ହକି ଖେଳାଳିଙ୍କୁ କରୋନା : ଭାରତୀୟ ଦଳ ଅଧିନାୟକ ମନପ୍ରୀତ ସିଂହ ସମେତ ୫ ଜଣଙ୍କ ନମୁନାରେ କରୋନା ଭୂତାଣୁ ଚିହ୍ନଟ, ବେଙ୍ଗାଲୁରୁ କ୍ୟାମ୍ପ ପୂର୍ବରୁ ହୋଇଥିଲା ପରୀକ୍ଷଣ
ସମସ୍ତଙ୍କ ଆଶୁ ଆରୋଗ୍ୟ କାମନା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
କନକ ବ୍ୟୁରୋ : ଭାରତୀୟ ହକି ଦଳର ଅଧିନାୟକ ମନପ୍ରୀତ ସିଂ କରୋନାରେ ଆକ୍ରାନ୍ତ ହୋଇଛନ୍ତି । କେବଳ ମନପ୍ରୀତ ନୁହଁନ୍ତି ଆଉ ୪ଜଣ ଖେଳାଳିଙ୍କ ସ୍ୱାବ୍ ରିପୋର୍ଟ ବି କୋଭିଡ ପଜିଟିଭ୍ ଆସିଛି । ଏମାନେ ହେଉଛନ୍ତି, ସୁରେନ୍ଦର କୁମାର, ଜସ୍କରନ୍ ସିଂ, ବରୁନ୍ କୁମାର, ଏବଂ ଭାରତୀୟ ଦଳର ଗୋଲ କିପର କ୍ରିସନ୍ ପାଠକ । ଭାରତୀୟ ହକି ଟିମର ମୋଟ ୫ ଜଣ ଖେଳାଳି ସଂକ୍ରମିତ ହୋଇଥିବା ସୂଚନା ମିଳିଛି । ବେଙ୍ଗାଲୁରୁରେ ଚାଲିଥିବା ଜାତୀୟ ହକି ଶିବିରରେ ଯୋଗ ଦେବା ପାଇଁ ଏହି ୫ ଜଣ ଖେଳାଳି ଆସିଥିଲେ । ହକି ଶିବିରରେ ଯୋଗ ଦେବା ପୂର୍ବରୁ କରୋନା ପରୀକ୍ଷା ବାଧ୍ୟତାମୂଳକ ଥିଲା ।
Kanak News is now on WhatsApp
Join and get latest news updates delivered to you via WhatsApp
ରାପିଡ୍ ଆଂଟିଜେନ୍ ଟେଷ୍ଟରେ ପ୍ରଥମେ ସମସ୍ତଙ୍କ ରିପୋର୍ଟ ନେଗେଟିଭ୍ ଆସିଥିଲା । ତେବେ ମନପ୍ରୀତ ଓ ସୁରେନ୍ଦରଙ୍କ ଠାରେ ଲକ୍ଷଣ ଦେଖାଦେବା ପରେ ସେମାନଙ୍କର ଆରଟି-ପିସିଆର୍ ଟେଷ୍ଟ କରାଯାଇଥିଲା । ସେଥିରେ ସେମାନଙ୍କ ରିପୋର୍ଟ ପଜିଟିଭ୍ ଆସିଥିବା ଜଣାପଡିଛି । ପଜିଟିଭ୍ ଥିବା ଖେଳାଳି ମାନଙ୍କୁ ସଙ୍ଗରୋଧରେ ରଖାଯାଇଛି ।