କନକ ବ୍ୟୁରୋ : ରବିବାର ଛୁଟି ଦିନରେ ମଧ୍ୟ ୩ ହଜାର ୬୮୩ ଜଣଙ୍କୁ କରୋନା ଟିକା ଦିଆଯାଇଛି । ସ୍ୱାସ୍ଥ୍ୟ ବିଭାଗର ସୂଚନା ଅନୁସାରେ ଆଜି କେବଳ ବାଲେଶ୍ୱର ଓ ଦେବଗଡକୁ ଛାଡି ବାକି ଜିଲ୍ଲାଗୁଡିକରେ ୬୬୯ଟି ଅଧିବେଶନରେ ଟିକାକରଣ ହେଉଛି । ତେବେ ଟିକା ନେବା ପାଇଁ ଲୋକଙ୍କ ଭିତରେ ପ୍ରବଳ ଆଗ୍ରହ ଦେଖିବାକୁ ମିଳୁଛି ।
Kanak News is now on WhatsApp
Join and get latest news updates delivered to you via WhatsApp
ବିଶେଷ କରି ୧୮ରୁ ୪୪ ବର୍ଷ ବୟସ୍କଙ୍କ ପାଇଁ ତୃତୀୟ ପର୍ଯ୍ୟାୟ ଟିକାକରଣ ଆରମ୍ଭ ହେବା ଦିନରୁ ଟିକାକେନ୍ଦ୍ରରେ ପ୍ରବଳ ଭିଡ ଲାଗିରହୁଛି । ସ୍ୱାସ୍ଥ୍ୟ ବିଭାଗର ସୂଚନା ଅନୁଯାୟୀ ରାଜ୍ୟ ସରକାରଙ୍କ ପାଖରେ ଏବେ କେନ୍ଦ୍ର ସରକାର ଦେଇଥିବା ୨ଲକ୍ଷ ୬୯ ହଜାର ୬୩୦ ଡୋଜ୍ ଏବଂ ରାଜ୍ୟ ସରକାର ନିଜେ କିଣିଥିବା ୧ ଲକ୍ଷ ଡୋଜ୍ କୋଭିସିଲ୍ଡ ଟିକା ମହଜୁଦ ଅଛି । ସେହିପରି କେନ୍ଦ୍ର ଦେଇଥିବା ୩ ଲକ୍ଷ ୪୨ ହଜାର ୩୦୦ ଡୋଜ୍ କୋଭାକ୍ସିନ ଟିକା ଓ ରାଜ୍ୟ ସରକାରଙ୍କ ୧ ଲକ୍ଷ ୬ ହଜାର ୨୮୦ ଡୋଜ୍ କୋଭାକ୍ସିନ ଟିକା ରହିଛି ।
ମଙ୍ଗଳବାରଠାରୁ ରାଜ୍ୟର ୪ଟି ମହାନଗର ନିଗମ କଟକ, ରାଉରକେଲା, ସମ୍ବଲପୁର ଓ ବ୍ରହ୍ମପୁରରେ ଟିକା ଦିଆଯିବ । ଏଥିପାଇଁ ଲୋକସଂଖ୍ୟା ଆଧାରରେ ୪ ମହାନଗରକୁ ଟିକା ପଠାଯାଇଛି । କଟକ ମହାନଗର ନିଗମକୁ ସର୍ବାଧିକ ୩୨ ହଜାର ୮୦୦, ରାଉରକେଲା ମହାନଗର ନିଗମକୁ ୨୭ ହଜାର ୩୦୦, ସମ୍ବଲପୁର ମହାନଗର ନିଗମକୁ ୨୦ ହଜାର ୯୦୦ ଏବଂ ବ୍ରହ୍ମପୁର ମହାନଗର ନିଗମକୁ ୧୯ ହଜାର ଡୋଜ୍ ଟିକା ଦିଆଯାଇଛି ।