ଟୀକା ପାଇଁ ଟେନସନ ନାହିଁ । ଏଣିକି ସବୁ ଘରୋଇ ହସ୍ପିଟାଲରେ ମିଳିବ କରୋନା ଟୀକା । ନୂଆ ନିଷ୍ପତ୍ତି ନେଇ ସବୁ ରାଜ୍ୟକୁ ଜଣାଇଲା କେନ୍ଦ୍ର ।
କନକ ବ୍ୟୁରୋ; ସବୁ ଘରୋଇ ହସ୍ପିଟାଲରେ ମିଳିବ କରୋନା ଟୀକା । ରାଜ୍ୟ ସରକାରମାନଙ୍କୁ ଅଇଜ୍ଞଚ୍ଛ କରାଇଲେ କେନ୍ଦ୍ର ସରକାର । ଟୀକାକରଣକୁ ତ୍ୱରାନ୍ୱିତ କରିବାକୁ କେନ୍ଦ୍ରର ନୂଆ ନିଷ୍ପତ୍ତି । ତେବେ ଇତି ମଧରେ ଓଡିଶାରେ ଆରମ୍ଭ ହୋଇଛି ୨ୟ ପର୍ଯ୍ୟାୟ ଟୀକାକରଣ । ଭ୍ୟାକଲିନ ନେବାକୁ ରାଜ୍ୟ ସରକାର ଅଧିକ ଗୁରୁତ୍ୱ ଦେଉଥିବା ବେଳେ ଏବେ କେନ୍ଦ୍ର ସରକାର ନୂଆ ନିଷ୍ପତ୍ତି ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ରାଜଧାନୀ ଭୁବନେଶ୍ୱରର ବିଭିନ୍ନ ଘରୋଇ ହସ୍ପିଟାଲରୁ ଆସୁଥିବା ଖବରରୁ ଗୋଟିଏ କଥା ସ୍ପଷ୍ଟ ହୋଇଛି ଯେ, ଟିକାକରଣକୁ ନେଇ ଲୋକଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳୁଛି । ପ୍ରଧାନମନ୍ତ୍ରୀ ଏବଂ ମୁଖ୍ୟମନ୍ତ୍ରୀଙ୍କ ଟିକାକରଣ, ଯେମିତି ଟିକା ନେବାକୁ ଆଗ୍ରହୀ ଥିବା ବରିଷ୍ଠ ନାଗରିକଙ୍କ ଉତ୍ସାହ ବଢ଼ାଇ ଦେଇଛି । ଦ୍ୱିତୀୟ ପର୍ଯ୍ୟାୟ ପ୍ରଥମ ଦିନରେ ସରକାରୀ କେନ୍ଦ୍ରଗୁଡ଼ିକରେ ଟିକାକରଣ, ସ୍ୱାଭାବିକ ହୋଇଥିବା ବେଳେ ଦ୍ୱିତୀୟ ଦିନରେ ଘରୋଇ ହସ୍ପିଟାଲରେ ଟିକାଦାନ ଆରମ୍ଭ ହୋଇଛି । ବିଏମସି ଅଧିନରେ ଥିବା ୧୫ଟି ଘରୋଇ ହସ୍ପିଟାଲରେ କରୋନା ଟିକା ଦିଆଯାଉଛି । ସମ୍, କିମ୍ସ, କଳିଙ୍ଗ, ସମେତ ବ୍ଲୁ-ହ୍ୱିଲ୍, ଆଦିତ୍ୟ ଅଶ୍ୱିନୀ, ଆମ୍ରି, ଉକ୍ରଳ ହସ୍ପିଟାଲରେ ଟିକା ଦିଆଯାଉଛି । ସେହିପରି ନୀଳାଚଳ, ହାଇଟେକ୍, କେୟାର, ଏଲ୍.ଭି ପ୍ରସାଦ ଆଇ ହସ୍ପିଟାଲ, ସ୍ପର୍ଶ, ବିବେକାନନ୍ଦ, ଆପୋଲୋ ଏବଂ ସମ୍ ଅଲ୍ଟିମେଟ ହସ୍ପିଟାଲରେ ମଧ୍ୟ କରୋନା ଟିକା ଦିଆଯାଉଛି ।
ଏସବୁ ଭିତରେ ସାରା ଓଡ଼ିଶାରେ ଟିକାକରଣ ପ୍ରକ୍ରିୟାକୁ ତ୍ୱରାନ୍ୱିତ କରାଯାଇଛି । ପ୍ରଥମ ଦିନରେ ୧୧ ହଜାର ୨୮୯ ଜଣ ୬୦ ବର୍ଷରୁ ଅଧିକ ବୟସ୍କ ବ୍ୟକ୍ତି ଟିକା ଦିଆଯାଇଛି । ସେହିପରି ବିଭିନ୍ନ ଗୁରୁତର ରୋଗରେ ପୀଡ଼ିତ ଥିବା ୪୫ ବର୍ଷରୁ ଅଧିକ ୩ଶହ ଜଣଙ୍କୁ କରୋନା ଟିକା ଦିଆଯାଇଛି । ବରିଷ୍ଠ ନାଗରିକ, ସ୍ୱାସ୍ଥ୍ୟକର୍ମୀ ଓ ସମ୍ମୁଖ ଯୋଦ୍ଧାଙ୍କୁ ମିଶାଇ ପ୍ରଥମ ଦିନରେ ମୋଟ୍ ୨୧ ହଜାର ୯୧୪ ଜଣଙ୍କୁ ଟିକା ଦିଆଯାଇଛି ।
ଦ୍ୱିତୀୟ ଦିନରେ ବିଧାନସଭା ଡିସପେନସାରୀରେ ମଧ୍ୟ ସ୍ୱାଭାବିକ ଟିକାକରଣ ହୋଇଛି । କଂଗ୍ରେସ ବିଧାୟକ ସୁର ରାଉତ ରାୟ, ତାଙ୍କ ପତ୍ନୀଙ୍କ ସହ ଆସି ଟିକା ନେଇଛନ୍ତି । ଟିକା ନେବା ପାଇଁ ବିଜେପି ବିଧାୟକ ମୁକେଶ ମହାଲିଙ୍ଗ ଆସିଥିଲେ ମଧ୍ୟ ତାଙ୍କୁ ଟିକା ନଦେଇ ଫେରାଇ ଦିଆଯାଇଛି । କାରଣ, ଗାଇଡଲାଇନ୍ ଅନୁସାରେ ସେ ଟିକା ନେବା ପାଇଁ ଯୋଗ୍ୟ ବିବେଚିତ ହୋଇନଥିଲେ । ଏସବୁ ଭିତରେ ଟିକାକରଣ ଆହୁରି ଜୋରଦାର କରିବା ପାଇଁ ସମସ୍ତ ଜିଲ୍ଲାପାଳ ଓ ମୁନିସିପାଲ କମିଶନରଙ୍କୁ ଚିଠି ଲେଖିଛନ୍ତି ସ୍ୱାସ୍ଥ୍ୟ ବିଭାଗର ଅତିରିକ୍ତ ଶାସନ ସଚିବ । ଏଥିରେ ଅଧିକ ଟିକା କେନ୍ଦ୍ର ଖୋଲିବା ପାଇଁ ଲେଖାଯାଇଛି ।