ହରିୟାଣା ଗୃହମନ୍ତ୍ରୀଙ୍କ ବଡ ନିଷ୍ପତ୍ତି । କୃଷକଙ୍କୁ ଆନ୍ଦୋଳନ ସ୍ଥଳରେ ଦିଆଯିବ କରୋନା ଟିକା । କୋଭିଡ ଟେଷ୍ଟ ପାଇଁ କରାଯିବ ସମସ୍ତ ବ୍ୟବସ୍ଥା ।
କନକ ବ୍ୟୁରୋ : ହରିୟାଣା ଗୃହମନ୍ତ୍ରୀ ଅନିଲ ବିଜ୍ ଆଜି ଏକ ବଡ ଘୋଷଣା କରିଛନ୍ତି । ସେ କହିଛନ୍ତି କି ରାଜ୍ୟରେ ଯେତେ ସ୍ଥାନରେ କୃଷକମାନେ ଆନ୍ଦୋଳନ କରୁଛନ୍ତି ସବୁ ଆନ୍ଦୋଳନ ସ୍ଥଳରେ ସେମାନଙ୍କୁ କୋଭିଡ ଟିକା ଦିଆଯିବାର ବ୍ୟବସ୍ଥା କରାଯିବ । ଏହାସହ ଆନ୍ଦୋଳନରତ କୃଷକ ମାନଙ୍କର କିଭଳି କୋଭିଡ ଟେଷ୍ଟ ହୋଇପାରିବ ସେ ନେଇ ବନ୍ଦୋବସ୍ତ କରାଯାଉଛି । ସେ କହିଛନ୍ତି କି ରାଜ୍ୟରେ ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଆନ୍ଦୋଳନରତ କୃଷକ ମାନଙ୍କୁ ଟିକା ଦିଆଯିବା ଦରକାର ଓ ଏହା ହେଉଛି ମୋର କର୍ତ୍ତବ୍ୟ । ଏହାସହ ରାଜ୍ୟ ସ୍ୱାସ୍ଥ୍ୟ ବିଭାଗକୁ ଏନେଇ ନିର୍ଦ୍ଦେଶ ଜାରି କରାଯାଇଥିବା ସେ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
It is my duty to worry about everyone in Haryana. Farmers are protesting here in large numbers. We have decided to vaccinate them and get them tested for #COVID19: Haryana Home Minister Anil Vij pic.twitter.com/9mG9qbq2ZT
— ANI (@ANI) April 20, 2021
ଅନ୍ୟପଟେ ହରିୟାଣା ମୁଖ୍ୟମନ୍ତ୍ରୀ ମନୋହରଲାଲ୍ ଖଟ୍ଟର କୃଷକ ମାନଙ୍କୁ ଆନ୍ଦୋଳନ ପ୍ରତ୍ୟାହାର କରିବାକୁ ଅନୁରୋଧ କରିଛନ୍ତି । କରୋନା କାଳରେ ଗୋଟଏ ସ୍ଥାନରେ ଏକାଠି ହୋଇ ଆନ୍ଦୋଳନ କରିବା ଦ୍ୱାରା ନିଜ ଜୀବନ ପ୍ରତି ବିପଦ ଡାକିଆଣିବା ସହ ଅନ୍ୟମାନଙ୍କ ସଂକ୍ରମଣର କାରଣ ଆନ୍ଦୋଳନ ହୋଇପାରେ ବୋଲି ସେ କହିଛନ୍ତି ।