ଭାରତରେ ଆକ୍ରାନ୍ତଙ୍କ ସଂଖ୍ୟା ଛୁଇଁଲା ୨୦ ହଜାର ୪୭୧ । ଗତ ୨୪ ଘଂଟାରେ ୧୪୮୬ ନୂଆ ମାମଲା ଚିହ୍ନଟ, ୪୯ ଜଣଙ୍କ ମୃତ୍ୟୁ : ସେପଟେ ବିଶ୍ୱରେ ୨୪ ଲକ୍ଷ ୭୫ ହଜାର ୭୨୩ ଜଣ ଆକ୍ରାନ୍ତ ଚିହ୍ନଟ
କନକ ବ୍ୟୁରୋ: ଭାରତରେ କରୋନା ସଂକ୍ରମଣ ଉଦବେଗଜନକ ଭାବେ ବଢିବାରେ ଲାଗିଛି । ଗତ୨୪ ଘଂଟାରେ ୧୪୮୬ ନୂଆ ମାମଲା ଚିହ୍ନଟ ହୋଇଛି । ସେହିପରି ଗତ୨୪ ଘଂଟାରେ ୪୯ ଜଣଙ୍କ ଜୀବନ କରୋନା ନେଇଥିବା ବେଳେ ୭ଶହ ଆକ୍ରାନ୍ତ ସୁସ୍ଥ ହୋଇଛନ୍ତି । ଭାରତରେ ଏବେ ଆକ୍ରାନ୍ତଙ୍କ ସଂଖ୍ୟା ୨୦ ହଜାର ୪୭୧କୁ ଛୁଇଁଛି । ବର୍ତମାନ ସୁଦ୍ଧା ୩ ହଜାର ୬୯୦ ଜଣ ସୁସ୍ଥ ହୋଇଥିବା ବେଳେ ୬୫୨ ଜଣଙ୍କ ମୃତ୍ୟୁ ହୋଇଛି । ଭାରତରେ ଏବେ ୧୫ ହଜାର ୮୫୯ ଏକ୍ଟିଭ କେସ ରହିଛି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା ଅନୁସାରେ ଗତ ୨୪ ଘଂଟାରେ ମହାରାଷ୍ଟ୍ରରେ ସର୍ବାଧିକ ୫୫୨ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜସ୍ଥାନରେ ୨୨୫ଟି ନୂଆ ମାମଲା ସାମ୍ନାକୁ ଆସିଥିବା ବେଳେ ଗୁଜୁରାଟରେ ୨୦୬ ଓ ଉତରପ୍ରଦେଶରେ ୧୧୮ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି ଗତ୨୪ ଘଂଟାରେ । ସେପଟେ ବିଶ୍ୱର ୨୧୩ଟି ଦେଶରେ ସାଂଘାତିକ ରୂପ ନେଉଛି ମହାମାରୀ କରୋନା ଭୁତାଣୁ । ବିଶ୍ୱରେ ମୋଟ ୨୪ ଲକ୍ଷ ୭୫ ହଜାର ୭୨୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ୧ଲକ୍ଷ ୬୯ ହଜାର ୧୧୫ ଜଣଙ୍କ ମୃତ୍ୟୁ ହୋଇଥିବା ସ୍ପଷ୍ଟ କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ ।