କନକ ବ୍ୟୁରୋ: ଶୀତରେ ବଢିପାରେ କରୋନା । ଅଧିକ ଶୀତ ହେଲେ ପୁଣି ଲେଉଟି ପାରେ କରୋନା ଲହଡି । ୨ୟ ଦଫା କରୋନା ହେବା ନେଇ ବିଶେଷଜ୍ଞମାନେ ଆଶଙ୍କା କରୁଥିବା ବେଳେ ଆଜି ପୁଣି ସତର୍କ କରାଇଛନ୍ତି ଡାକ୍ତର । ସାବଧାନ ନହେଲେ ପୁଣି ହୋଇପାରେ କରୋନା । ଶୀତଦିନେ ପ୍ରଦୂଷଣ ବଢୁଥିବାରୁ ଶ୍ୱାସକ୍ରିୟା ଜନିତ ସମସ୍ୟା ଦେଖାଦିଏ ଯାହା କରୋନା ହେବାରୁ ମଧ୍ୟ ରୋକାଯାଇ ନପାରେ ।
Kanak News is now on WhatsApp
Join and get latest news updates delivered to you via WhatsApp
ତେଣୁ ଶୀତ ସରିବା ଯାଏଁ ସତର୍କତାର ସହ ରହିଲେ ଆମକୁ କରୋନା ଛୁଇଁ ନପାରେ ବୋଲି ପରାମର୍ଶ ଦେଇଛନ୍ତି ଡାକ୍ତର ନିରୋଜ ମିଶ୍ର ।
ତେବେ କରୋନା ପରବର୍ତ୍ତୀ ସତର୍କତା ଉପରେ ଗୁରୁତ୍ୱ ଦେଇଛନ୍ତି ଡାକ୍ତର ମିଶ୍ର । ମେଦ ବହୁଳତା, ଉଚ୍ଚ ରକ୍ତଚାପ ଥିବା ରୋଗୀଙ୍କ ପ୍ରତି ଅଧିକ ବିପଦ ରହିଛି । ସଂକ୍ରମଣରୁ ସୁସ୍ଥ ହେବା ପରେ ଅନେକ ଲୋକଙ୍କର ଲକ୍ଷଣ ରହୁଛି । ସ୍ୱାଦ ଚାଲିଯାଉଛି, ଦୁର୍ବଳ ଲାଗୁଛି । ତେବେ ଟିକେ ଖାମଖିଆଲି ହେଲେ ପାଶ୍ଚାତ ଦେଶ ପରି ଆମର ବି ଆସିପାରେ ୨ୟ ୱେଭ ।