ନୂଆ ବର୍ଷରେ ଆସିପାରେ କରୋନା ଟିକା । ସେରମ ଇନଷ୍ଟିଚ୍ୟୁଟ ମୁଖ୍ୟ ଆଦର ପୁନାୱାଲା କହିଲେ, ଜରୁରୀ ଅନୁମୋଦନ ମିଳିଲେ ଡିସେମ୍ବରରେ ପ୍ରସ୍ତୁତ ହୋଇପାରିବ ଟିକା । ୨୦୨୧ ତୃତୀୟ କ୍ୱାଟର ସୁଦ୍ଧା ପ୍ରସ୍ତୁତ ହୋଇଯିବ ୧୦ କୋଟି ଡୋଜ୍
କନକ ବ୍ୟୁରୋ : କେବେ ଆସିବ କୋଭିଡ୍ ଭ୍ୟାକସିନ । ଏହାକୁ ସାରା ବିଶ୍ୱ ଅନାଇ ବସିଛି । ଏଭଳି ସମୟରେ ଆଶ୍ୱସ୍ତିକର ବୟାନ ଦେଇଛନ୍ତି ଟିକା ନିର୍ମାତା କମ୍ପାନୀ ସେରମ ଇନଷ୍ଟିଚ୍ୟୁଟର ମୁଖ୍ୟ କାର୍ଯ୍ୟ ନିର୍ବାହି ଅଧିକାରୀ ଅଦାର ପୁନାୱାଲା । ସେ କହିଛନ୍ତି, ଜରୁରୀକାଳିନ ଭିତିରେ ଭାରତ ସରକାର ଅନୁମତି ଦେଲେ, ଡିସେମ୍ବର ସୁଦ୍ଧା ଟିକା ପ୍ରସ୍ତୁତ ହୋଇଯିବ । ଏହା ପରେ ୨୦୨୧ରେ, ପ୍ରଥମ ଓ ଦ୍ୱିତୀୟ କ୍ୱାର୍ଟରର ପ୍ରଥମ ଦଫାରେ ୧୦ କୋଟି ଡୋଜ୍ ଉପଲବ୍ଧ ହେବ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମକୁ ଦେଇଥିବା ସାକ୍ଷାତକାରରେ ଆଶ୍ୱସ୍ତ କରିବା ଭଳି ସୂଚନା ଦେଇଛନ୍ତି ସେରମ ଇନ୍ଷ୍ଟିଚ୍ୟୁର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଅଦାର ପୁନାୱାଲା । ଡିସେମ୍ବର ସୁଦ୍ଧା ଏହାର ପ୍ରସ୍ତୁତ ସରିବା ପରେ ଏହାର ପ୍ରଥମ ଦଫାରେ ପ୍ରାୟ ୧୦ କୋଟି ଡୋଜ୍ ଟିକା ୨୦୨୧ ମସିହା ଦ୍ୱିତୀୟ ବା ତୃତୀୟ କ୍ୱାର୍ଟରରେ ଉପଲବ୍ଧ ହେବ ବୋଲି ସେ ସୂଚନା ଦେଇଛନ୍ତି । ତେବେ ବ୍ରିଟେନ୍ରେ ପରୀକ୍ଷଣ ଆଗୁଆ ରହିଛି ଏବଂ ଏହାର ରିପୋର୍ଟ ଆଧାରରେ ସରକାର ଚାହିଁଲେ ଜରୁରୀକାଳୀନ ଅନୁମତି ଦେଇପାରିବେ । ଏଦିଗରେ ମଧ୍ୟରେ ସେରମ ଇନ୍ଷ୍ଟିଚ୍ୟୁଟ୍ ଆବେଦନ କରିବ ବୋଲି ସେ କହିଛନ୍ତି ।
ଡିସେମ୍ବର ଶେଷ ସୁଦ୍ଧା ଭାରତରେ ଏହି କରୋନା ଟିକାର ପରୀକ୍ଷଣ ଶେଷ ହେବ । ବର୍ତମାନ ଚାଲିଥିବା ପରୀକ୍ଷଣ ଅନୁସାରେ ସମସ୍ତ ତଥ୍ୟ ସୁରକ୍ଷା ମାନକ ମଧ୍ୟରେ ରହୁଛି । ଏହି ପରୀକ୍ଷଣରେ ବୟସ୍କ ବ୍ୟକ୍ତିଙ୍କୁ ମଧ୍ୟ ସାମିଲ କରାଯାଇଛି । ସଦ୍ୟଜାତ ଶିଶୁଙ୍କ ପାଇଁ ଟିକା ପ୍ରସ୍ତୁତ କରୁଥିବା ସେରମ୍ ଇନ୍ଷ୍ଟିଚ୍ୟୁଟ୍ ଟିକାର ମାନକୁ ନେଇ ଦୃଢ ନିଶ୍ଚିତ ବୋଲି ପୁନାୱାଲା କହିଛନ୍ତି ।
ତେବେ ଟିକା ପ୍ରଦାନ ପରେ ଦୀର୍ଘକାଳୀନ ପ୍ରତିରୋଧକ ଶକ୍ତି ଆସୁଛି ନା ନାହିଁ ସେନେଇ ବର୍ଷେ ଦୁଇ ବର୍ଷ ଅପେକ୍ଷା କରିବାକୁ ପଡିବ ବୋଲି ସୂଚନା ଦେଇଛନ୍ତି ସେରମ୍ ଇନ୍ଷ୍ଟିଚ୍ୟୁଟ୍ ମୁଖ୍ୟ । ଏହା ସହ ପ୍ରଥମ ଡୋଜ୍ ଟିକା ନେବାର ପ୍ରାୟ ମାସକ ମଧ୍ୟରେ ଦ୍ୱିତୀୟ ଡୋଜ୍ ନେବାକୁ ପଡିବ । ଏହା ଦୀର୍ଘକାଳୀନ ପ୍ରତିରୋଧକ ଶକ୍ତି ବୃଦ୍ଧି କରିବ ବୋଲି ମଧ୍ୟ ସେ ସୂଚନା ଦେଇଛନ୍ତି ।