ଚାଟାର୍ଡ ପ୍ଲେନ୍ ସହାୟତାରେ ଆମେରିକା ଆଣିଲା କରୋନା ଭ୍ୟାକ୍ସିନ୍ । ଡିସେମ୍ବର ଶେଷ ସପ୍ତାହ ସୁଦ୍ଧା ଆରମ୍ଭ ହେବ ଟିକାକରଣ
କନକ ବ୍ୟୁରୋ : ଆମେରିକାର ବିଭିନ୍ନ କୋଣ ଅନୁକୋଣରେ କରୋନା ଭ୍ୟାକ୍ସିନ୍ ପହଂଚାଇବାକୁ ଆମେରିକା ସରକାର କାର୍ଯ୍ୟକ୍ରମ ଆରମ୍ଭ କରିଛନ୍ତି । ୟୁନାଇଟେଡ୍ ଏୟାରଲାଇନ୍ସର ବିମାନ ସହାୟତାରେ ଦେଶର ବିଭିନ୍ନ ସ୍ଥାନକୁ ଫାଇଜରର କରୋନା ଭ୍ୟାକ୍ସିନକୁ ବିଭିନ୍ନ ସ୍ଥାନକୁ ଅଣାଯାଇ ସେଠାରେ ମହଜୁଦ୍ କରାଯାଉଛି । କହିରଖୁ କି କିଛିଦିନ ପୂର୍ବରୁ ଫାଇଜର କହିଥିଲା କି ତାଙ୍କ କମ୍ପାନୀ ଦ୍ୱାରା ପ୍ରସ୍ତୁତ ଭ୍ୟାକ୍ସିନ ୯୫ ପ୍ରତିଶତ ପ୍ରଭାବଶାଳୀ ।
ଏକ ଆନ୍ତର୍ଜାତୀୟ ଖବର ସରବରାହ ସଂସ୍ଥାର ରିପୋର୍ଟ ମୁତାବକ ଉଡାଜାହଜରେ ଭ୍ୟାକ୍ସିନ ପଠାଯିବା ଓ ଏହାର ବିତରଣ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯିବା କରୋନା ଉପରେ ବିଶ୍ୱର ବିଜୟ । ଅନୁମାନ କରାଯାଉଛି କି ଡିସେମ୍ବର ଶେଷ ସପ୍ତାହ ସୁଦ୍ଧା ଆମେରିକାରେ ଟିକାକରଣ ଆରମ୍ଭ ହୋଇଯିବ । ଖାଦ୍ୟ ଏବଂ ଔଷଧ ବିଭାଗ ଖୁବ୍ ଶୀଘ୍ର ଏହି ଭ୍ୟାକ୍ସିନ୍ କୁ ମଞ୍ଜୁରୀ ଦେବା ନେଇ ଆଶା ସଂଚାର ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଭ୍ୟାକ୍ସିନ ପରିବହନ କରିବାକୁ ୟୁନାଇଟେଡ୍ ଏୟାର ଲାଇନ୍ସର ଫ୍ଲାଇଟ୍ସ ରେ ଅଧିକରୁ ଅଧିକ ବରଫ ମହଜୁଦ ରଖିବାକୁ ମଞ୍ଜୁରୀ ମିଳିଛି । କାରଣ ଫାଇଜରର ଏହି ଭ୍ୟାକ୍ସିନ୍ ବିଯୁକ୍ତ ୭୦ ଡିଗ୍ରୀ ତାପମାତ୍ରାରେ ରଖିବାକୁ ପଡୁଛି । ଭ୍ୟାକ୍ସିନକୁ ସପ୍ଲାଇ କରିବାକୁ ଫାଇଜର ସୁଟକେସ୍ ଆକାରରେ ବାକ୍ସ ନିର୍ମାଣ କରିଛି । ଯେଉଁଥିରେ କି ଶୁଖିଲା ବରଫ୍ ସହିତ ଭ୍ୟାକ୍ସିନକୁ ରଖା ଯାଉଛି ।
ଏହା ପୂର୍ବରୁ ଫାଇଜର କହିଥିଲା କି ଆମେରିକା ଓ ୟୁରୋପ ଠାରେ କମ୍ପାନୀ ପକ୍ଷରୁ ଲକ୍ଷାଧିକ ଡୋଜ୍ ପ୍ରସ୍ତୁତ ହୋଇ ରହିଛି । ଏବେ ଏହାକୁ ବାଣ୍ଟନ କରିବାକୁ ବ୍ୟବସ୍ଥା କରାଯାଉଛି । କାରଣ ମଞ୍ଜୁରୀ ମିଳିବା ପରେ ଯେତେଶୀଘ୍ର ସମ୍ଭବ ଟିକାକରଣ ଆରମ୍ଭ ହୋଇଯିବ । ଫାଇଜର କମ୍ପାନୀ ଗୋଟିଏ ଦିନରେ ୨୦ ଟି ଫ୍ଲାଇଟ୍ ରେ ଟିକା ବିତରଣ ପାଇଁ ବ୍ୟବସ୍ଥା କରାଯାଇଛି ।