ବାଲେଶ୍ୱରରେ ଆଉ ୨ ଆକ୍ରାନ୍ତ ଚିହ୍ନଟ । ଜଣେ ପୁରୁଷ, ଜଣେ ମହିଳାଙ୍କ ନମୂନାରେ କରୋନା ପଜିଟିଭ । ୧୦ରେ ପହଞ୍ଚିଲା ଜିଲ୍ଲାର ମୋଟ ଆକ୍ରାନ୍ତଙ୍କ ସଂଖ୍ୟା । ପୂରା ଓଡିଶାରେ ପଜିଟିଭ ସଂଖ୍ୟା ୮୯କୁ ବୃଦ୍ଧି
କନକ ବ୍ୟୁରୋ: ରାଜ୍ୟରେ ପୁଣି ୨ କରୋନା ଆକ୍ରାନ୍ତ ଚିହ୍ନଟ । ବାଲେଶ୍ୱରରେ ଚିହ୍ନଟ ହେଲେ ଆଉ ୨ ପଜିଟିଭ । ୨ ଜଣଙ୍କ ନମୂନାରେ କରୋନା ପଜିଟିଭ ଚିହ୍ନଟ । ତେବେ ୨ ନୂଆ ଆକ୍ରାନ୍ତ ପରେ ବାଲେଶ୍ୱରରେ କରୋନା ଆକ୍ରାନ୍ତଙ୍କ ସଂଖ୍ୟା ୧୦ରେ ପହଞ୍ଚିଲା । ନୂଆ ୨ ଆକ୍ରାନ୍ତ ମଧ୍ୟରେ ଜଣେ ପୁରୁଷ ଓ ଜଣେ ମହିଳା । ୫୫ ବର୍ଷୀୟ ମହିଳା ଓ ୩୬ ବର୍ଷୀୟ ଯୁବକଙ୍କ ନମୂନାରେ କରୋନା ପଜିଟିଭ । ତେବେ ଉଭୟ ଆକ୍ରାନ୍ତ ପୂର୍ବରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ସ୍ପଷ୍ଟ କଲେ ସରକାର ।
Kanak News is now on WhatsApp
Join and get latest news updates delivered to you via WhatsApp
2nd Health Update, 23rd April, 2020
Two New Positive Cases in Balasore.
55 Yrs Female & 36 Yrs MaleBoth contacts of earlier positive case.
Contact tracing and followup action is being done.
Total Positive Case: 89
— I & PR Department, Odisha (@IPR_Odisha) April 23, 2020
ସେପଟେ ବାଲେଶ୍ୱରର ଆଉ ୨ ଆକ୍ରାନ୍ତ ଚିହ୍ନଟ ହେବା ପରେ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୮୯ରେ ପହଞ୍ଚିଲା । ବର୍ତ୍ତମାନ ଓଡିଶାରେ ସକ୍ରିୟ ସଂଖ୍ୟା ୫୫ ଥିବାବେଳେ ସେଥିରୁ ୩୩ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।
ତେବେ ଆଜି ଯାଜପୁରରେ ଆଉ ୪ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଜଣେ ଦଶରଥପୁର ଅଞ୍ଚଳର ହୋଇଥିବା ବେଳେ ଅନ୍ୟ ୩ ଜଣ ଯାଜପୁରର । ତେବେ ନୂଆ ୪ ଆକ୍ରାନ୍ତଙ୍କ ମଧ୍ୟରେ ଜଣେ ପୁରୁଷ ଓ ୩ ଜଣ ମହିଳା । ସେମାନଙ୍କ ମଧ୍ୟରେ ୪୮ ବର୍ଷୀୟ ମହିଳା, ୭୦ ବର୍ଷୀୟ ବୃଦ୍ଧା, ୮୦ ବର୍ଷୀୟ ବୃଦ୍ଧା ଏବଂ ୨୧ ବର୍ଷୀୟ ଯୁବକ ଆକ୍ରାନ୍ତ ଚିହ୍ନଟ ହୋଇଛନ୍ତି । ସମସ୍ତ ୪ ଜଣ କୋଲକାତା ଫେରନ୍ତା ପୂର୍ବ ଆକ୍ରାନ୍ତଙ୍କ ପରିବାର ଲୋକ ବୋଲି ସୂଚନା ଦେଇଥିଲେ ସରକାର ।