କନକ ବ୍ୟୁରୋ : ଦ୍ୱିତୀୟ ପର୍ଯ୍ୟାୟ ବଜେଟ୍ ଅଧିବେଶନ ପୂର୍ବରୁ ଉଭୟ ଲୋକସଭା ଓ ରାଜ୍ୟସଭାର ପ୍ରାୟ ଅଧା ସାଂସଦଙ୍କୁ ଟିକା ଦିଆଯିବ ବୋଲି ସୂଚନା ମିଳୁଛି । ସଂସଦର ଦୁଇ ସଦନର ୭୭୭ ସାଂସଦଙ୍କ ମଧ୍ୟରୁ ୩୬୬ ଜଣ ସାଂସଦଙ୍କ ବୟସ ୬୦ ବର୍ଷରୁ ଅଧିକ ରହିଛି । କେନ୍ଦ୍ର ସରକାରଙ୍କ ନିୟମ ଅନୁସାରେ ଦ୍ୱିତୀୟ ପର୍ଯ୍ୟାୟ ଟିକାକରଣରେ ୬୦ ବର୍ଷରୁ ବୟସ୍କ ବ୍ୟକ୍ତିଙ୍କୁ ଟିକା ଦିଆଯାଉଥିବାରୁ ମାର୍ଚ୍ଚ ୮ରେ ସଂସଦ ଅଧିବେଶନ ଆରମ୍ଭ ପୂର୍ବରୁ ଏମାନଙ୍କ ଟିକାକରଣ କରାଯିବ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ଦେଶରେ କରୋନା ସଂକ୍ରମଣ ଧିରେ ଧିରେ ବଢ଼ୁଥିବା ବେଳେ ସୋମବାର ଠାରୁ ଦିଆଯାଉଛି ସାଧାରଣ ଲୋକଙ୍କୁ ଟିକା । ଏହି ପର୍ଯ୍ୟାୟରେ ୬୦ ବର୍ଷ ଓ ତା’ଠାରୁ ଅଧିକ ବୟସ୍କ ବ୍ୟକ୍ତିଙ୍କୁ ଦିଆଯାଉଛି ଟିକା । ସେହିପରି ୪୫ରୁ ୫୯ ବର୍ଷ ମଧ୍ୟରେ ଥିବା ଯେଉଁ ବ୍ୟକ୍ତି ବିଭିନ୍ନ ରୋଗରେ ପୀଡ଼ିତ ଥିବେ, ସେମାନଙ୍କୁ ମଧ୍ୟ ଟିକା ଦିଆଯାଉଛି । ଟିକା ନେବାକୁ ଇଚ୍ଛା କରୁଥିବା ବ୍ୟକ୍ତି ଆଗୁଆ ପଂଜିକରଣ କରିବେ । କୋୱିନ୍-୨ ପଏଂଟ ଜିରୋ ପୋର୍ଟାଲରେ ନାଁ ଓ ମୋବାଇଲ୍ ନମ୍ବର ଦେଇ ପଂଜିକୃତ କରିବାକୁ ହେବ । ଓଟିପି ଆସିବା ପରେ ପରିଚୟ ପତ୍ରର ବିବରଣୀ ଦେବେ । ଜନ୍ମ ତାରିଖ ଓ ଲିଙ୍ଗ ସଂପର୍କରେ ଜଣାଇବେ । ସବୁ ତଥ୍ୟ ଦେବା ପରେ ସ୍ୱୀକୃତି ପତ୍ର ମିଳିବ ।