କନକ ବ୍ୟୁରୋ : ଭାରତରେ କରୋନା ଭୂତାଣୁର ଯାଂଚ ପାଇଁ ଇଣ୍ଡିଆନ କାଉଁସିଲ ଅଫ୍ ମେଡିକାଲ ରିସର୍ଚ୍ଚ (ଆଇସିଏମଆର) ଆଉ ୬ ଟି କିଟ୍ କୁ ଅନୁମୋଦନ କରିଛି । ଏବେ ଦେଶରେ ଆରଟି-ପିସିଆର ଓ ରାପିଡ୍ ଆଣ୍ଟିଜେନ୍ ଟେଷ୍ଟିଂ କିଟ୍ ମାଧ୍ୟମରେ ପରୀକ୍ଷା କରାଯାଉଛି । ହେଲେ ଆଇସିଏମଆରର ଅନୁମୋଦନ ପରେ ଏବେ ଆଉ ୬ ଟି ଅନ୍ୟ କିଟ୍ ମାଧ୍ୟମରେ ବି କରୋନା ଭୂତାଣୁର ପରୀକ୍ଷଣ କରାଯାଇପାରିବ । ଅଲଗା ଅଲଗା ଦେଶରେ କରୋନା ପରୀକ୍ଷଣ ପାଇଁ ବ୍ୟବହାର କରାଯାଉଥିବା କିଟ୍ ବି ଭାରତରେ ବ୍ୟବହାର କରାଯାଇପାରିବ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଦେଶରେ ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଟେଷ୍ଟିଂ ହାର ବୃଦ୍ଧି କରିବାକୁ ଏଭଳି ପଦକ୍ଷେପ ନିଆଯାଇଛି । ଆଇସିଏମଆରର ଏଭଳି ପଦକ୍ଷେପ ଫଳରେ ୟୁରୋପ, ଜାପାନ, ଦକ୍ଷୀଣ କୋରିଆ, ଅଷ୍ଟ୍ରେଲିଆ, ବ୍ରାଜିଲ ଭଳି ଦେଶର କିଛି ବୈଶୟୀକ ଏଜେନ୍ସି ଓ ବିଶ୍ୱ ସ୍ୱାସ୍ଥ୍ୟସଂଗଠନର ଜରୁରୀକାଳୀନ ବ୍ୟବହାର ତାଲିକାରେ ଥିବା ଟେଷ୍ଟିଂ କିଟ୍ କୁ ବ୍ୟବହାର କରାଯାଇ ପାରିବ । ସେମାନଙ୍କର ଟେଷ୍ଟିଂକିଟ୍ ପାଇଁ ଭାରତର ବୈଧତା ଆବଶ୍ୟକ ପଡିବ ନାହିଁ ।