ଓଡିଶା ପରେ ଯୋଗୀ ସରକାରଙ୍କ ଘୋଷଣା । ସାମ୍ବାଦିକଙ୍କୁ କୋଭିଡ ଯୋଦ୍ଧା ଭାବେ ମିଳିବ ଟିକା । ସବୁ ଅଫିସରେ ଟିକାକରଣ ।
କନକ ବ୍ୟୁରୋ : ଓଡିଶା ପରେ ଯୋଗୀ ସରକାର ସାମ୍ବାଦିକ ମାନଙ୍କୁ କୋଭିଡ ଯୋଦ୍ଧା ଭାବେ ଘୋଷଣା କରିଛନ୍ତି । ସବୁ ଗଣମାଧ୍ୟମର କର୍ମୀମାନଙ୍କୁ ଅଗ୍ରାଧିକାର ଭିତ୍ତିରେ ଟିକା ଦେବାକୁ ଯୋଗୀ ଆଦିତ୍ୟନାଥ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି । ପ୍ରତ୍ୟେକ ଗଣମାଧ୍ୟମ କର୍ମଚାରୀଙ୍କୁ ସେମାନଙ୍କ କାର୍ଯ୍ୟାଳୟରେ ଟିକା ପ୍ରଦାନ କରାଯିବା ନେଇ ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହା ମଧ୍ୟରେ ଖୁସିଖବର କି ଉତ୍ତରପ୍ରଦେଶରେ କରୋନା ସଂକ୍ରମଣ ହାର ହ୍ରାସ ପାଇଛି । ଏବେ ରାଜ୍ୟରେ ଦୈନିକ ସଂକ୍ରମଣ ୩୦ ହଜାର ତଳକୁ ଖସିଥିବା ବେଳେ ସୁସ୍ଥହାର ବଢିଛି । ୟୁପିରେ କରୋନା ସଂକ୍ରମଣ କମୁଥିବା ବେଳେ ପଡୋଶୀ ରାଜ୍ୟ ଦିଲ୍ଲୀରେ କିନ୍ତୁ ସ୍ଥିତି ଗମ୍ଭୀର ରହିଛି ।
କହିରଖୁ କି ସାମ୍ବାଦିକ ମାନଙ୍କୁ କୋଭିଡ ଯୋଦ୍ଧା ଭାବେ ଘୋଷଣା କରି ଓଡିଶା ସରକାର ପ୍ରଥମେ ଟିକା ଦେବା ଆରମ୍ଭ କରିଛନ୍ତି । ଏହାସହ ଓଡିଶା ସରକାର ଘୋଷଣା କରିଛନ୍ତି କି ଯଦି କୌଣସି କାର୍ଯ୍ୟରତ ସାମ୍ବାଦିକଙ୍କର କରୋନା ସଂକ୍ରମଣରେ ମୃତ୍ୟୁ ହୁଏ ତେବେ ତାଙ୍କ ପରିବାରକୁ ୧୫ ଲକ୍ଷ ଟଙ୍କାର ଆର୍ଥିର୍କ ସହାୟତା ରାଜ୍ୟ ସରକାର ଯୋଗାଇ ଦେବେ ।