ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ କରୋନା ସଂକ୍ରମିତ । ଘରୋଇ ସଂଗରୋଧରେ ଅଛନ୍ତି ଇମ୍ରାନ, ୨ଦିନ ତଳେ ଚିନ୍ ତିଆରି କରୋନା ଟିକା ନେଇଥିଲେ ଇମ୍ରାନ୍  

କନକ ବ୍ୟୁରୋ : ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ କରୋନା । ଚୀନ୍ ତିଆରି କରୋନା ଟିକାର ପ୍ରଥମ ଡ଼ୋଜ୍ ନେବାର ମାତ୍ର ୨ ଦିନ ଭିତରେ କରେନା ପଜିଟିଭ୍ ଆସିଛନ୍ତି ଇମ୍ରାନ୍ ଖାନ୍ । କରୋନାରେ ସଂକ୍ରମିତ ହେବା ପରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ଏବେ ଘରୋଇ ସଂଗରୋଧରେ ରହିଛନ୍ତି ।

ଇମ୍ରାନ୍ ଖାନ୍ ଚାଇନା ଭ୍ୟାକ୍ସିନ୍ ସାଇନୋଭାକର ପ୍ରଥମ ଡ଼ୋଜ ନେଇଥିଲେ । ତେବେ ଇମ୍ରାନ ଖାନଙ୍କ ସହ ସଂପର୍କରେ ଆସିଥିବା ତାଙ୍କର ସମସ୍ତ କର୍ମଚାରୀଙ୍କର କରୋନା ପରୀକ୍ଷା କରିବା ପାଇଁ ନିର୍ଦ୍ଦେଶ ଦିଆଯାଇଛି । ତେବେ ଇମ୍ରାନ ଖାନଙ୍କ ଠାରେ କରୋନା ସଂକ୍ରମଣ ନେଇ ଗମ୍ଭିର ଲକ୍ଷଣ ନାହିଁ । କରୋନା ଟିକା ନେବା ପରେ ଇମ୍ରାନ୍ ଖାନ୍ ପାକିସ୍ତାନର ସମସ୍ତଙ୍କୁ କରୋନା ଟିକା ନେବାକୁ ଆହ୍ୱାନ ଦେଇଥିଲେ । ଏବେ ନିଜେ କରୋନା ସଂକ୍ରମିତ ହେବା ପରେ ଚୀନର କରୋନା ଟିକାକୁ ନେଇ ସନ୍ଦେହ ସୃଷ୍ଟି ହୋଇଛି । ସେପଟେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଆଶୁ ଆରୋଗ୍ୟ କାମନା କରିଛନ୍ତି ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।