କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ ସୂଚନା, ଜୁଲାଇରେ ଦିଆଯାଇଛି କରୋନା ଟିକାର ୧୩ କୋଟି ଡୋଜ, ଅଗଷ୍ଟରେ ଆହୁରି ଦ୍ରୁତ ହେବ ଟିକାକରଣ ଅଭିଯାନ
କନକ ବ୍ୟୁରୋ : ଦେଶରେ ଚାଲିଥିବା କରୋନା ନିରୋଧୀ ଟିକାକରଣ ଅଭିଯାନକୁ ନେଇ ଆଜି ସୂଚନା ଦେଇଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମଣ୍ଡାବିୟା । ରବିବାର ଦିନ ସେ ତାଙ୍କ ଟ୍ୱିଟ ଯୋଗେ ସୂଚନା ଦେଇଛନ୍ତି କି ଜୁଲାଇ ମାସରେ ଦେଶରେ ୧୩ କୋଟି ଡୋଜ ଟିକା ଦିଆଯାଇଛି । ଏହାସହ ଅଗଷ୍ଟ ମାସରେ ଏହି ସଂଖ୍ୟା ବୃଦ୍ଧି ହେବ ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି କଂଗ୍ରେସ ନେତା ରାହୁଲ ଗାନ୍ଧୀ କେନ୍ଦ୍ର ସରକାରଙ୍କୁ ଟାର୍ଗେଟ୍ କରି ଏକ ଟ୍ୱିଟ୍ କରିଥିଲେ । ସେ ଲେଖିଥିଲେ କି “କ’ଣ ଭାରତ ସରକାର ଟିକାକରଣ ନେଇ ରଖିଥିବା ଲକ୍ଷ୍ୟ ପୂରଣ କରିପାରିବେ ?” । ଏହାର ଉତ୍ତର ଦେବାକୁ ଯାଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଏହି ସୂଚନା ଦେଇଛନ୍ତି ।
“More than 13 crore vaccines have been administered in the country in July. The number is going to accelerate this month,” tweets Union Health Minister Mansukh Mandaviya
(file photo) pic.twitter.com/rd7VcKhhRP
— ANI (@ANI) August 1, 2021
କହିରଖୁ କି ଦେଶରେ କରୋନାର ତୃତୀୟ ଲହର ଆସୁଥିବା ନେଇ ବିଶେଷଜ୍ଞମାନେ ସୂଚନା ଦେବା ପରେ କୋଭିଡ କଟକଣାକୁ ନେଇ କଠୋର ହୋଇଛନ୍ତି କେନ୍ଦ୍ର ସରକାର । ତୃତୀୟ ଲହରରୁ ଦେଶବାସୀଙ୍କୁ ସୁରକ୍ଷା ଦେବାକୁ କେନ୍ଦ୍ର ସରକାର ଅନେକ ପ୍ରକାର ସତର୍କତା ଅବଲମ୍ବନ କରିଛନ୍ତି । ଏହାରି ମଧ୍ୟରେ କରୋନା ବିରୋଧୀ ଲଢେଇରେ ସବୁଠାରୁ ବଡ ଅସ୍ତ୍ର କୁହାଯାଉଥିବା ଟିକାକରଣକୁ ନେଇ ବି ଆକ୍ସନ ମୋଡରେ ଅଛନ୍ତି ସରକାର । ଦେଶର ୧୮ ବର୍ଷରୁ ଉର୍ଦ୍ଧ ସମସ୍ତ ନାଗରିକଙ୍କୁ କିଭଳି କମ ସମୟ ମଧ୍ୟରେ ଟିକା ଦିଆଯାଇ ପାରିବ ସେ ନେଇ ସ୍ୱତନ୍ତ୍ର ଯୋଜନା ପ୍ରସ୍ତୁତ କରିଛନ୍ତି । ଏହାସହ କିଭଳି ୧ ରୁ ୧୮ ବର୍ଷ ପିଲାମାନଙ୍କ ପାଇଁ ଟିକା ପ୍ରସ୍ତୁତ ହୋଇ ପାରିବ ତା ଉପରେ ବି ଜୋର ଦେଇଛନ୍ତି ।
ସୂଚନା ଥାଉକି ଡିସିଜିଆଇ ଭାରତରେ ୪ ଟି ଟିକାକୁ ଜରୁରୀକାଳୀନ ବ୍ୟବହାର ପାଇଁ ମଞ୍ଜୁରୀ ପ୍ରଦାନ କରିଛନ୍ତି । ଏହାସହ ସେପ୍ଟେମ୍ବର ସୁଦ୍ଧା ଛୋଟ ପିଲାଙ୍କ ପାଇଁ ଟିକା ଆସିପାରେ ବୋଲି ଆଶା କରିଛନ୍ତି ।