କରୋନା ଗୁଜବକାରୀଙ୍କୁ ସରକାରଙ୍କ ଚେତାବନୀ । ଆକ୍ରାନ୍ତଙ୍କୁ ନେଇ କିଛି ବି ଅପପ୍ରଚାର କଲେ କାହାକୁ ଛଡାଯିବନି, ନିଆଯିବ କଠୋର କାର୍ଯ୍ୟାନୁଷ୍ଠାନ
କନକ ବ୍ୟୁରୋ: କରୋନା ନେଇ ଗୁଜବକାରୀଙ୍କୁ ଚେତାବନୀ ଦେଲେ ସରକାର । କରୋନା ବାବଦରେ କୌଣସି ଗୁଜବକୁ କ୍ଷମା ଦିଆଯିବନି । ଆକ୍ରାନ୍ତ କିମ୍ବା ସନ୍ଦିଗ୍ଧଙ୍କୁ ନେଇ ଯଦି କେହି କିଛି ଗୁଜଗ କରନ୍ତି ତେବେ ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଏପରି ଘୃଣ୍ୟ ଏବଂ ନିନ୍ଦନୀୟ କାର୍ଯ୍ୟ କରୁଥିବା ଲୋକଙ୍କ ବିରୋଧରେ ସଙ୍ଗେ ସଙ୍ଗେ ପଦକ୍ଷେପ ନିଆଯିବ ବୋଲି ସାମ୍ବାଦିକ ସମ୍ମିଳନୀରେ ସ୍ପଷ୍ଟ କରିଛନ୍ତି ସୁବ୍ରତ ବାଗଚୀ । ତେବେ ଆକ୍ରାନ୍ତଙ୍କୁ ନେଇ ଅବା କରୋନା ନେଇ ଯଦି କୌଣସି ଲୋକ ଅପପ୍ରଚାର କରୁଥାନ୍ତି ତେବେ ସେମାନେ ଏଭଳି ରାଷ୍ଟ୍ରଦ୍ରୋହୀ କାମରୁ ଦୂରେଇ ରୁହନ୍ତୁ । ରାଜ୍ୟ ସରକାର କରୋନା ମୁକାବିଲା ପାଇଁ ନିରନ୍ତର ପ୍ରୟାସ ଜାରି ରଖିଛନ୍ତି ଆଉ ଏଭଳି ସ୍ଥଳରେ ଏ ଗୁଜବକାରୀଙ୍କ ନିନ୍ଦନୀୟ କାର୍ଯ୍ୟକଳାପ ଦୁଃଖର ବିଷୟ ।
ତେବେ ଆଜି ଓଡିଶାର ୪ର୍ଥ କରୋନା ଆକ୍ରାନ୍ତଙ୍କ ଫଟୋ ଭାଇରାଲ କରି ଭଦ୍ରକରେ ୩ ଜଣ ଗିରଫ ହୋଇଛନ୍ତି । ସୋସିଆଲ ମିଡିଆରେ ୪ର୍ଥ କରୋନା ଆକ୍ରାନ୍ତଙ୍କ ଫଟୋ ଓ ଭିଡିଓ ଭାଇରାଲ କରିଥିବା ୩ ଜଣଙ୍କୁ ଗିରଫ କରିଛି ପୋଲିସ ।