କରୋନା ମୁକାବିଲା ନେଇ କେନ୍ଦ୍ର କ୍ୟାବିନେଟର ବଡ ନିଷ୍ପତି: ବର୍ଷକ ପାଇଁ ସାଂସଦଙ୍କ କମିବ ୩୦% ଦରମା; ଆସନ୍ତା ୨ ବର୍ଷ ପାଇଁ ଉଚ୍ଛେଦ ହେବ ସାଂସଦ ପାଣ୍ଠି
ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକରଙ୍କ ସୂଚନା
କନକ ବ୍ୟୁରୋ: କରୋନା ପାଇଁ କେନ୍ଦ୍ର କ୍ୟାବିନେଟ ବୈଠକରେ ବଡ ନିଷ୍ପତି । ସାଂସଦମାନଙ୍କ ବେତନ ୩୦ ପ୍ରତିଶତ କମ କରିବାକୁ ମଂଜୁରୀ । ପ୍ରଧାନମନ୍ତ୍ରୀ, ମନ୍ତ୍ରୀ ଓ ସାଂସଦମାନେ ୩୦ ପ୍ରତିଶତ କମ ଦରମା ନେବାକୁ କେନ୍ଦ୍ର କ୍ୟାବିନେଟରେ ନିଷ୍ପତି । ଏନେଇ ଆଜି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର । ତେବେ ଏକ ବର୍ଷ ପାଇଁ ସ୍ୱଇଚ୍ଛାରେ ୩୦ ପ୍ରତିଶତ କମ ଦରମା ନେବା ପାଇଁ ମନ୍ତ୍ରୀ, ସାଂସଦମାନେ ରାଜି ହେବା ସହ ସାଂସଦ ନିଧି ଫଣ୍ଡ ୨ ବର୍ଷ ପାଇଁ ସ୍ଥଗିତ ରଖାଯିବା ନେଇ ସୂଚନା ଦେଇଛନ୍ତି କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡକର।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଆଜି ଦୁଇଟି ନିଷ୍ପତ୍ତି ନିଆଯାଇଛି। ଏହି ପରିପ୍ରେକ୍ଷୀରେ ସମସ୍ତ ସାଂସଦଙ୍କ ଦରମା ଗୋଟିଏ ବର୍ଷ ପାଇଁ ୩୦ ପ୍ରତିଶତ ହ୍ରାସ କରାଯାଇଥିବା ବେଳେ ସାଂସଦ ନିଧି ଫଣ୍ଡ ୨ ବର୍ଷ ପାଇଁ ସ୍ଥଗିତ ରଖିବାକୁ ନିଷ୍ପତି ନିଆଯାଇଛି । କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର କହିଛନ୍ତି ଯେ , ଗୋଟିଏ ବର୍ଷ ପାଇଁ ସମସ୍ତ ସାଂସଦଙ୍କ ଦରମା ୩୦ ପ୍ରତିଶତ ହ୍ରାସ କରିବାକୁ ନିଷ୍ପତ୍ତି ହୋଇଛି । ସାଂସଦମାନଙ୍କ ଏହି ଦରମା କରୋନା ଜୀବାଣୁ ମୁକାବିଲା ପାଇଁ ବ୍ୟବହୃତ ହେବ । ଏହାଛଡା ରାଷ୍ଟ୍ରପତି, ଉପରାଷ୍ଟ୍ରପତି ଏବଂ ରାଜ୍ୟପାଳ ମଧ୍ୟ ଗୋଟିଏ ବର୍ଷ ପାଇଁ ସେମାନଙ୍କ ଦରମା ୩୦% କମ୍ ନେବେ। ରାଷ୍ଟ୍ରପତି, ଉପରାଷ୍ଟ୍ରପତି ଏବଂ ରାଜ୍ୟପାଳମାନେ ସ୍ୱେଚ୍ଛାକୃତ ଭାବେ ଏହି ନିଷ୍ପତ୍ତି ନେଇଛନ୍ତି ବୋଲି କେନ୍ଦ୍ର ମନ୍ତ୍ରୀ ପ୍ରକାଷ ଜାଭଡେକର ସୂଚନା ଦେଇଛନ୍ତି ।