ରାଳୟ ପକ୍ଷରୁ କୁହାଯାଇଛି । ନିକଟରେ ଚୀନରୁ କେରଳକୁ ଫେରିଥିବା ୬୩୩ ବ୍ୟକ୍ତିଙ୍କୁ ସ୍ୱତନ୍ତ୍ର ନୀରିକ୍ଷଣରେ ରଖାଯାଇଛି । ସେହିପରି ହରିୟାଣା, ମୁମ୍ବାଇ, ବେଙ୍ଗାଲୁର, ଗୋଆ, ଗୁରୁଗ୍ରାମ, ଫରିଦାବାଦ ଓ ପାନିପତରେ ୧୪ଜଣଙ୍କୁ ବିଭିନ୍ନ ହସ୍ପିଟାଲର ସ୍ୱତନ୍ତ୍ର ୱାର୍ଡରେ ଚିକିତ୍ସା କରାଯାଉଛି ।